कल्याण : कल्याण लोकसभा मतदारसंघात श्रीकांत शिंदे यांच्याकडून प्रचंड मताधिक्याने निवडून येणार असल्याचा दावा केला जात आहे. याबाबत बोलताना वरून सरदेसाई यांनी श्रीकांत शिंदे यांना चिमटा काढलाय. सरदेसाई यांनी बोलताना अजून त्यांच्याकडून उमेदवार घोषित झालेला नाही, त्यामुळे आजच्या घडीला शिवसेना उद्धव बाळासाहेब ठाकरे पक्षविरुद्ध अपक्ष अशी लोकसभेतील लढाई आहे. जनता आमच्या पाठीमागे आहे, मशाल चिन्ह घरोघरी पोहोचवलं पाहिजे याकरता संपूर्ण महाराष्ट्रात प्रयत्न करत आहोत.
उद्धव ठाकरेंच्या प्रति संपूर्ण महाराष्ट्रात प्रचंड सहानुभूती लोकप्रियतेची लाट आहेत. त्या लाटेवर आमचा विश्वास आहे आणि आम्ही परत एकदा जिंकू असे सांगितले. तर पुढे बोलताना राजकारणाचा स्थळ वेगळ्या पातळीला जाऊन पोहोचला आहे. असं असताना उद्धव ठाकरे यांनी सामान्य घरातील महिलेला उमेदवारी दिली आहे. वैशाली दरेकर या कमी वयात नगरसेविका म्हणून निवडून आल्या आहेत.
कल्याण डोंबिवली महापालिकेत विरोधी पक्षनेते म्हणून काम केले. सामान्य महिला विरुद्ध धनशक्ती मशाल पॉवर अशी ही लढत होणार आहे. त्यामध्ये कल्याण लोकसभेचे जनता हे निष्ठावंत वैशाली दरेकर यांच्या सोबत उभी राहणार असल्याचे सांगितले. आमच्या पक्षात कोणतेही नाराजी नसून नाराजी असेल तर ते दूर करण्यात येईल असे देखील यावेळी वरून सरदेसाई यांनी सांगितले.
.png "Videos"){kind=small}
