Mumbai Monorail: मुंबईत मुसळधार पावसामुळे अचानक थांबली मोनोरेल, १७ प्रवाशांना काढले सुखरूप बाहेर

15 Sep 2025 07:11 PM (IST)

Pune Drone Show : PM मोदींच्या वाढदिवसानिमित्त प्रथमच शहरात ड्रोन शो! हजारो ड्रोन पुण्याच्या आकाशातून देणार शुभेच्छा

Pune Drone Show : पुणे :  देशाचे पंतप्रधान नरेंद्र मोदी यांचा अमृत महोत्सवी वाढदिवस १७ सप्टेंबरला आहे. यानिमित्ताने भाजप नेत्यांकडून संपूर्ण देशामध्ये विविध कार्यक्रमाचे आयोजन करण्यात आले आहे. पुण्यामध्ये केंद्रीय मंत्री मुरलीधर मोहोळ यांनी ड्रोन शोचा उपक्रम आयोजित केला आहे. अयोध्या आणि वाराणसीनंतर महाराष्ट्रात प्रथमच ड्रोन शोचे आयोजन करण्यात आले आहे. यामुळे पुण्यातील भाजप नेत्यांमध्ये मोठा उत्साह दिसून येत आहे.

15 Sep 2025 06:45 PM (IST)

कतरिना आणि विकी लवकरच आई बाबा होणार? लवकरच करणार ‘या’ महिन्यात बाळाचे स्वागत

अभिनेत्री कतरिना कैफ आणि अभिनेता विकी कौशल यांच्या आयुष्यात चिमुरड्या पाहुण्याचे आगमन होणार आहे. कतरिना-विकी पहिल्या बाळाचे स्वागत करण्यासाठी सज्ज झाल्याचे समोर आले आहेत. ते ऑक्टोबर किंवा नोव्हेंबर 2025 मध्ये हे कपल त्यांच्या पहिल्या बाळाचे स्वागत करतील. एनडीटीव्हीने दिलेल्या वृत्तानुसार, सूत्रांची अशी माहिती आहे की, ऑक्टोबर किंवा नोव्हेंबर 2025 मध्ये हे दाम्पत्य त्यांच्या पहिल्या बाळाचे स्वागत करतील. अद्याप या जोडप्याने कोणतीही अधिकृत घोषणा केलेली नाही.

15 Sep 2025 06:31 PM (IST)

IND VS PAK : ‘… तर युद्ध लढा!’ सूर्याचे पहलगाम बळींना विजय समर्पित करणे जिव्हारी, पाकिस्तानी माजी कर्णधाराचे रडगाणे सुरू..

Asia cup 2025 : आशिया कपमध्ये(Asia cup 2025 )भारत आणि पाकिस्तान यांच्यात रविवारी महामुकाबला झाला. आशिया कपमधील सहाव्या सामन्यात भारत आणि पाकिस्तान आमनेसामने आले होते. या सामन्यात पाकिस्तानी संघाला वाईटरित्या पराभूत केले. पण भारताच्या या विजयापेक्षाही  भारतीय कर्णधार आणि खेळाडूंनी पाकिस्तानी खेळाडूंशी हस्तांदोलन न केल्याबद्दल बरीच चर्चा रंगली आहे.

15 Sep 2025 06:18 PM (IST)

IND vs PAK : “सूर्यकुमार यादव जर तुमच्यात हिंमत असेल तर…”, भारत-पाकिस्तान सामन्यानंतर ‘आप’ने दिले मोठे आव्हान

भारताने आशिया कप २०२५ मधील दुसऱ्या सामन्यात पाकिस्तानवर दणदणीत विजय मिळवला. भारताने प्रथम फलंदाजी करणाऱ्या पाकिस्तानला १२७ धावात गुंडाळलं. त्यानंतर हे आव्हान तीन फलंदाजांच्या मोबदल्यात. १५.३ षटकात पार करत आपला सगल दुसरा विजय साजरा केला. मात्र यंदाचा भारत – पाकिस्तान सामना हा इतरवेळेच्या भारत पाक सामन्यासारखा नव्हता. पहलगाम दहशतवादी हल्ला आणि त्यानंतर भारतीय सुरक्षा दलांनी राबवलेल्या ऑपरेशन सिंदूरची त्याला पार्श्वभूमी होती. भारतातून हा भारतानं या सामन्यावर बहिष्कार घालावा अशी जोरदार मागणी होती. याचदरम्यान आता भारत आणि पाकिस्तान यांच्यातील सामन्यावर आम आदमी पक्ष सातत्याने नाराजी व्यक्त करत आहे.

15 Sep 2025 06:08 PM (IST)

पुणे जिल्ह्यात मुसळधार पाऊसानंतर १७ धरणांतून पाण्याचा विसर्ग सुरु, शेकडो नागरिकांचे स्थलांतर

Pune Rain News : पुणे : संपूर्ण राज्यामध्ये तुफान पावसाने हजेरी लावली आहे. मुंबईसह पुण्यामध्ये कालपासून जोरदार पाऊस सुरु असून पावसाची संततधार सुरु आहे. मुंबई, पुणे, ठाणे आणि पालघरला हवामान विभागाकडून ऑरेंज अलर्ट देण्यात आला आहे. पुण्यामध्ये अजूनही पाऊस सुरु असून यामुळे रस्त्यावर पाणी साचल्याचे दिसून येत आहे.  जिल्ह्यात गेल्या दोन दिवसांपासून मुसळधार पाऊस होत असल्याने धरणसाठ्यांत मोठ्या प्रमाणात वाढ झाली आहे. जिल्ह्यातील २६ धरणांपैकी तब्बल १७ धरणांतून पाणी सोडण्यात आले आहे.

15 Sep 2025 05:56 PM (IST)

औरंगजेबाच्या फोटोला दुग्धाभिषेक; अकोल्यात वातावरण तापणार?

