कोल्हापूर : करवीरनगरीत वाढत्या चोरांच्या सुळसुळाटामुळे गावकऱ्यांमध्ये भितीचं वातावरण निर्माण झालेलं आहे. मोरेवाडी (ता. करवीर) येथील आर. के. नगरच्या एकता कॉलनीतील दीपकराव भोसले (वय ७३) यांचा बंद बंगला फोडून चोरट्यांनी साडेसोळा तोळ्याचे दागिने व २ लाखांची रोकड, असा १३ लाख ६२ हजार रुपयांचा ऐवज लंपास केला. रविवारी (दि. २) ही घटना उघडकीस आली. चोरट्यांनी बंगल्यातील सीसीटीव्ही कॅमेऱ्याची दिशा बदलल्याने रेकी करूनच चोरट्यांनी चोरी केली असावी, असा संशय आहे.
फिर्यादी भोसलेंसह कुटुंबीय दि. ३० ऑक्टोबर ते १ नोव्हेंबर या काळात त्यांच्या मूळगावी गेले होते. त्यांच्या बंगल्यात कोणीही नसल्याची संधी साधून चोरट्यांनी बंगला फोडला. चोरट्यांनी बंगल्याच्या मुख्य प्रवेशद्वारावरील कडी-कोयंडा कटावणीने उचकटून प्रवेश केला. बेडरूमसह अन्य खोल्यांतील लोखंडी तिजोरीसह कपाटातील चार तोळ्याचा नेकलेस, सोन्याच्या रिंगा, सोनसाखळी, बेसलेट, सोन्याच्या पाटल्या, पुष्पराज अंगठी, दोन लाखांची रोकड असा १३ लाख ६२ हजारांचा ऐवज लंपास केला. करवीरचे उपअधीक्षक सुजित क्षीरसागर, पोलिस निरीक्षक किशोर शिंदे, स्थानिक गुन्हे अन्वेषणचे निरीक्षक रवींद्र कळमकर आदींनी घटनास्थळी भेट देऊन पाहणी केली.
संगमनगर परिसरात तीन लाखांची घरफोडी
सातारा, (वा.) संगमनगर परिसरात अज्ञात चोरट्यांनी सतीन लाखांची घरफोडी केल्याची फिर्याद सातारा शहर पोलिस ठाण्यात दाखल करण्यात आली.
याबाबत पोलिसांनी दिलेली अधिक माहिती अशी, दि. ३१ रोजी सकाळी ११ ते दुपारी पावणे पाचच्या दरम्यान गणेश नामदेव जाधव (रा. संगमनगर, सातारा) यांच्या बंद घराचे कुलूप तोडून अज्ञात चोरट्यांनी घरातील २ लाख ६५ हजार रुपये किंमतीचे सोन्याचे दागिने लंपास केले. घटनास्थळी सातारचे उपविभागीय पोलिस अधिकारी राजीव नवले यांनी भेट दिली. पोलिस उपनिरीक्षक जायपत्रे अधिक तपास करीत आहेत.
.png "Videos"){kind=small}
