मंगळवार, 3 नोव्हेंबर 2026
सावध राहा, सुरक्षित साजरा का दिवाळी! फटके फोडताना डोळ्यांना इजा होऊ नये म्हणून या पद्धतीने घ्या काळजी
Eye Safety During Diwali: दिवाळी हा शब्द उच्चारताच प्रत्येकाच्या मनात आनंद आणि उत्साहाची भावना निर्माण होते. दिवाळीच्या दिवशी लोक दिवे लावतात, घरांची सजावट करतात, मिठाईचा आस्वाद घेतात आणि फटाके फोडतात. प्रकाशाचा हा सण कुटुंबीय आणि मित्रपरिवाराला एकत्र आणतो. मात्र, या उत्साहात अनेकदा फटाक्यांमुळे उद्भवणाऱ्या धोक्यांकडे दुर्लक्ष केले जाते. दिवाळीच्या काळात होणाऱ्या फटाक्यांच्या अपघातांमध्ये डोळ्यांना गंभीर दुखापत होण्याचे प्रमाण अधिक असते. दरवर्षी फटाक्यांमुळे होणाऱ्या डोळ्यांच्या दुखापतींमध्ये हळूहळू वाढ होताना दिसत आहे.(फोटो सौजन्य – AI)
डॉ अग्रवालस् आय हॉस्पिटलच्या चीफ स्ट्रॅटेजी ऑफिसर आणि हेड ऑफ क्लिनिकल सर्व्हिसेस डॉ. वंदना जैन सांगतात, “दिवाळी हा आनंदाचा आणि उत्सवाचा काळ असला, तरी या उत्साहात डोळ्यांच्या सुरक्षिततेकडे दुर्लक्ष करू नये. फटाक्यांमुळे होणाऱ्या डोळ्यांच्या दुखापती या किरकोळ जळजळ आणि भाजण्यापासून ते दृष्टीवर कायमस्वरूपी परिणाम करणाऱ्या गंभीर दुखापतींपर्यंत असू शकतात. मुलांवर नेहमीच प्रौढांनी लक्ष ठेवावे, फटाके केवळ मोकळ्या जागेत फोडावेत आणि सर्वांनी सुरक्षित अंतर राखावे. डोळ्यांना दुखापत झाल्यास डोळे चोळू नयेत किंवा घरगुती उपाय करू नयेत, तर त्वरित वैद्यकीय मदत घ्यावी. थोडीशी सावधगिरी बाळगल्यास दिवाळीचा आनंद सर्वांसाठी सुरक्षित आणि आनंददायी राहू शकतो.”
डोळे हा मानवी शरीरातील अत्यंत नाजूक अवयवांपैकी एक आहे. फटाक्यांची अगदी छोटी ठिणगी किंवा कणदेखील डोळ्यांना गंभीर इजा पोहोचवू शकतो. फटाके फोडणाऱ्या व्यक्तींनाच नव्हे, तर आसपास उभ्या असलेल्या व्यक्तींनाही डोळ्यांच्या दुखापतींचा धोका असतो.
Diet Control: दिवाळीत वजन नियंत्रणासाठी कोणत्या गोष्टी लक्षात ठेवाव्या? तज्ज्ञांनी दिला सल्ला
डोळ्यांना दुखापत झाल्यास त्वरित मदत मिळावी यासाठी आम्ही आपत्कालीन सेवा उपलब्ध करून दिली आहे. कृपया 95949 03809 या क्रमांकावर संपर्क साधा चला, ही दिवाळी अधिक सुरक्षित, पर्यावरणपूरक आणि आरोग्यदायी बनवूया!
Ans: फटाके फोडताना सुरक्षित अंतर ठेवावे. शक्य असल्यास योग्य दर्जाचे प्रोटेक्टिव्ह सेफ्टी गॉगल्स वापरावेत. फटाक्यांच्या अगदी जवळ चेहरा नेणे टाळावे.
Ans: फटाक्यांच्या ठिणग्या, धूर आणि उडणाऱ्या कणांमुळे डोळ्यांची जळजळ, लालसरपणा, कॉर्नियाला इजा किंवा गंभीर परिस्थितीत दृष्टीला धोका निर्माण होऊ शकतो.
Ans: डोळा चोळू नये किंवा त्यावर दाब देऊ नये. डोळ्यात अडकलेला कण स्वतः काढण्याचा प्रयत्न करू नये. तातडीने नेत्रतज्ज्ञ किंवा जवळच्या आपत्कालीन वैद्यकीय केंद्रात जावे.