अकोला शहरात धक्कादायक घटना घडली आहे. ईद-ए-मिलादुन्नबीनिमित्त काढलेल्या मिरवणुकीत वादग्रस्त पोस्टर दाखवण्यात आले असून यामुळे नवीन वादाला तोंड फुटण्याची शक्यता आहे. अकोल्यामध्ये झुलुसच्या कार्यक्रमात औरंगजेब आणि इब्राहिम गाझी यांचा प्रचार करण्याचा प्रयत्न झाला असल्याचे उघडकीस आले आहे. टिळक रोडवरील कापडा बाजार चौकात काढलेल्या या मिरवणुकीत इब्राहिम गाझी आणि औरंगजेब यांच्या फोटोवर दूध आणि पाणीने अभिषेक करणाऱ्या तिघांवर शहर कोतवाली पोलिसांनी कारवाईचा बडगा उगारला आहे.

15 Sep 2025 05:47 PM (IST)

PM Modi On Bihar: “…तोवर मी थांबणार नाही”; नरेंद्र मोदींचा Congress-RJD ला स्पष्ट इशारा

Bihar Assembly Election: बिहारमध्ये लवकरच विधानसभा निवडणूक होणार आहे. वर्षाअखेरीस विधानसभा निवडणूक होणार आहे. सर्व पक्षांनी निवडणुकीची तयारी केली आहे. एसआयआरवरून देखील बिहारमध्ये राजकारण तापले आहे. दरम्यान पंतप्रधान नरेंद्र मोदी बिहार दौऱ्यावर होते. यावेळी त्यांनी सभेला संबोधित केले.

15 Sep 2025 05:40 PM (IST)

ओमान संघाचा नाणेफेक जिंकून घेतला गोलंदाजीचा निर्णय

आशिया कप २०२५ मध्ये आतापर्यंत सहा सामने खेळवण्यात आले आहेत. आज ओमान आणि यूएई यांच्यात सातवा सामना अरब अमिराती आणि ओमान सोबत खेळला जाणार आहे. या सामन्यापूर्वी ओमान संघाने नाणेफेक जिंकून प्रथम गोलंदाजी करण्याचा निर्णय घेतला आहे. तर ओमान संघ प्रथम फलंदाजी करताना दिसणार आहे.

15 Sep 2025 05:29 PM (IST)

Royal Enfield Meteor 350 होणार अपडेट

मीडिया रिपोर्ट्सनुसार, Royal Enfield कंपनी आपल्या 350cc सेगमेंटमधील Meteor 350 ला अपडेट करण्याच्या तयारीत आहे. लाँचपूर्वीच हे मॉडेल डीलरशिपवर दिसले आहे. रिपोर्ट्सनुसार नव्या Meteor 350 मध्ये एलईडी हेडलाइट, एलईडी टर्न इंडिकेटर, निळ्या रंगाचा नवीन पेंट पर्याय, टाइप-सी चार्जिंग पोर्ट आणि स्लिपर क्लच असे फीचर्स मिळण्याची शक्यता आहे. याशिवाय Stellar व्हेरिएंटमधील क्रोम काढून टाकून त्याऐवजी काळ्या रंगाचा वापर करण्यात येऊ शकतो.

15 Sep 2025 05:14 PM (IST)

हाँगकाँग ओपन सुपर ५०० बॅडमिंटन स्पर्धेत भारतीय खेळाडूंना अपयश

रविवारी खेळवण्यात आलेल्या हाँगकाँग ओपन सुपर ५०० बॅडमिंटन स्पर्धेच्या अंतिम फेरीत भारताच्या पदरी निराशा आली आहे. अंतिम सामन्यात  चीनच्या ऑलिंपिक रौप्यपदक विजेत्या लियांग वेई केंग आणि वांग चांग यांनी सात्विकसाईराज रंकीरेड्डी आणि चिराग शेट्टी या भारताच्या अव्वल पुरुष दुहेरी जोडीचा पराभव केला. त्यामुळे भारतीय जोडीला उपविजेतेपदावर समाधान मानावे लागले.

15 Sep 2025 05:09 PM (IST)

OBC नेते लक्ष्मण हाकेंच्या अडचणी वाढल्या

राज्यात सध्या आरक्षणचा मुद्दा तापला आहे. आरक्षण विषयावर राजकरण सुरू झाले आहे. मनोज जरांगे पाटील यांच्या मागण्या मान्य करत राज्य सरकारने मराठा आरक्षणाचा जीआर काढला आहे. मात्र या जीआरल ओबीसी समाजाने विरोध केला आहे. ओबीसी नेते लक्ष्मण हाके या जीआरविरोधात आक्रमक झाले आहेत. मात्र आता हके यांच्यावर गुन्हा दाखल करण्यात आला आहे.

सविस्तर बातमीसाठी येथे क्लिक करा

15 Sep 2025 05:00 PM (IST)

सिंधुदुर्ग जिल्ह्यात पावसाची रिपरिप सुरू

सिंधुदुर्ग जिल्ह्यात मागील आठवड्यापासून पावसाची विश्रांती पाहायला मिळत होती. जिल्ह्यात काल ढगाळ वातावरण होते. मात्र, आज सकाळी १० वाजल्यापासून पावसाची रिपरिप सुरू झाली आहे. तर जिल्ह्यात आज पावसाचा येलो अलर्ट देण्यात आला आहे.

