सरकारकडून पुन्हा ‘आनंदाचा शिधा’, गौरी गणपती, दिवाळीसाठी 100 रु. मिळणार 1 कि. रवा, चणाडाळ, साखर आणि खाद्यतेल; कॅसिनो कायदा रद्द, वाचा संपूर्ण निर्णय

मागील वर्षीप्रमाणे यावर्षी देखील दिवाळीत १०० रुपयांत आनंदाची शिधा देण्याचा निर्णय राज्य सरकारने घेतला आहे. दरम्यान, यावर्षी आता गौरी गणपतीला देखील १०० रुपयांमध्ये १ किलोचा रवा, चणाडाळ, साखर, खाद्यतेल असा आनंदाचा शिधा मिळणार आहे.

Follow Us:

Follow Us:

मुंबई – महागाईनं होरपळलेल्या सर्वसामान्यांसाठी एक आनंदाची बातमी समोर येत आहे. आज राज्य मंत्रिमंडळाची बैठक पार पडली. (State Government Meeting) या बैठकीत अनेक महत्त्वाचे निर्णय घेण्यात आले. तर आगामी निवडणुकीच्या (Election) धरतीवर लोकांना, मतदारांना आकर्षित करण्यासाठी मागील वर्षीप्रमाणे यावर्षी देखील दिवाळीत १०० रुपयांत आनंदाची शिधा देण्याचा निर्णय राज्य सरकारने घेतला आहे. तर, यावर्षी आता गौरी गणपतीला देखील १०० रुपयांमध्ये १ किलो रवा, चणाडाळ, साखर, खाद्यतेल असा आनंदाचा शिधा मिळणार आहे. (govt again ration of happiness gauri ganapati hundred rupess for diwali will get one kg flour sugar edible oil etc)

आज राज्य सरकारच्या बैठकीत घेण्यात आलेले महत्त्वाचे निर्णय खालीलप्रमाणे –

• गौरी गणपती, दिवाळीसाठी १०० रुपयात आनंदाचा शिधा. प्रत्येकी एक किलोचा रवा, चणाडाळ, साखर, खाद्यतेल असा शिधा (अन्न व नागरी पुरवठा)
• राज्यातील १७ जिल्ह्यांतील सर्व आदिवासी वाडे, पाडे आता मुख्य रस्त्याने जोडणार . भगवान बिरसा मुंडा जोड रस्ते योजना राबविणार. ५ हजार कोटीचा प्रस्ताव ( आदिवासी विकास विभाग)
• आयटीआयमधील शिल्प कारागीर प्रशिक्षणार्थीना विद्यावेतनात भरीव वाढ. आता दरमहा ५०० रुपये मिळणार (कौशल्य विकास )
• मुंबई प्रेस क्लबला फोर्ट येथे पुनर्विकासासाठी परवानगी ( महसूल विभाग)
• महाराष्ट्र कॅसिनो कायदा रद्द ( गृह विभाग )
• केंद्राच्या सूचनांप्रमाणे राज्यात पोषण अभियान कार्यक्रम. राज्याचा हिस्सा वाढला ( महिला व बाल विकास)
• सहकारी संस्था आणि सभासदांबाबतचा २०२३ चा अध्यादेश मागे ( सहकार विभाग )
• दुय्यम न्यायालयातील निवृत्त न्यायिक अधिकाऱ्यांना सुधारित निवृत्तीवेतन ( विधी व न्याय विभाग)
• मंडणगड येथे दिवाणी न्यायालय ( विधी व न्याय विभाग).

Web Title: Govt again ration of happiness gauri ganapati hundred rupess for diwali will get one kg flour sugar edible oil etc

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com