भोंदूबाबा अशोक खरातचा जवळचा सहकारी जितेंद्र शेळके अपघातात मृत (Photo Credit- X)_
जितेंद्र शेळके हा अशोक खरातच्या ‘शिवनिका ट्रस्ट’चा उपाध्यक्ष होता. खरातच्या अनेक व्यवसायांत, विशेषतः लॉन्समध्ये शेळके याची भागीदारी असल्याची चर्चा होती. खरातला लैंगिक शोषण आणि फसवणुकीच्या आरोपाखाली अटक झाल्यापासून शेळके प्रचंड मानसिक तणावाखाली होता. खरातचे काळे कारनामे बाहेर येताच शेळके आणि सुभाष गमे यांनी आपल्या पदाचे राजीनामे नाशिक धर्मादाय आयुक्तांकडे पाठवले होते.
रोहित पवारांनी सोशल मीडियावर पोस्ट करत अपघात घडवून आणल्याचा संशय व्यक्त केला आहे. ते म्हणाले, शिवनिका संस्थानचे उपाध्यक्ष आणि भोदू अशोक खरात याचे सहकारी जितेंद्र शेळके यांचं अपघाती झालेलं निधन अतिशय धक्कादायक आहे. अजूनही पुढं न आलेले भोंदूचे इतर काही कारनामे पुढं येऊ नयेत आणि यामध्ये कुणीतरी अडचणीत येऊ नये, म्हणून तर हा अपघात घडवून आणला नाही ना, अशी शंका येते. या अपघाताची सखोल चौकशी झाली पाहिजे. तसंच भोंदू खरातच्या चौकशीतही अनेक बाबी पुढं येणार असल्याने त्याच्याही सुरक्षेची काळजी घ्यावी.
शिवनिका संस्थानचे उपाध्यक्ष आणि भोदू अशोक खरात याचे सहकारी जितेंद्र शेळके यांचं अपघाती झालेलं निधन अतिशय धक्कादायक आहे. अजूनही पुढं न आलेले भोंदूचे इतर काही कारनामे पुढं येऊ नयेत आणि यामध्ये कुणीतरी अडचणीत येऊ नये, म्हणून तर हा अपघात घडवून आणला नाही ना, अशी शंका येते. या अपघाताची… — Rohit Pawar (@RRPSpeaks) April 17, 2026
Ashok Kharat Case : अशोक खरातप्रकरणी ईडीचे 11 ठिकाणी छापेमारी, तिसऱ्या गुन्ह्यात न्यायालयीन कोठडी
जितेंद्र शेळके याच्या मृत्यूती बातमी शॉकिंग आहे. अनेकांनी अंदाज वर्तवले होते की खरात किंवा त्याच्या निकटवर्तीयांच्या जीवाला धोका आहे. असंख्या लोकांनी आपलं म्हणणं मांडलं होतं. आता ही घटना घडणे हे कुठेतरी त्या सगळ्या गोष्टी खऱ्या करणाऱ्या आहेत. यानिमित्ताने खरातच्या जीवाताच्या सुरक्षेचा प्रश्न निर्माण झाला आहे. शेळकेच्या मृत्यूमुळे अनेक गोष्टी बाहेर येता येता राहतील की काय? अशी आता भीती वाटत आहे. असं सुषमा अंधारेंनी म्हटलं आहे.
.png "Videos"){kind=small}