15 Sep 2025 04:55 PM (IST)

कल्याणच्या पटेल मार्ट मध्ये मराठी बोलण्यावरून वाद

कल्याणमध्ये पटेल मार्ट या दुकानात मराठी बोलण्यावरून वाद झाला. सामाजिक कार्यकर्ते श्रीनिवास घाणेकर याठिकाणी खरेदी करण्यासाठी गेले होते, यादरम्यान दुकानातील एका महिला कर्मचारी सोबत त्यांचा मराठी बोलण्यावरून वाद झाला. घाणेकर यांनी सांगितले तू मराठी का नाही बोलत, यांवर महिला कर्मचारी संतापत जोराने टेबलवर हात आपटले. मराठी बोलण्याची सक्ती आहे का मी मराठी नाही बोलणार. कर्मचारी महिला असल्याने घाणेकर यांनी पटेल मार्ट च्या मॅनेजरला ही घटना सांगितली. याच दरम्यान मनसेचे कार्यकर्ता देखील दुकानात पोहोचले. मॅनेजर मनीषा धस यांनी दिलगिरी व्यक्त केली. घाणेकर यांनी पटेल मार्ट ला इशारा दिला आहे, 15 ऑक्टोबर पर्यंत मार्ट मधील सर्व कर्मचाऱ्यांना मराठी बोलता आली पाहिजे. असे नाही झाले तर मी दुकानाबाहेर उभं राहून येथून खरेदी करू नका असे आवाहन लोकांना करणार असल्याचे सांगितले. मार्ट मधील सर्व कर्मचारी मराठीत बोलणार मॅनेजर मनीषा धस यांनी आश्वासन दिला आहे.

15 Sep 2025 04:50 PM (IST)

झोमॅटो डिलिव्हरी बॉयजनी केले अचानक काम बंद आंदोलन

पलावामधील झोमॅटो कंपनीतील डिलिव्हरी बॉयजनी सोमवारी अचानक काम बंद आंदोलन केले आहे. त्यामुळे अन्न वितरण सेवेत मोठा अडथळा निर्माण झाला. ग्राहकांनी केलेली ऑनलाइन ऑर्डर वेळेत न मिळाल्याने अनेक ठिकाणी ग्राहकांकडून तीव्र नाराजी व्यक्त करण्यात आली.
डिलिव्हरी पार्टनर्सच्या म्हणण्यानुसार, कंपनीने अलीकडेच केलेल्या पेमेंट स्ट्रक्चरमधील बदलामुळे त्यांच्या कमाईत मोठी घट झाली आहे. पूर्वीपेक्षा डिलिव्हरी चार्जेस आणि बोनस कमी झाल्यामुळे रोजंदारीवर परिणाम झाल्याचे त्यांचे म्हणणे आहे.

15 Sep 2025 04:45 PM (IST)

पाथर्डीतील करंजीत ढगफुटी, जनजीवन विस्कळीत

गेल्या २४ तासांपासून अहिल्यानगर जिल्ह्यात मुसळधार पाऊस सुरु आहे. पाथर्डी तालुक्यात देखील काल रात्रीपासून मुसळधार पाऊस सुरु असल्याने तालुक्यातील अनेक गावे पाण्याखाली गेले आहेत. करंजी गावात आपत्कालीन परिस्थिती उद्भवली आहे. गावातील पहाटे पाचच्या दरम्यान करंजी गावात पाणी शिरण्यास सुरुवात झाले. करंजी गावात ढगफुटी सदृश पाऊस झाल्यामुळे संपूर्ण जनजीवन विस्कळीत झाले आहे. अनेक घरांमध्ये पाणी शिरले आहे. शेतीचा मोठ्या प्रमाणावर नुकसान झाले असून अनेक शेतकऱ्यांचे शेती पूर्णपणे वाहून गेले आहे. काही कुटुंबांच्या वाहन देखील या वाहत्या पाण्यामध्ये वाहून गेले असून मोठ्या प्रमाणावर हानी झाल्याचे पाहायला मिळते आहे. त्याचबरोबर या पावसात जनावरांची देखील मोठी हानी झाली असून या पावसात अनेक जनावरे दगावल्याची माहिती मिळत आहे. अनेक गोवंशीय जनावरे या वाहत्या पाण्यात वाहून गेले आहे.

15 Sep 2025 04:40 PM (IST)

माथेरान घाटात पहाटेच्या वेळी दरड कोसळली...

नेरळ माथेरान घाटात रात्रभर पाऊस सुरू आहे आणि त्या पावसात माथेरान नेरळ घाटातील नांगर खिंडीत दरड कोसळली. यामुळे पहाटेपासून माथेरान घाट त्यातील वाहतूक थांबली होती. मात्र सकाळी दहा वाजता दरड बाजूला करण्यात आल्यानंतर वाहतूक पूर्ववत झाली असून वाहतूक सुरू झाली आहे.

15 Sep 2025 04:30 PM (IST)

रायगडमध्ये कुणबी समाज आक्रमक – आरक्षण बचावासाठी तहसील कार्यालयावर मोर्चा

कुणबी समाजाचे आरक्षण वाचवण्यासाठी आज रायगड जिल्ह्यातील श्रीवर्धन, माणगाव, अलिबागसह विविध तालुक्यांतून समाजबांधव मोठ्या संख्येने एकवटले. तहसील कार्यालयावर मोर्चा काढत शासनाचे लक्ष वेधण्यात आले.या मोर्चामध्ये महिला, युवक आणि ज्येष्ठ नागरिकांचा उत्स्फूर्त सहभाग होता.

15 Sep 2025 04:25 PM (IST)

कोल्हापुरात संविधान प्रास्ताविकेच्या गायनाचा विश्वविक्रम

भारतीय संविधान आणि लोकतंत्र दिनाच्या अमृत महोत्सवी वर्षानिमित्त काल सायंकाळी कोल्हापुरात 'हम भारत के लोग' संविधान गीताचा विश्वविक्रम करण्यात आला.. मराठी, आसामी, इंग्रजी, संस्कृत, मैथिली, भोजपुरी, ओडिशा, पंजाबी, सिंधी, राजस्थानी, बंगाली, कोकणी, गुजराती, पाली, कन्नड, तेलगू, उर्दू, नेपाळी, हिंदी भाषेत संविधान प्रास्ताविकेचं गायनाद्वारे सादरीकरण झालं. कोल्हापुरातील गायक आणि संगीतकार कबीर नाईकनवरे यांच्या संकल्पनेतून हा उपक्रम राबविण्यात आला.. या कार्यक्रमाला प्रमुख उपस्थिती केंद्रीय सामाजिक न्याय राज्यमंत्री रामदास आठवले यांची होती..

