दयानंद शिक्षण संस्थेच्या पदाधिकाऱ्यांचा ‘माध्यम’तर्फे सत्कार; लाहोटी-बियाणी यांची सहाव्यांदा बिनविरोध निवड
तसेच दयानंद शिक्षण संस्थेने गेल्या अनेक वर्षांपासून लातूरसह राज्याच्या शैक्षणिक क्षेत्रात आपली स्वतंत्र ओळख निर्माण केली आहे. विद्यार्थ्यांना दर्जेदार आणि गुणवत्तापूर्ण शिक्षण उपलब्ध करून देण्यावर संस्थेने सातत्याने भर दिला आहे. पदाधिकाऱ्यांच्या फेरनिवडीच्या पार्श्वभूमीवर ‘माध्यम’च्या पदाधिकाऱ्यांनी त्यांचा गौरव केला. यावेळी संस्थेचे अध्यक्ष लक्ष्मीरमण लाहोटी यांनी संस्थेच्या आगामी शैक्षणिक वाटचालीची माहिती दिली. सर्वसमावेशक धोरण स्वीकारून दयानंद शिक्षण संस्थेची अनेक वर्षांपासून वाटचाल सुरू असल्याचे त्यांनी सांगितले.
क्रांतिकारी शेतकरी संघटना आक्रमक, लातूर-लामजना महामार्गावर तीव्र आंदोलन; नेमकं मागण्या काय?
दयानंद वाणिज्य महाविद्यालयाला स्वायत्त दर्जा प्राप्त झाला असून, आता संस्थेच्या शैक्षणिक विस्ताराला आणखी गती दिली जाणार आहे. लातूरनजीकच्या बुधोडा येथे संस्थेचे अत्यंत अद्ययावत CBSE स्कूल लवकरच सुरू करण्यात येणार असल्याची माहिती लक्ष्मीरमण लाहोटी यांनी दिली. त्यामुळे लातूर आणि परिसरातील विद्यार्थ्यांसाठी शिक्षणाचा आणखी एक पर्याय उपलब्ध होणार आहे. संस्थेचे संचालक मंडळ शैक्षणिक दर्जाशी कोणत्याही प्रकारची तडजोड करत नसल्याचेही लाहोटी यांनी स्पष्ट केले. स्वामी रामानंदतीर्थ आणि बाबासाहेब परांजपे यांनी घालून दिलेल्या मार्गावरून संस्थेची वाटचाल सुरू असून, या मूल्यांपासून संस्थाचालक कधीही ढळले नसल्याचे त्यांनी नमूद केले. यावेळी दयानंद शिक्षण संस्थेचे सहसचिव विशाल लाहोटी यांचाही विशेष सन्मान करण्यात आला.
‘माध्यम’चे अध्यक्ष जयप्रकाश दगडे, सल्लागार डॉ. हंसराज बाहेती, डॉ. सोमनाथ रोडे, कोषाध्यक्ष ईश्वरचंद्र बाहेती आणि डॉ. प्रेमकिशोर तोष्णीवाल यांनी दयानंद शिक्षण संस्थेच्या पदाधिकाऱ्यांचा गौरव करून त्यांच्या पुढील शैक्षणिक वाटचालीस शुभेच्छा दिल्या.
दयानंद वाणिज्य महाविद्यालयाला स्वायत्त दर्जा प्राप्त झाला आहे. त्यामुळे महाविद्यालयाला शैक्षणिक अभ्यासक्रम, परीक्षा पद्धती आणि विद्यार्थीकेंद्रित उपक्रमांमध्ये अधिक स्वतंत्रपणे काम करण्याची संधी उपलब्ध झाली आहे. दयानंद शिक्षण संस्थेने शैक्षणिक गुणवत्ता कायम राखत आधुनिक आणि रोजगाराभिमुख शिक्षणावर भर दिला आहे.
यासोबतच संस्थेच्या शैक्षणिक विस्ताराचा भाग म्हणून लातूरनजीक बुधोडा येथे अत्याधुनिक CBSE स्कूल लवकरच सुरू करण्यात येणार आहे. संस्थेचे संचालक मंडळ शैक्षणिक दर्जाशी कोणतीही तडजोड न करता विद्यार्थ्यांना गुणवत्तापूर्ण आणि आधुनिक शिक्षण उपलब्ध करून देण्यासाठी प्रयत्नशील असल्याचे संस्थाध्यक्ष लक्ष्मीरमण लाहोटी यांनी सांगितले.
लातूर मनपाच्या शाळेत ‘बोगस’ विद्यार्थी; अभिजीत दीपके यांचा गंभीर आरोप; सरकारकडे केली ‘ही’ मोठी मागणी
.png "Videos"){kind=small}
