छत्रपती संभाजीनगरमध्ये जीसटी विभागाचा छापा, ज्वेलर्सकडून कर चुकवला गेल्याच्या संशयामुळे कारवाई

कर चोरीप्रकरणी जीएसटीच्या वसुली पथकाने छापेमारी केली आहे. कारवाईसाठी आलेल्या पथकाने सुरुवातीला दुकानातील सर्व फोन बंद केलेे आणि चौकशी सुरु केली.

Follow Us:

Follow Us:

छत्रपती संभाजी नगर : राष्ट्रवादी काँग्रेसचे आमदार आणि माजी मंत्री हसन मुश्रीफ (Hasan Mushrif) यांच्या कागलच्या (Kagal) निवासस्थानी ईडीने (ED)  तिसऱ्यांदा छापा मारला आहे, तर आता दुसरीकडे छत्रपती संभाजीनगर शहरातील (Chhatrapati Sambhaji Nagar City) एका सराफा दुकानावर जीएसटीच्या वसुली पथकाने (GST Recovery Squad) छापा घातला आहे. शुक्रवारी सुरु झालेली छापेमारीची कारवाई अजूनही सुरुच आहे. या घटनेमुळे शहरात खळबळ उडाली आहे.

छत्रपती संभाजी नगर शहरातील एका सराफा दुकानावर शुक्रवारी जीएसटीच्या वसुली पथकाने छापा घातला. शुक्रवारी दुपारी एक वाजेपासून रात्री उशिरापर्यंत कर विभागाच्या पथकाचा दुकानात तपास सुरु होता. दुकानातील कर्मचाऱ्यांना या वेळेत दुकानात थांबवून ठेवण्यात आले होते. आज दुसऱ्या दिवशीही कारवाई सुरूच आहे. बाफना ज्वेलर्स असं कारवाई करण्यात आलेल्या सराफा दुकानाचं नाव आहे.

आर्थिक वर्षातील मार्च हा अखेरचा महिना असल्याने करवसुली यंत्रणा सक्रिय झाल्याचं दिसत आहे. दरम्यान छत्रपती संभाजीनगर शहरातील बाफना ज्वेलर्स जीएसटीच्या वसुली पथकाने छापा घातला आहे. शहरातील जालना रस्त्यावरील बाफना ज्वेलर्स या सराफा दुकानावर जीएसटीच्या वसुली अधिकाऱ्यांनी कारवाई केली आहे. शुक्रवारी सुमारे 10 तास अधिकाऱ्यांनी दुकानातील व्यवहारांविषयी चौकशी केली. त्यानंतर आज देखील कारवाई सुरूच असून, या काळात सर्व कर्मचारी आणि व्यवस्थापकांना दुकानातच थांबवण्यात आले. शुक्रवारी दुपारनंतर दुकानाचे मालक शहरात पोहोचल्यावर पुढील चौकशी सुरु झाली आहे. दरम्यान दुसऱ्या दिवशी म्हणजेच आजही ही चौकशी सुरू आहे.

कर चोरीप्रकरणी जीएसटीच्या वसुली पथकाने ही छापेमारी केली आहे. कारवाईसाठी आलेल्या पथकाने सुरुवातीला दुकानातील सर्व फोन बंद केलेे आणि चौकशी सुरु केली. तसेच या पथकाने दुकानातील ज्वेलरी खरेदी-विक्री संबधित कागदपत्रे तपासली आहे. वेगवेगळ्या बिलांची तपासणी सुरु असून भरलेल्या जीएसटीबाबत चौकशी केली जात आहे. तर संबधित ज्वेलर्सने कर चोरल्याचा जीएसटी पथकाला संशय आहे. त्यानुसार चौकशी सुरु आहे. या कारवाईबाबत जीएसटी विभागाकडून अजूनही कोणतेही अधिकृत माहिती देण्यात आलेली नाही.

Web Title: Gst raid at bafna jwellers of chhatrapati sambhajinagar nrsr

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com