15 Sep 2025 04:20 PM (IST)

हैद्राबाद गॅझेटला ओबीसी समजाचा विरोध; जीआर रद्द करण्यासाठी तहसीलदार कार्यालयात निवेदन

हैदराबाद गॅझेटमुळे आदिवासींच्या हक्काला बाधा येत असल्यामुळे कुठेतरी आदिवासी बांधवांमध्ये आता असंतोष निर्माण झालेला आहे याच पार्श्वभूमीवरती अखिल भारतीय आदिवासी विकास परिषद यांच्या वतीने उल गुलाल आंदोलन आयोजन करण्यात आलेलं होतं. सदर आंदोलनाची सुरुवात ही शहापूर येथून करण्यात आले असून हे आंदोलन थेट मंत्रालयाच्या बाहेर करण्यात येणार आहे. आंदोलनामध्ये हजारोंच्या संख्येने आदिवासी बांधव सहभागी झालेले पाहायला मिळाले. हैदराबाद गॅझेटमुळे आदिवासींच्या आरक्षणाला कुठेतरी बाधा निर्माण होऊ लागलेली आहे.

15 Sep 2025 04:16 PM (IST)

बीडमध्ये सुटकेचा थरार! 'या' तालुक्यात ढगफुटीसदृश पाऊस; हेलिकॉप्टरच्या मदतीने नागरिकांचं रेस्क्यू

Beed Rain News: राज्यभरात पुन्हा एकदा पावसाने जोर धरला आहे. कोकण किनारपट्टीवरील रत्नागिरी, सिंधुदुर्ग, रायगड जिल्ह्याला पावसाने झोडपले आहे. पश्चिम महाराष्ट्र, पुणे, मराठवाडा आणि विदर्भ भागात देखील पावसाने जोरदार हजेरी लावली आहे. दरम्यान बीड जिल्ह्यात देखील मुसळधार पाऊस सुरू आहे. आष्टी तालुक्यात ढगफुटीसदृश पाऊस झाला. या भागात हेलिकॉप्टरच्या मदतीने नागरिकांचे रेस्क्यू करण्यात आले आहे.

15 Sep 2025 04:15 PM (IST)

माथेरानमध्ये रात्रभर पावसाचा कहर, दरड कोसळल्याने नेरळ घाट रस्ता ठप्प ‪

रायगड जिल्ह्यातील थंड हवेचे पर्यटनस्थळ माथेरानमध्ये रात्री साडे अकरा वाजल्यापासून सकाळी आठ वाजेपर्यंत जोरदार पाऊस झाला. जवळपास २७१.४ मि.मी. पावसाची नोंद झाली. या भरमसाठ पावसामुळे नेरळ-माथेरान घाट रस्त्यावर जुम्मा पट्टी ते नागरखिंडी या ठिकाणी दरड कोसळल्याने काही काळ वाहतूक ठप्प झाली. सकाळी माथेरानहून सुटणारी मिनी बसही या अडथळ्यात अडकली. PWD कडून युद्ध पातळीवर यंत्रसामुग्री आणि मनुष्यबळ पाठवून रस्ता पुन्हा वाहतुकीसाठी उघड करण्यात आला. पुढील तीन तासांसाठी हवामान विभागाने रायगड ठाणे-मुंबई मार्गावर रेड अलर्ट जारी केला असून नागरिकांनी प्रवासात काळजी घेण्याचे आवाहन केले आहे.

15 Sep 2025 04:08 PM (IST)

सिंधुदुर्गमध्ये पावसाची रिपरिप, येलो अलर्ट जारी ‪

सिंधुदुर्ग जिल्ह्यात मागील आठवड्यापासून थोडी विश्रांती नंतर आज सकाळी १० वाजल्यापासून जोरदार पाऊस सुरू झाला आहे. जिल्ह्यात ढगाळ वातावरण असून हवामान विभागाने येलो अलर्ट जारी केला आहे. नागरिकांनी पावसाच्या दिवसात सावधगिरी बाळगावी, अशी सूचना देण्यात आली आहे.

15 Sep 2025 03:52 PM (IST)

भारताकडून झालेल्या लाजिरवाण्या पराभवाने पाकिस्तानी चाहते खेळाडूंवर संतापले; पहा व्हिडिओ

Asia cup 2025 : आशिया कपमध्ये(Asia cup 2025) बहुचर्चित असलेला भारत-पाकिस्तान सामना काल पार पडला. या सामन्यात भारताने पाकिस्तानचा 7 विकेट्सने पराभव केला. या सामन्यात भारताकडून पराभव पत्करावा लागल्याने पाकिस्तानी चाहत्यांचा चांगलाच संताप झाल्याचे दिसून आले.

15 Sep 2025 03:44 PM (IST)

कुनिका नंतर आता अमाल मलिकचे प्रणीतसोबत जोरदार भांडण

‘बिग बॉस’च्या घरात दररोज कोणत्या ना कोणत्या गोष्टीवरून भांडणे होताना दिसत आहे . बिग बॉसचा तिसरा आठवडा वादांनी भरलेला दिसत आहे. या आठवड्यात कॅप्टन झालेल्या अमाल मलिकवर आधीच अनेक आरोप झाले होते.

