लक्ष्मीपुजनामुळे खरेदीला उत्साह! बाजारपेठा झेंडुंच्या फुलांनी फुलल्या, नागरिकांची गर्दी

देशभरामध्ये दिवाळीचा मोठा उत्साह दिसून येत आहे. दिवाळीच्या सामनांने आणि फुलांनी बाजारपेठ सजल्या आहेत. तसेच खरेदीसाठी नागरिकांची मोछी गर्दी झाली आहे.

लक्ष्मीपूजनमुळे कराडमधील बाजारपेठांमध्ये खरेदीला उत्साह आला आहे, (फोटो - टीम नवराष्ट्र)

Follow Us:

Follow Us:

कराड : देशामध्ये दिवाळी सण मोठ्या उत्साहाने साजरा केला जात आहे. दिव्यांची आरास आणि फुलांची सजावय केली जात आहे. दिवाळीला उत्साहात प्रारंभ झाला असून सर्वत्र आनंदाचे व चैतन्याचे वातावरण दिसत आहे. दिवाळीत लक्ष्मीपूजनाचा दिवस सर्वात महत्वाचा समजला जातो. आज लक्ष्मीपूजन असून गुरुवारी सायंकाळपासून सातारामधील बाजारपेठा फुलल्या आहेत. बाजारामध्ये फुलांची मोठी आवाक झाली असून बाजारपेठ केशरी व पिवळ्या रंगाने अक्षरशः न्हावून गेली आहे.  फुलांबरोबरच शहरामध्ये विविध साहित्य खरेदीसाठी गर्दी होती.

लक्ष्मी व कुबेर या दोन्ही देवता धन-संपत्ती देणारे देवता मानले जातात. त्यामुळे घरात लक्ष्मी नांदावी, आर्थिक सुबत्ता यावी, नोकरी, व्यवसायात यश यावे, सुख, शांती लाभावी, यासाठी अमावस्येच्या सायंकाळी लक्ष्मीपूजन हे केले जाते. लक्ष्मीपूजनच्या निमित्ताने शहरातील दत्त चौक, कन्या शाळा व मुख्य बाजारपेठ परिसरात लक्ष्मीचे फोटो, मूर्ती, तयार पूजेचे साहित्य, झेंडूची फुले, केरसुनी, चिरमुरे, बत्ताश्य़ांची पाकिटे, कोहळा,
आंब्यांची डहाळे, ऊस, नारळ, नारळाच्या झावळ्या आदी प्रकारचे साहित्य विक्रेत्यांकडून खरेदी करण्यासाठी नागरिकांची मोठी गर्दी होती.

हे देखील वाचा : कर्जाची माहिती न दिल्याने बँक मॅनेजरवर जीवघेणा हल्ला; कराडमध्ये घडला धक्कादायक प्रकार

दिवाळीत लक्ष्मीपूजन हाच मुख्य दिवस असल्याने, यासाठी लागणारी पिवळी, लाल झेंडूची फुलेही मोठ्या प्रमाणात विक्रीस आली आहेत. 80 ते 100 दरम्यान, प्रतिकिलो फुलांचा दर होता. झेंडूची व इतर फुले खरेदी करताना नागरिक दिसत होते. त्याचबरोबर पुजेमध्ये वेगवेगळया प्रकारची पाच फळे लागत असल्याने, ते घेण्यासाठी बाजारमध्ये गर्दी झाली आहे. तसेच घराला लावायची कृत्रिम फुलांची आकर्षक तोरणे, माळा, हार, आंबाच्या पानांची प्लास्टीक तोरणे व विविध साहित्य विक्रीस आले आहे. शोभेच्या कुंड्या, विविध सजावटीच्या शोभेच्या वस्तू आदी सर्व साहित्य खरेदीसाठी नागरिकांनी गर्दी केल्याने शहरातील बाजारपेठ अक्षरशः गजबजून गेली आहे.

हे देखील वाचा : करुणा मुंडे यांचा उमेदवारी अर्ज बाद; ढसाढसा रडून धनंजय मुडेंना सुनावले खडेबोल

लक्ष्मीपूजनाबरोबरच वही व चोपडी पूजनालाही व्यापार्‍यांमध्ये महत्व आहे. त्यामुळे वह्या खरेदीही मोठ्या प्रमाणात करण्यात येत होती.तसेच लक्ष्मीपूजन, पाडवा आणि भाऊबीज सलग असल्याने मिठाईच्या दुकानांमध्येही खरेदीसाठी गर्दी होती. खरेदीसाठी नागरिकांनी एकच गर्दी
केल्याने शहर गर्दीने फुलून गेले आहे. सर्वत्र नवचैतन्य असून हिंदू संस्कृतीमधील सर्वांत मोठ्या दिवाळी सणाचा उत्साह दिसून येत आहे.

Web Title: Lakshmi pujan brings shopping excitement markets bloom with marigold flowers

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com