मंगळवार, 3 नोव्हेंबर 2026
Jalgaon News: (फोटो सौजन्य- सोशलमीडिया)
अमळनेर (वा.) तालुक्यात १०८ रुग्णवाहिका सेवेपाठोपाठ आता १०२ रुग्णवाहिका सेवाही अडचणीत सापडली आहे. प्रत्येक रुग्णवाहिकेसाठी २४ तासांत एकच चालक उपलब्ध असल्याने तसेच बहुतांश चालक कंत्राटी असल्याने रुग्णांना वेळेवर सेवा मिळण्यात अडचणी येत आहेत. परिणामी प्रसूतीसाठी महिलांना खासगी वाहनांचा आधार घ्यावा लागत असल्याचे चित्र आहे. Jalgaon News:
अमळनेर ग्रामीण रुग्णालय, अमळगाव ग्रामीण रुग्णालय, जानवे, मांडळ, मारवड, पातोंडा आणि ढेक प्राथमिक आरोग्य केंद्र अशा सात ठिकाणी १०२ रुग्णवाहिका उपलब्ध आहेत. मात्र, जानवे केंद्र वगळता अन्य सहा ठिकाणचे चालक कंत्राटी आहेत. जानवे येथील कायमस्वरूपी चालकाचेही निधन झाले आहे.
Jalgaon SBI Robbery: सोन्याच्या दरोड्याचा थरारक शेवट; पोलिसांची झटपट कारवाई, चौघे गजाआड
प्रसूतीदरम्यान माता आणि बालकांना तातडीने वैद्यकीय सेवा मिळावी, या उद्देशाने १०२ रुग्णवाहिका सुरू करण्यात आल्या होत्या. अलीकडे ही सेवा इतर रुग्णांसाठीही उपलब्ध करण्याची घोषणा झाल्याने नागरिकांच्या अपेक्षा वाढल्या होत्या. मात्र, चालक रजेवर असणे किंवा वेळेवर उपलब्ध न होणे यामुळे रुग्णवाहिका सेवा विस्कळीत होत आहे. ग्रामीण भागात गरज भासल्यास शहरातून किंवा दुसऱ्या आरोग्य केंद्रातून रुग्णवाहिका मागवावी लागते. काही वेळा प्रसूतीसाठी महिलांना खासगी वाहनांचा आधार घ्यावा लागतो. रिक्षातच प्रसूती झाल्याच्या घटनाही घडल्या आहेत.
प्रत्येक १०२ रुग्णवाहिकेवर कंत्राटीऐवजी कायमस्वरूपी चालक नेमावेत. तसेच २४ तास सेवा सुरळीत ठेवण्यासाठी प्रत्येक ठिकाणी दोन चालक उपलब्ध करून द्यावेत, अशी मागणी होत आहे.
Jalgaon News: भोकरमध्ये बँक लुटण्याचा प्रयत्न; दरोडेखोर पळण्याआधीच पोलिसांच्या ताब्यात
Ans: १०८ सेवेनंतर आता १०२ रुग्णवाहिका सेवाही अडचणीत आली आहे.
Ans: अमळनेर ग्रामीण रुग्णालय, अमळगाव ग्रामीण रुग्णालय आणि पाच प्राथमिक आरोग्य केंद्रांसह सात ठिकाणी १०२ रुग्णवाहिका उपलब्ध आहेत.
Ans: चालकांची कमतरता, कंत्राटी नियुक्त्या आणि प्रत्येक रुग्णवाहिकेसाठी एकच चालक उपलब्ध असणे ही प्रमुख कारणे आहेत.