15 Sep 2025 03:37 PM (IST)

पूजा खेडकरच्या कुटुंबाचा नवा प्रताप….; कारवाईसाठी गेलेल्या पोलिसांच्या अंगावर सोडलं कुत्रं

माजी आयएएस अधिकारी पूजा खेडकर ही पुन्हा एकदा वादाच्या भोवऱ्यामध्ये अडकली आहे. बडतर्फ पूजा खेडकर हिच्या उमेदवारीवरुन वाद निर्माण झालेला असताना पूजाची आई मनोरमा खेडकरने नवा पराक्रम केला आहे.

15 Sep 2025 03:24 PM (IST)

वरुण-जान्हवीच्या ‘सनी संस्कार की तुलसी कुमारी’ चा ट्रेलर रिलीज

वरुण धवन आणि जान्हवी कपूर यांच्या आगामी ‘सनी संस्कार की तुलसी कुमारी’ या चित्रपटाचा मनोरंजनाने भरलेला ट्रेलर आज प्रदर्शित झाला आहे. ट्रेलरमध्ये विनोद आणि रोमान्सचा पूर्ण डोस पाहायला मिळणार आहे.

15 Sep 2025 03:16 PM (IST)

अन्नपदार्थांच्या किमती वाढल्या, ऑगस्टमध्ये घाऊक महागाई दर 0.52 टक्क्यांवर

सोमवारी वाणिज्य आणि उद्योग मंत्रालयाने जारी केलेल्या आकडेवारीनुसार, ऑगस्टमध्ये घाऊक किंमत निर्देशांक (WPI) आधारित महागाई दर 0.52 टक्क्यांपर्यंत वाढला. जुलैमध्ये तो -0.58 टक्के होता. ऑगस्टमध्ये महागाई वाढण्याचे कारण अन्न उत्पादने, उत्पादित वस्तू, अन्न नसलेल्या वस्तू, धातू नसलेल्या खनिज उत्पादनांच्या आणि वाहतूक उपकरणांच्या किमतीत वाढ होती.

15 Sep 2025 02:45 PM (IST)

सर्दी खोकल्यापासून आराम मिळवण्यासाठी सकाळच्या नाश्त्यासाठी बनवा टोमॅटो सूप

वातावरणात होणाऱ्या बदलांचा परिणाम आरोग्यावर लगेच दिसून येतो. राज्यासह संपूर्ण देशभरात सगळीकडे मुसळधार पाऊस पडत आहे. सतत पडणाऱ्या पावसामुळे सगळीकडे साथीच्या आजार वाढू लागले आहेत. साथीचे आजार वाढू लागल्यानंतर सर्दी, खोकला, अशक्तपणा किंवा थकवा जाणवतो. याशिवाय जुलाब, डेंग्यू, मलेरिया इत्यादी आजारांची लागण झाल्यानंतर आरोग्य पूर्णपणे बिघडून जाते. त्यामुळे पावसाळ्याच्या दिवसांमध्ये आरोग्याची जास्त काळजी घेणे आवश्यक आहे. म्हणूनच आज आम्ही तुम्हाला शरीराची रोगप्रतिकारशक्ती सुधारण्यासाठी टोमॅटो सूप बनवण्याची सोपी रेसिपी सांगणार आहोत. गरमागरम टोमॅटो सूपचे सेवन केल्यामुळे शरीरात उष्णता वाढते आणि आरोग्य सुधारण्यास मदत होते. टोमॅटोमध्ये असलेले आंबटपणा जिभेची चव वाढवतो. चला तर जाणून घेऊया टोमॅटो सूप बनवण्याची सोपी रेसिपी.

15 Sep 2025 02:40 PM (IST)

नेपाळचे संपूर्ण राजकारण अवघ्या 3 दिवसांत बदलले

Gen-Z protest : नेपाळमध्ये सध्या राजकीय घडामोडी वाऱ्याच्या वेगाने घडताना दिसत आहेत. अवघ्या काही दिवसांत पंतप्रधानपद, मंत्रिमंडळ आणि रस्त्यावरचे आंदोलन या सर्वच गोष्टींनी नेपाळच्या लोकशाहीला मोठा धक्का दिला आहे. सुशीला कार्की यांनी अंतरिम पंतप्रधानपदाची शपथ घेतली आणि केवळ तीन दिवसांतच त्यांच्या विरोधात जनरेशन-झेड रस्त्यावर उतरले.

15 Sep 2025 02:35 PM (IST)

ठाणेकरांनो पाणी जपून वापरा ! ‘या’ भागात पाणीपुरवठा राहणार बंद

महाराष्ट्र औद्योगिक विकास महामंडळाच्या पाणी पुरवठा योजनेच्या अंतर्गत जांभूळ जलशुध्दीकरण केंद्रातील जलाशय येथे बारवी गुरुत्व वाहिनी क्र. १. २ व ३ वर वाहिन्यांचे उन्नतीकरण व तातडीने देखभाल करण्यासाठी शटडाऊन घेण्यात येणार आहे. त्यामुळे, ठाणे महापालिका क्षेत्रातील कळवा, मुंब्रा, दिवा यांच्यासह वागळे आणि माजिवडा-मानपाडा प्रभाग समितींचा काही भाग येथे शुक्रवार, १९ सप्टेंबर रोजी पाणी पुरवठा बंद राहणार आहे.

15 Sep 2025 02:35 PM (IST)

हे दोन स्पर्धक पुर्ण सिझनमध्ये असणार नाॅमिनेट!

सलमान खानच्या रिअॅलिटी शो ‘बिग बॉस १९’ मध्ये स्पर्धकांमधील नातेसंबंध बदलताना दिसत आहेत. शत्रू मित्र बनले आहेत, तर मैत्रीचे रूपांतर शत्रुत्वात झाले आहे. शोशी संबंधित मोठे अपडेट्स समोर येत आहेत. संपूर्ण सीझनमध्ये घराबाहेर काढण्यासाठी दोन स्पर्धकांना नामांकन देण्यात आले आहे. या आठवड्यात नामांकन होणाऱ्या स्पर्धकांमध्ये या दोन सदस्यांची नावे आधीच समाविष्ट करण्यात आली आहेत. यावेळी अलिकडच्या ‘वीकेंड का वार’मध्ये डबल एव्हिक्शन पाहायला मिळाले.

