संभाजी भिडेंच्या अडचणीत होणार वाढ; 150 जणांविरुद्ध गुन्हा दाखल, पोलिसांच्या परवानगीविना बैठक पडली महागात

शिवप्रतिष्ठाणचे संस्थापक संभाजी भिडे (Sambhaji Bhide) यांच्या अडचणीत आणखी वाढ होण्याची शक्यता आहे. महापुरुषांचा अपमान प्रकरणानंतर त्यांच्यावर आणखी एका प्रकरणात गुन्हा नोंदवण्यात आला आहे. संभाजी भिडेंबरोबरच आणखी 150 जणांविरुद्ध गुन्ह्याची नोंद करण्यात आली आहे.

Follow Us:

Follow Us:

मुंबई : शिवप्रतिष्ठाणचे संस्थापक संभाजी भिडे (Sambhaji Bhide) यांच्या अडचणीत आणखी वाढ होण्याची शक्यता आहे. महापुरुषांचा अपमान प्रकरणानंतर त्यांच्यावर आणखी एका प्रकरणात गुन्हा नोंदवण्यात आला आहे. संभाजी भिडेंबरोबरच आणखी 150 जणांविरुद्ध गुन्ह्याची नोंद करण्यात आली आहे.

परवानगी नाकारल्यानंतरही पोलिसांचा आदेश धुडकावत मार्गदर्शन बैठक घेतल्यामुळे त्यांच्याविरुद्ध गुन्हा नोंदवण्यात आला आहे. सूत्रांनी दिलेल्या माहितीनुसार, शिवप्रतिष्ठानचे संस्थापक अध्यक्ष संभाजी भिडेंसह 150 जणांविरुद्ध पुण्याच्या लोणीकंद पोलील ठाण्यात गुन्ह्याची नोंद करण्यात आली आहे. भिडे यांना मार्गदर्शक बैठक घेण्यासाठी पोलिसांनी परवानगी नाकारली होती. त्यानंतरही भिडेंनी मार्गदर्शक बैठक घेतली. त्यामुळे ही बैठक त्यांना चांगलीच महागात पडली आहे.

पुण्यातील मांजरी कोलवडी परिसरात नगर रस्त्यावरील माऊली लॉन्स या ठिकाणी सभा आयोजित करण्यात आली होती. सुरुवातीला संभाजी भिडे यांना सभेसाठी पोलसांनी परवानगी नाकारली होती. मात्र, संभाजी भिडेंनी पोलिसांचे आदेशाकडे दुर्लक्ष करत मार्गदर्शक बैठक घेतली.

Web Title: Fir on 150 activist including sambhaji bhide nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com