पालकमंत्री आबिटकर म्हणाले, दुग्धव्यवसायिकांना गतीने प्रगती करण्यासाठी अशा तांत्रिक कार्यशाळामधून मार्गदर्शन मिळणे आवश्यक आहे. जिल्हा वार्षिक योजनेअंतर्गत चारा उत्पादन कार्यक्रमातून जिल्ह्यात १०० टक्के अनुदानावर २० हजार पशुपालकांना मका, ज्वारी आणि बरसिम यासारख्या वैरणीचे बियाणे मोफत दिले जात आहे. या योजनेसाठी ४ कोटी रुपयांची तरतूद करण्यात आली असून, ऑक्टोबरमध्ये ऑनलाइन प्रक्रियेद्वारे निवड झालेल्या लाभार्थ्यांना त्यांच्या जवळच्या पशुवैद्यकीय संस्थेत कागदपत्रांची पूर्तता करून हे बियाणे उपलब्ध होईल. या बियाणे वाटपामुळे पशुना सकस चारा आणि मुरघासासाठी मदत होणार आहे. भविष्यातील दुग्धव्यवसाय वाढीसाठी कष्टाळू शेतक-यांची जिल्ह्याला गरज असल्याचे त्यांनी नमूद केले. कार्यक्रमात प्रातिनिधिक स्वरूपात शेतक-यऱ्यांना पालकमंत्र्यांच्या हस्ते बियाणे वाटप करून योजनेचा प्रारंभ करण्यात आला.
तांत्रिक मार्गदर्शन सत्रात विविध तज्ज्ञानी शेतकऱ्यांना मोलाचे मार्गदर्शन केले. गोकुळचे पशुवैद्यकीय अधिकारी डॉ. दयावर्धन कामत यांनी जनावरांच्या आजारपणात ‘इथनो व्हेटर्नरी’ औषधांचा वापर, निवृत्त पशुधन विकास अधिकारी डॉ. श्रीकृष्ण भट यांनी चारा पिकांचे लागवड तंत्र व पोषणमूल्य, सहायक आयुक्त डॉ. सैम लुद्रीक यांनी पशुआरोग्यात सकस चाऱ्याचे महत्त्व, टीएमआर तंत्र व वंध्यत्व निवारण विषयी तर डॉ. वैभव खराडे यांनी आधुनिक चारा लागवडीबाबत सविस्तर माहिती दिली. याबाबत प्रास्ताविक सहायक आयुक्त डॉ. प्रमोद बाबर यांनी केले.
Ans: कोल्हापूर जिल्ह्यात साधारण साडेआठ लाख पशुधन असून हे पशुधन जिल्ह्याच्या अर्थव्यवस्थेला मोठी चालना देते. ग्रामीण कुटुंबांचे उत्पन्न, स्थैर्य आणि रोजगार टिकवण्यासाठी दुग्धव्यवसाय हा अत्यंत महत्त्वाचा आधार ठरतो.
Ans: शासकीय विश्रामगृहात ‘पशुधनातील संतुलित आहार व वैरण पिकांच्या लागवडीबाबत तांत्रिक मार्गदर्शन’ या कार्यशाळेचा व वैरण बियाणे वाटप कार्यक्रमाचा प्रारंभ करण्यात आला.
Ans: पालकमंत्री प्रकाश आबिटकर आमदार अमल महाडिक, आमदार अशोकराव माने जिल्हा परिषदेचे मुख्य कार्यकारी अधिकारी कार्तिकेयन एस. विविध वरिष्ठ अधिकारी व तज्ज्ञ
