मंगळवार, 3 नोव्हेंबर 2026
उस्मानाबाद : उस्मानाबाद जिल्हा मध्यवर्ती सहकारी बँकेच्या १५ संचालकासाठी निवडणुक प्रक्रिया पार पडली. मतदानापुर्वीच महाविकास आघाडीचे ५ संचालक बिनविरोध आले होते . उर्वरीत १० जागेसाठी भाजपा विरूद्ध कॉग्रेस-राष्ट्रवादी -शिवसेना महाविकास आघाडी अशी झाली. या चुरशीच्या निवडणुकीत भाजपाचा सुपडा साफ झाला असून सर्व १५ संचालक महाविकास आघाडीचे विजयी झाले आहेत . अडचणीतील बँक बिनविरोध निवडणुकीसाठी प्रयत्न झाले मात्र काही कारणाने ही निवडणूक झाली. यात भाजपा आमदार राणाजगजितसिंह पाटील व शिवसेना खासदार ओमप्रकाश राजेनिंबाळकर यांची प्रतीष्ठ पणाला लागली होती.
जिल्हा मध्यवर्ती सहकारी बँकेच्या निवडणुकीसाठी महाविकास आघाडी विरुद्ध भाजप असा सामना रंगण्याची चिन्हे दिसत आहेत. महाविकास आघाडीच्या प्रमुख नेत्यांमध्ये चर्चा रंगलेली असून, लवकरच सर्वांची एकत्रित बैठक होणार असल्याचे सूत्रांनी सांगितले. भाजपच्या उमेदवारांनी अर्ज भरण्यास सुरुवात केल्याचे दिसून येत आहे. भाजपकडून एका गटाशी चर्चा सुरू असल्याचे सांगितले जात असले तरी त्यावर उघडपणे सध्यातरी कोण बोलताना दिसत नाही. त्यामुळे सद्यःस्थितीत भाजप ‘एकला चलो रे’च्या भूमिकेत दिसत आहे.
[read_also content=”भाजपचा गड असलेल्या विदर्भावर आता संजय राऊतांचा डोळा, नागपुरात आता तळ असेल…. https://www.navarashtra.com/nagpur/vidarbha/nagpur/sanjay-rauts-eye-will-now-be-on-bjps-stronghold-vidarbha-nagpur-will-now-be-the-base-nraa-242505.html”]
