बुधवार, 28 ऑक्टोबर 2026
Jalgaon News : वीजेच्या धक्क्याने शिवसेना विभागप्रमुखाचा मृत्यू, नातेवाईकांसह कार्यकर्त्यांची रुग्णालयात गर्दी, सौजन्य : आयएएनएस
Jalgaon News : शहरातील पिंप्राळा परिसरात घरात इलेक्ट्रिक फिटिंगचे काम सुरू असताना विजेचा जोरदार धक्का लागून खासगी वायरमन योगेश उर्फ भैय्या वाघ यांचा मृत्यू झाल्याची धक्कादायक घटना घडली आहे. घटनेनंतर त्यांना जळगाव (Jalgaon) शासकीय वैद्यकीय महाविद्यालय व रुग्णालयात दाखल करण्यात आले. मात्र, डॉक्टरांनी त्यांना मृत घोषित केले.
योगेश वाघ हे शिवसेना ठाकरे गटाचे पिंप्राळा भागाचे विभागप्रमुख असल्याने त्यांच्या मृत्यूची बातमी समजताच नातेवाईकांसह शिवसैनिकांनी रुग्णालयात गर्दी केली.
सकाळी नेहमीप्रमाणे कामावर गेलेल्या भैय्या वाघ यांच्या मृत्यूची बातमी दुपारी समजल्याने कुटुंबीयांसह स्थानिक शिवसेना कार्यकर्त्यांनाही मोठा धक्का बसला आहे. शिवसेना ठाकरे गटाचे माजी महानगर अध्यक्ष गजानन मालपुरे यांनीही या घटनेवर दु:ख व्यक्त केलं आहे.
विशेष म्हणजे, मंगळवारीच भुसावळ येथेही शेतकरी दाम्पत्याचा मृत्यू झाल्याची दुर्घटना घडली आहे. घरात एकीकडे मुलीच्या साखरपुड्याची तयारी सुरू असतानाच दुसरीकडे आई-वडिलांचा वीजेच्या धक्क्याने मृत्यू झाल्याची घटना घडली. त्यानंतर, बुधवारी शिवसेना विभागप्रमुख योगेश वाघ यांचाही वीजेच्या धक्क्याने मृत्यू झाल्यामुळे सर्वत्र हळहळ व्यक्त होत आहे.
बाळापूर तालुक्यात पाणीप्रश्न बिकट; तलावांनी गाठला तळ, नळाला पाणी येत नसल्याने…
जळगाव शहरालगतच्या पाळधी-तरसोद बायपासवरील अपघातांची मालिका सुरूच आहे. येथे आणखी एका तरुणाचा अपघाती मृत्यू झाला आहे. पाळधी रेल्वे पुलावर आयशर मालवाहू वाहनाने दुचाकीला जोरदार धडक दिल्याने योगेश गजमल राक्षे यांचा मृत्यू झाला. बायपास धसल्यानंतर या मार्गावरील अपघातांत मृत्यू झालेल्यांची संख्या 13 वर पोहोचली आहे.
योगेश हे आव्हाणे येथील खताच्या गोदामात मजुरीचे काम करीत होते. दुचाकीने घरी जात असताना पाळधी रेल्वे पुलावर समोरून येणाऱ्या आयशरने त्यांच्या दुचाकीला धडक दिली. गंभीर जखमी झालेल्या योगेश यांना शासकीय वैद्यकीय महाविद्यालयाच्या रुग्णालयात दाखल करण्यात आले; मात्र डॉक्टरांनी त्यांना मृत घोषित केले. दरम्यान, 30 जुलै रोजी आसोदा पुलाचा भराव धसल्यानंतर बायपासवरील वाहतूक बंद करण्यात आली होती.
त्यामुळे अवजड वाहतूक शहरातून वळवण्यात आली. जुलैपासून आतापर्यंत 25 अपघातांत 13 जणांचा मृत्यू झाला आहे. योगेश यांचे तीन महिन्यांपूर्वीच लग्न झाले होते. त्यांच्या मृत्यूने राक्षे कुटुंबावर दुःखाचा डोंगर कोसळला आहे. पोलिसांनी आयशर वाहनचालक धर्मेंद्र प्रवीण सिंग गोयल याला ताब्यात घेतले.
राणा सूर्यवंशींना वाय प्लस सुरक्षा का? रोहित पवारांचा सवाल; सखोल चौकशीची मागणी
Ans: शिवसेना ठाकरे गटाचे पिंप्राळा विभागप्रमुख योगेश उर्फ भैय्या वाघ यांचा मृत्यू झाला.
Ans: घरात इलेक्ट्रिक फिटिंगचे काम सुरू असताना त्यांना विजेचा जोरदार धक्का लागला.
Ans: आयशर मालवाहू वाहनाच्या धडकेत योगेश गजमल राक्षे यांचा मृत्यू झाला.