15 Sep 2025 02:35 PM (IST)

राज्यात आरक्षणाचा वाद पेटणार?

ओबीसी आरक्षणाच्या प्रश्नावर राज्यात निर्माण झालेल्या तणावपूर्ण वातावरणामुळे लातूर आणि बीड जिल्ह्यात आत्महत्येच्या घटना घडल्याने चिंता व्यक्त केली जात आहे. या पार्श्वभूमीवर काँग्रेसचे ज्येष्ठ नेते आणि विरोधी पक्षनेते विजय वडेट्टीवार यांनी पुण्यातील ओबीसी संघटनांची तातडीची बैठक घेतली.

15 Sep 2025 02:30 PM (IST)

डोळे कायमच थकल्यासारखे-ताणल्यासारखे वाटते?

शरीरातील सगळ्यात महत्वाचा अवयव म्हणजे डोळे. डोळ्यांमधून भावना व्यक्त केल्या तर कधी आनंद आणि दुःख सुद्धा व्यक्त केले जाते. माणसाचे डोळे कायमच बोलके असतात. त्यामुळे डोळ्यांच्या आरोग्याची जास्त काळजी घेणे आवश्यक आहे. डोळे कायमच तेजस्वी आणि टवटवीत दिसावे म्हणून अनेक वेगवेगळे उपाय केले जातात. हल्ली कामाच्या धावपळीमध्ये डोळ्यांची आरोग्याची जास्त काळजी घेतली जात नाही. ताण, अपुरी झोप, जास्त वेळ स्क्रीनकडे पाहत राहिल्यामुळे डोळ्यांचे आरोग्य बिघडून जाते. काहीवेळा डोळे लाल होणे, डोळ्यांमधून पाणी येणे, डोळे सुजणे इत्यादी अनेक समस्या उद्भवू लागतात. डोळ्यांची काळजी घेण्यासाठी वेगवेगळ्या क्रीम किंवा लोशन लावले जातात. पण आज आम्ही तुम्हाला डोळ्यांची काळजी घेण्यासाठी काही घरगुती उपाय सांगणार आहोत. हे उपाय केल्यामुळे डोळ्यांचे आरोग्य कायमच निरोगी राहील.

15 Sep 2025 02:25 PM (IST)

अमेरिकेतील टीकटॉक बंदीवर डोनाल्ड ट्रम्प यांचा ड्रॅगनला इशारा

Donald Trump on TikTok Ban :अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी चीनच्या टिकटॉरवरील बंदीवर एक खळबळजनक विधान केले आहे. न्यूयॉर्कमध्ये पत्रकारांशी सुरु असलेल्या चर्चेदरम्यान त्यांनी चीनवरच्या टिकटॉकवरील बंदीवर प्रश्न विचारण्यात आला होता. यावेळी ट्रम्प यांनी टीकटॉकवरील बंदी हटवली जाईल का नाही हे स्पष्ट नसल्याचे त्यांनी म्हटले. ट्रम्प यांनी सांगितले की, आता याचा निर्णय चीनवर अवलंबून आहे. पण चीनशी सुरु असलेल्या चर्चेवरुन मुदतीत वाढ होण्याची शक्यत कमी असल्याचे ट्रम्प यांनी म्हटले.

15 Sep 2025 02:20 PM (IST)

AGR प्रकरणी दिलासा मिळणार?

Vodafone Idea Share Marathi News: टेलिकॉम कंपनी व्होडाफोन आयडियाच्या शेअर्समध्ये आज १५ सप्टेंबर रोजी जोरदार वाढ झाली. सुरुवातीच्या व्यवहारात कंपनीचे शेअर्स ६% पेक्षा जास्त वाढले. कंपनीच्या अतिरिक्त एजीआर (समायोजित एकूण महसूल) थकबाकीला आव्हान देणारी याचिका १९ सप्टेंबर रोजी सर्वोच्च न्यायालयात सुनावणीसाठी सूचीबद्ध करण्यात आल्याच्या बातमीनंतर ही वाढ झाली.

15 Sep 2025 02:17 PM (IST)

परतीच्या पावसाचा देशभरात अक्षरशः धुमाकूळ

India Weather Update: देशभरात गेल्या काही दिवसांपासून पावसाचा जोर वाढल्याचे पाहायला मिळत आहे. देशातील अनेक राज्यांमध्ये पावसाने कहर केला आहे. अनेक राज्यांना पुढील काही दिवस मुसळधार पावसाचा इशारा देण्यात आला आहे. वादळी वाऱ्यासाह जोरदार पावसाचा इशारा देण्यात आला आहे. दरम्यान भारतीय हवामान विभागाने आज कुठे कुठे पावसाचा इशारा दिला आहे, ते जाणून घेऊयात.

15 Sep 2025 02:04 PM (IST)

India Rain Alert: परतीच्या पावसाचा देशभरात अक्षरशः धुमाकूळ; पुढचे काही तास…; IMD चा इशारा काय?

India Weather Update: देशभरात गेल्या काही दिवसांपासून पावसाचा जोर वाढल्याचे पाहायला मिळत आहे. देशातील अनेक राज्यांमध्ये पावसाने कहर केला आहे. अनेक राज्यांना पुढील काही दिवस मुसळधार पावसाचा इशारा देण्यात आला आहे. वादळी वाऱ्यासाह जोरदार पावसाचा इशारा देण्यात आला आहे. दरम्यान भारतीय हवामान विभागाने आज कुठे कुठे पावसाचा इशारा दिला आहे, ते जाणून घेऊयात.

