पाटण तालुक्याच्या शिरपेचात मानाचा तुरा; डॉ. दादासाहेब सुभेदार मगर यांना पीएच.डी. पदवी प्रदान

Dr. Dadasaheb Subhedar Magar PhD Award: पाटण येथील डॉ. दादासाहेब सुभेदार मगर यांनी महाराष्ट्रातील औषधनिर्माणशास्त्र संस्थांच्या ग्रंथालयांचा तुलनात्मक अभ्यास करून पीएच.डी. पदवी संपादन केली.

• कष्ट, जिद्द आणि शिक्षणाची साथ
• दादासाहेब मगरांनी संपादन केली PhD पदवी
• दादासाहेब मगरांचा प्रेरणादायी प्रवास

पाटण: महात्मा गांधी मिशन विद्यापीठ, छत्रपती संभाजीनगर येथील ग्रंथालय व माहितीशास्त्र विषयात डॉ. दादासाहेब सुभेदार मगर यांनी “A Comparative Study of Pharmaceutical Institutes’ Libraries in Maharashtra” या विषयावर संशोधन करून पीएच.डी. (Doctor of Philosophy) पदवी संपादन केली.

Ganeshotsav 2026: ढोल-ताशांचा गजर अन् डीजेच्या दणक्यावर पोलिसांची नजर; २०० ठिकाणी मोजली जाणार ध्वनी पातळी

या संशोधनासाठी त्यांना डॉ. बालाजी दामवले यांचे मार्गदर्शन लाभले. या अभ्यासात महाराष्ट्रातील औषधनिर्माणशास्त्र संस्थांच्या ग्रंथालयांमधील माहिती संसाधने, ग्रंथालयीन सेवा, पायाभूत सुविधा, आधुनिक तंत्रज्ञानाचा वापर, व्यवस्थापन व्यवस्था तसेच संशोधनासाठी उपलब्ध असलेल्या सुविधांचा तुलनात्मक अभ्यास करण्यात आला आहे.

संशोधनाद्वारे औषधनिर्माणशास्त्र संस्थांच्या ग्रंथालयांची सद्यस्थिती, उपलब्ध संसाधने आणि सेवांचा आढावा घेऊन त्यांच्या बलस्थाने, मर्यादा आणि भविष्यातील विकासाच्या संधी अधोरेखित करण्यात आल्या आहेत. फार्मसी शिक्षण आणि संशोधन क्षेत्रातील ग्रंथालयांचा विकास, डिजिटल व तंत्रज्ञानाधिष्ठित सेवा तसेच विद्यार्थ्यांना व संशोधकांना अधिक प्रभावी माहिती सेवा उपलब्ध करून देण्यासाठी या संशोधनाचा उपयोग होणार आहे.

पाटण तालुक्यातील ग्रामीण भागातील तारळे विभागातील दादासाहेब मगर यांनी पाटण येथील बाळासाहेब देसाई महाविद्यालयात पदवी पर्यंतचे शिक्षण घेतले. अत्यंत खडतर आर्थिक परिस्थिती असूनही त्यांनी पदवीचे शिक्षण पूर्ण करून पुणे येथे अर्थार्जन करून डॉक्टरेट मिळवून तालुक्यासाठी अभिमानास्पद कार्य करून तरुणांपुढे आदर्श निर्माण केला आहे. तालुक्यातील कोयना शिक्षण संस्थेच्या पदाधिकाऱ्यांसह विविध क्षेत्रातून त्यांचे अभिनंदन करण्यात येत आहे.

Kolhapur Accident: अंबाबाईच्या दर्शनानंतर घरी परतताना काळाचा घाला; प्रसिद्ध मेस्त्रीचा अपघाती मृत्यू