रविवार, 1 नोव्हेंबर 2026
BMC School Diwali Holidays (फोटो सौजन्य- सोशलमीडिया)
BMC Mumbai primary schools Diwali vacation circular : मुंबईत राहणाऱ्या पालकांसाठी आणि विद्यार्थ्यांसाठी एक खुशखबर आहे. यंदाची दिवाळी जास्तच खास होणार आहे. कारण बृहन्मुंबई महानगरपालिकेच्या शिक्षण विभागाने 2026 च्या सुट्ट्यांचं वेळापत्रक जाहीर केलं आहे आणि यात दिवाळीला तब्बल 16 दिवसांची मोठी सुट्टी देण्यात आली आहे. BMC School Diwali Holidays:
BMC च्या शिक्षणाधिकाऱ्यांनी याबाबत अधिकृत परिपत्रक काढलं आहे. हे परिपत्रक मुंबईतील सगळ्या भाषांच्या मनपा शाळा आणि प्रायव्हेट अनुदानित प्राथमिक शाळांच्या मुख्याध्यापकांना पाठवण्यात आलं आहे.
शिक्षण विभागाने दिलेल्या माहितीनुसार, यंदा दिवाळीची सुट्टी गुरुवार, 5 नोव्हेंबर 2026 पासून सुरू होणार आहे. ही सुट्टी सोमवार, 23 नोव्हेंबर 2026 पर्यंत असणार आहे. मध्ये 3 रविवार येतात, ते धरून एकूण 16 दिवस मुलांना शाळेत जावं लागणार नाही.आणि अजून एक भारी गोष्ट म्हणजे, सुट्टी संपल्यावर लगेच दुसऱ्या दिवशी मंगळवारी, 24 नोव्हेंबर 2026 ला गुरुनानक जयंतीची सुट्टी आहे. त्यामुळे शाळा थेट बुधवारी, 25 नोव्हेंबर 2026 ला सुरू होणार आहेत. म्हणजे मुलांना सलग आराम मिळणार आहे.
दरवर्षी दिवाळीच्या सुट्टीच्या तारखा उशिरा कळतात, त्यामुळे गावी जाणाऱ्या लोकांचे हाल होतात. रेल्वेचं तिकीट मिळत नाही, बसचं बुकिंग फुल होतं. पण यंदा BMC ने अगोदरच तारखा जाहीर केल्यामुळे सगळ्यांना नियोजन करायला वेळ मिळणार आहे.
मुंबईत असे लाखो कुटुंब आहेत जे दिवाळीला कोकणात, खानदेशात, मराठवाड्यात आपल्या गावी जातात. त्यांच्यासाठी ही अगोदर जाहीर झालेली सुट्टी म्हणजे मोठा दिलासा आहे. आता ते आरामात रेल्वेचं रिझर्वेशन करू शकतात. शिक्षकांना पण आपल्या सुट्टीचं प्लॅनिंग करायला सोपं जाणार आहे.
School Diwali Vacation 2026: विद्यार्थ्यांसाठी आनंदाची बातमी! पुणे …
या परिपत्रकात एक महत्त्वाची टीप पण देण्यात आली आहे. मुंबईत अशा बऱ्याच शाळा आहेत जिथे एकाच आवारात प्राथमिक आणि माध्यमिक दोन्ही शाळा भरतात. अशा शाळांमध्ये कधी कधी सुट्ट्यांच्या तारखांमध्ये गोंधळ होतो.
त्यावर उपाय म्हणून शिक्षण विभागाने सांगितलं आहे की, जर माध्यमिक विभागाने जाहीर केलेल्या सुट्ट्या आणि BMC च्या प्राथमिकच्या सुट्ट्यांमध्ये फरक असेल, तर संबंधित शाळा शिक्षणाधिकाऱ्यांची परवानगी घेऊन आपल्या 76 वार्षिक सुट्ट्यांच्या आत त्यात बदल करू शकतात.
तसेच, पुढे जाऊन सरकारने शाळांच्या सुट्ट्यांबाबत काही नवीन नियम काढले, तर त्यानुसार या वेळापत्रकात बदल करण्याचे सगळे अधिकार शिक्षणाधिकाऱ्यांकडे असतील.
दिवाळीची सुट्टी कमी झाली ना राव ! शिक्षक आणि पालकांचा संताप
एकंदरीत, या स्पष्ट वेळापत्रकामुळे शाळांचं वर्षभराचं नियोजन, परीक्षा आणि मुलांचे अभ्यासाचे दिवस सगळं सुरळीत पार पडणार आहे. आणि सगळ्यात महत्त्वाचं म्हणजे मुलांना यंदा दिवाळीचा मनसोक्त आनंद लुटता येणार आहे.
Ans: मुंबईतील संबंधित शाळांना दिवाळीची एकूण १६ दिवसांची सुट्टी मिळणार आहे.
Ans: दिवाळीची सुट्टी गुरुवार, ५ नोव्हेंबर २०२६ पासून सुरू होणार आहे.
Ans: दिवाळीची सुट्टी सोमवार, २३ नोव्हेंबर २०२६ रोजी संपणार आहे.
