Eknath Shinde Oath Ceremony: शपथविधीत एकनाथ शिंदेंची नाराजी स्पष्ट; पण मोदींशी हस्तांदोलन करताच उमटले स्मितहास्य

2022 मध्ये महाराष्ट्रात  एकनाथ शिंदे यांच्या नेतृत्वाखाली सरकार स्थापन झाले होते. शिंदे यांना मुख्यमंत्री तर भाजपचे देवेंद्र फडणवीस आणि राष्ट्रवादीचे अजित पवार यांना उपमुख्यमंत्रिपद देण्यात आले

Photo Credit- Social Media

Follow Us:

Follow Us:

मुंबई:  भाजप नेते देवेंद्र फडणवीस यांनी आज महाराष्ट्राच्या मुख्यमंत्रिपदाची शपथ घेतली. त्यांच्यासोबत  एकनाथ शिंदे आणि अजित पवार यांनीदेखील उपमुख्यमंत्रीपदाची शपथ घेतली. फडणवीस हे देशातील दुसऱ्या क्रमांकाचे राज्य महाराष्ट्राचे तिसऱ्यांदा मुख्यमंत्री झाले आहेत. पंतप्रधान नरेंद्र मोदी, गृहमंत्री अमित शहा आणि सर्व मंत्री आणि मुख्यमंत्र्यांच्या उपस्थितीत तिघांनीही शपथ घेतली. पण यादरम्यान अनेक आनंदाचे क्षण पाहायला मिळाले. शपथ घेतल्यानंतर एकनाथ शिंदे बाहेर आले तेव्हा त्यांनी पंतप्रधान मोदींजवळ जाऊन त्यांच्याशी हस्तांदोलन केले. यावेळी पीएम मोदींनी असे काही बोलले की ते मोठ्याने हसले.

पण शपथविधी सोहळ्यादरम्यान या तिन्ही नेत्यांच्या चेहऱ्यावरील हावभाव आणि देहबोली बरेच काही सांगून जात होती. 2022मध्ये झालेल्या शपथविधीच्या वेळी जशी परिस्थिती होती, त्यापेक्षा यावेळ तिघांच्याही चेहऱ्यावरील हावभाव काही वेगळेच होते. हेत तीन नेते पदांवर होते. पण त्यातील दोघांची पदे मात्र बदलली आणि या बदलाचे प्रतिबिंब त्यांच्या चेहऱ्यावर दिसत होते.

Maharashtra CM Oath Ceremony: ‘मी देवेंद्र सविता गंगाधर फडणवीस…’; देवेंद्र फडणवीसांनी घेतली मुख्यमंत्रिपदाची शपथ

2022 मध्ये महाराष्ट्रात  एकनाथ शिंदे यांच्या नेतृत्वाखाली सरकार स्थापन झाले होते. शिंदे यांना मुख्यमंत्री तर भाजपचे देवेंद्र फडणवीस आणि राष्ट्रवादीचे अजित पवार यांना उपमुख्यमंत्रिपद देण्यात आले. यावेळी अजित पवार पुन्हा उपमुख्यमंत्री झाले असले तरी एकनाथ शिंदे यांच्या जागी देवेंद्र फडणवीस आले आहेत. एकनाथ शिंदे यांना  उपमुख्यमंत्री करण्यात आले आहे. तर देवेंद्र फडणवीस मुख्यमंत्री झाले.

हे तिन्ही नेत्यांनी पुन्हा एकदा महाराष्ट्र सरकारची सूत्रे हाती घेतली आहेत, पण या बदलामुळे कोणाच्या तरी चेहऱ्यावर हसू तर कोणाच्या चेहऱ्यावरच्या वेदनेच्या रेषा लपून राहिल्या नाहीत. शपथविधी सोहळ्यात देवेंद्र फडणवीस यांचा चेहरा आत्मविश्वासाने चमकत होता. ते आणि अजित पवार एकत्रच बसले होते. दोघांनीही जवळपास सारखेच कपडे घातले होते. मागील सरकारचे हे दोन उपमुख्यमंत्रीही आपापसात चर्चा करताना दिसले. त्यांच्यात जवळीक दिसत होती. अजित पवारांचा चेहरा जवळपास भावनाहीन दिसत होता.

Devendra Fadnavis: कसा असेल देवेंद्र फडणवीसांचा मुख्यमंत्रिपदाचा कार्यकाळ?

दुसरीकडे माजी मुख्यमंत्री आणि विद्यमान उपमुख्यमंत्री एकनाथ शिंदे व्यासपीठावर फडणवीस आणि पवारांपासून वेगळे बसले होते. त्यातच ते त्यांच्या चेहऱ्यावरील वेदना लपवण्यात त्यांना अपयशी ठरले.  शपथ घेतल्यानंतर राज्यपालांनी तिन्ही नेत्यांना पुष्पगुच्छ देऊन पंतप्रधान नरेंद्र मोदी यांची भेट घेतली. यावेळीही त्याची देहबोली नाराजीची दिसत होती.  फडणवीस हसत होते, अजित पवारही हसत होते… पण एकनाथ शिंदे  हसण्याचा प्रयत्न करत होते, पण त्यांना हसू येत नव्हते.  पण त्याचवेळी ते  पंतप्रधान नरेंद्र मोदी यांच्याकडे गेले. पंतप्रधानांनी हस्तांदोलन करत शिंदेंचा हातावर  शाबाशकीची थाप मारली.  पीएम मोदींशी हस्तांदोलन करून ते परत आले तेव्हा त्यांच्या चेहऱ्यावर हसू दिसत होते.

Web Title: Eknath shindes displeasure even during the oath taking ceremony nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com