15 Sep 2025 02:00 PM (IST)

भारताच्या संघाने हॅन्डशेक न केल्यामुळे शोएब अख्तर संतापला

भारत विरुद्ध पाकिस्तान यांच्यामध्ये काल आशिया कपचा सामना झाला या सामन्यात भारताच्या संघाने कमालीची कामगिरी केली आणि त्याचबरोबर भारताच्या खेळाडूंनी सामन्यामध्ये विजय मिळवल्यानंतर हॅन्डशेक न केल्यामुळे सोशल मिडियावर विचारांचा महापुर आला होता. सूर्यकुमार यादवच्या नेतृत्वाखालील टीम इंडियाने आशिया कप २०२५ च्या सहाव्या सामन्यात पाकिस्तानचा ७ विकेट्सने पराभव केला. भारताने अद्भुत गोलंदाजी कामगिरी दाखवत पाकिस्तानला २० षटकांत ९ विकेट्सच्या मोबदल्यात फक्त १२७ धावांवर रोखले. त्यानंतर टीम इंडियाने १५.५ षटकांत फक्त तीन विकेट्स गमावून लक्ष्य गाठले.

15 Sep 2025 01:55 PM (IST)

7000mAh बॅटरीसह Oppo ने लाँच केले तीन जबरदस्त 5G स्मार्टफोन, जाणून घ्या किंमत आणि फीचर्स

Oppo ने F31 ही नवीन स्मार्टफोन सिरीज लाँच केली असून, या सिरीजमध्ये ओप्पो F31, F31 प्रो आणि F31 प्रो+ यांचा समावेश आहे. कंपनीने सांगितलं आहे की, या सर्व डिव्हाईसमध्ये अधिक चांगला परफॉर्मेंस, जास्त काळ चालणारी बॅटरी आणि उत्तम ड्यूरेबिलिटी देण्यात आली आहे. या सिरीजमधील बेस मॉडेल F31 आणि F31 प्रोमध्ये मीडियाटेक 6300/7300 एनर्जी चिपसेट देण्यात आला आहे.स्मार्टफोनच्या किंमतीबद्दल बोलायचं झालं तर ओप्पो F31 5G ची सुरुवातीची किंमत 22,999 रुपये आहे. तर सीरीजमधील F31 प्रो 5G ची किंमत 26,999 रुपयांपासून सुरु होते.

15 Sep 2025 01:50 PM (IST)

ऑगस्ट महिन्यात टॉप म्युच्युअल फंडांनी ‘या’ स्टॉकमध्ये गुंतवले पैसे

ऑगस्टमध्ये इक्विटी म्युच्युअल फंडांनी बाजारात मोठी गुंतवणूक केली. अनेक मोठ्या व्यवहारांमुळे त्यांना त्यांचे पैसे चांगल्या वापरासाठी वापरता आले, त्यामुळे त्यांच्याकडे असलेली रोख रक्कम १.८५ लाख कोटी रुपयांवरून १.७६ लाख कोटी रुपयांवर आली. ऑगस्ट महिन्यात भारतातील टॉप म्युच्युअल फंडांनी काय खरेदी केले आणि काय विकले हे नुवामा अल्टरनेटिव्ह अँड क्वांटिटेटिव्ह रिसर्चच्या आधारे जाणून घेऊयात.

15 Sep 2025 01:48 PM (IST)

मणिपूरमध्ये पुन्हा उफाळला हिंसाचार; PM मोदींच्या दौऱ्यानंतर चुराचंदपूरमध्ये RAFवर दगडफेक

मागील काही वर्षे मणिपूर हे जळत असून जातीय हिंसाचार वाढला आहे. यामध्ये अनेक निष्पाप लोकांचा बळी गेला असून कायदा व सुव्यवस्थेचा प्रश्न निर्माण झाला आहे. दरम्यान, मागील काही दिवसांपासून मणिपूरमध्ये हिंसाचार कमी करण्यास आणि शांतता प्रस्थापित करण्यात सुरक्षा दलाला यश आले होते. यानंतर मागील दोन दिवसांपूर्वी पंतप्रधान नरेंद्र मोदी मणिपूर दौरा देखील केला. मात्र पंतप्रधानांचा दौरा झाल्यानंतर पुन्हा एकदा हिंसाचार उफाळला आहे.

15 Sep 2025 01:35 PM (IST)

नेपाळच्या अंतरिम मंत्रिमंडळाचा विस्तार सुरु

सध्या नेपाळमधील परिस्थिती हळूहळू सुरळीत होत चालली आहे. नेपाळचे माजी पंतप्रधान ओली शर्मा यांच्या राजीनाम्यानंतर वातावरण स्थिरता निर्माण होत असून अंतिरम सरकारची स्थापना सुरु आहे. नेपाळच्या माजी महिल सर न्यायाधीशी सुशीला कार्की यांनी नेपाळच्या पहिला महिला पंतप्रधान म्हणून शपथ घेतली. दरम्यान त्यांना मंत्रीमंडळाच विस्तार केला करण्यास सुरुवात केली आहे. सध्या काळजीवाहू सरकारची स्थापना सुरु असून यामध्ये तीन नेत्यांना सामील करण्यात आले आहे.

15 Sep 2025 01:25 PM (IST)

भारत पाकिस्तान सामना हा फिक्सिंग होता…? राजकीय नेत्याचा गंभीर आरोप

आशिया कप 2025 सुरु असून रविवारी संध्याकाळी भारत विरुद्ध पाकिस्तान सामना पार पडला. यामध्ये भारतीय खेळाडूंनी पाकिस्तानच्या खेळाडूंचा दारुण पराभव केला. मात्र पहलगाम हल्ल्यानंतर हा सामना होऊ नये अशी मागणी देशभरातून केली जात होती. या सामन्यामधून पाकिस्तानला अर्थिक फायदा होईल असे देखील म्हटले जात होते. यासाठी शिवसेना ठाकरे गटाकडून आंदोलन देखील करण्यात आले. यामध्ये भारतीय खेळाडू विजयी झाले असले तरी भारत पाकिस्तान सामना हा फिक्सिंग होता असा गंभीर दावा खासदार संजय राऊत यांनी केला आहे.

15 Sep 2025 01:15 PM (IST)

नाम फाऊंडेशन’चा दशकपूर्ती सोहळा उत्साहात संपन्न

“जे जे जगी जगते तया, माझे म्हणा, करुणाकरा” या भावनेशी प्रामाणिक राहून ‘नाम फाऊंडेशन’ ही नामांकित संस्था गेली १० वर्षे पर्यावरण आणि विविध शाश्वत विकास क्षेत्रांमध्ये अविरत कार्यरत आहे. संस्थेचा दशकपूर्ती समारंभ नुकताच पुण्यात उत्साहात संपन्न झाला. पालखी नृत्याने तसेच मान्यवरांच्या हस्ते दीपप्रज्वलन करीत या सोहळ्याची सुरुवात झाली.नाम फाऊंडेशनच्या दशकपूर्तीनिमित्त आयोजित या स्नेहमेळाव्यात माननीय श्री. नितीनजी गडकरी (केंद्रीय रस्ते परिवहन आणि राज्यमार्ग मंत्री), चंद्रकांतदादा पाटील (उच्च व तंत्रशिक्षण मंत्री, महाराष्ट्र राज्य), पद्मभूषण डॉ. विजय भटकर (संगणक शास्त्रज्ञ), माननीय श्री. उदय सामंत (उद्योग/मराठी भाषा मंत्री, महाराष्ट्र राज ) आदि मान्यवर मंडळी उपस्थित होती.

15 Sep 2025 01:08 PM (IST)

वक्फ कायद्यावरील कोर्टाचा निकाल मुस्लिमांसाठी दिलासा की धक्कादायक

देशाच्या सर्वोच्च न्यायालयाने सोमवारी (15 सप्टेंबर) वक्फ कायद्याशी संबंधित प्रकरणावर मोठा निर्णय दिला. सर्वोच्च न्यायालयाने वक्फ कायद्याच्या बाबतीत सरकार आणि मुस्लिम समुदायामध्ये संतुलन साधण्याचा प्रयत्न केला आहे. न्यायालयाने वक्फ कायद्याच्या कलम ३ आणि कलम ४ वर बंदी घातली आहे. सुनावणीनंतर न्यायालयाने म्हटले की, संपूर्ण कायद्यावर बंदी घालण्याचा अधिकार आम्हाला नाही. नेमकं कोर्टाने काय म्हटलं जाणून घेऊया…

15 Sep 2025 01:05 PM (IST)

जालन्यातील गोंदी इथल्या गोंदेश्वर महादेव मंदिरात शिरलं पुराचं पाणी

जालन्यातील गोंदी इथल्या गोंदेश्वर महादेव मंदिरामध्ये पुराचं पाणी शिरलं आहे. गोंदी महसूल मंडळामध्ये ढगफुटी सदृश्य पाऊस झाल्याने परिसरातून वाहणाऱ्या मांगणी, डोरली, गल्हाटी या नद्यांना पूर आला आहे. त्यामुळे गोदावरी नदीने धोक्याची पातळी ओलांडून काठावरील गोंदेश्वर महादेव मंदिरात पुराचं पाणी शिरलं आहे.

15 Sep 2025 12:55 PM (IST)

मुसळधार पावसामुळे सोलापूरकरांचे हाल, नागरिकांच्या घरात शिरलं ड्रेनेजचं पाणी

सोलापूर शहर आणि परिसरात पडणाऱ्या मुसळधार पावसामुळे सोलापूरकरांचे हाल होत आहेत. सैफुल, स्वामी विवेकानंद भागातील नागरिकांच्या घरात पाणी शिरलं आहे, ड्रेनेजचं पाणी घरात शिरल्याने सोलापूरकरांच्या आरोग्याचा प्रश्न निर्माण झाला आहे. सततच्या पावसामुळे सोलापूरकरांचं जनजीवन विस्कळीत झालं आहे.

15 Sep 2025 12:45 PM (IST)

अहिल्यानगर शहरासह जिल्हात सर्वत्र जोरदार पाऊस सुरू

अहिल्यानगर शहरासह जिल्हात सर्वत्र जोरदार पाऊस सुरू आहे. या पावसामुळे शहरी आणि ग्रामीण भागातील जनजीवन विस्कळीत झालं आहे. विशेषतः शेवगाव पाथर्डी तालुक्यातील काही भागांमध्ये ढगफुटी सदृश्य परिस्थिती निर्माण झाली आहे. रात्रीपासून पावसाचा जोर वाढला असून पाथर्डी तालुक्याच्या तिसगाव इथल्या नदीला शंभर वर्षानंतर मोठा पूर आला आहे. या पावसामुळे शेवगाव पाथर्डी भागामध्ये मोठ्या प्रमाणात असलेल्या कापूस आणि फळबागांचं मोठं नुकसान झालं आहे.

15 Sep 2025 12:35 PM (IST)

सिंधुदुर्ग जिल्ह्यात यलो अलर्ट; तळकोकणात पावसाचा जोर वाढला

सिंधुदुर्ग जिल्ह्यात पावसाचा यल्लो अलर्ट देण्यात आला आहे. अनेक भागात ढगाळ वातावरण असून सावंतवाडी कुडाळ भागात पावसाचा जोर वाढलेला असून पुढील काळात मुसळधार ते अती मुसळधार पाऊस कोसळण्याची शक्यता हवामान विभागाने व्यक्त केली आहे.

15 Sep 2025 12:30 PM (IST)

पाकिस्तान बरोबर खेळणं हाच अपराध आणि देशद्रोह आहे - संजय राऊत