Maharashtra Breaking News Updates Today: राजकारण, अर्थव्यवस्थेसह आणि देश-विदेशातील महत्त्वाच्या घडामोडी एका क्लिकवर

10 Apr 2026 11:50 AM (IST)

पीकविम्यावरून शेतकऱ्यांची फसवणूक; ३३४ हप्ता भरूनही फक्त १८३ रुपयांची भरपाई

शासनाकडून पिकांचे ५० टक्के नुकसान गृहीत धरून मदत जाहीर केली जात असताना, पीक विमा कंपन्यांनी नुकसानीची टक्केवारी अत्यल्प दाखवून शेतकऱ्यांच्या जखमांवर मीठ चोळले आहे. तालुक्यातील साताळी येथील एका शेतकऱ्याला मका आणि सोयाबीनच्या नुकसानीपोटी विम्याच्या प्रीमियमपेक्षाही कमी भरपाई मिळाल्याने तालुक्यात तीव्र संताप व्यक्त होत आहे. तालुक्यातील साताळी येथील शेतकरी संदीप मच्छिंद्र कोकाटे यांनी ‘ऍग्रीकल्चर इन्शुरन्स कंपनी’कडे मका पिकासाठी ३३४ रुपये आणि सोयाबीनसाठी ४०८ रुपये असा एकूण ७४२ रुपये प्रीमियम भरला होता.

10 Apr 2026 11:45 AM (IST)

मुंबई-अहमदाबाद बुलेट ट्रेनचा सर्वात मोठा अडथळा दूर, समुद्रात 7 किलोमीटर खोल बनणार बोगदा

मुंबई-अहमदाबाद बुलेट ट्रेन प्रकल्प आता बुलेट ट्रेनच्या वेगाने धावणार आहे. या प्रकल्पातील सर्वात आव्हानात्मक कामाला सुरुवात झाली आहे. वांद्रे-कुर्ला कॉम्प्लेक्स (बीकेसी) ते शिलफाटा (सावळीजवळील घणसोली) पर्यंत २१ किलोमीटर लांबीचा भुयारी बोगदा बांधला जात आहे. या बोगद्याच्या १६ किलोमीटर भागासाठी टनेल बोरिंग मशीन (टीबीएम) बसवण्याचे काम सुरू झाले आहे. पाण्याखाली बांधला जाणारा हा देशातील पहिला ७ किलोमीटर लांबीचा बोगदा असेल.

10 Apr 2026 11:40 AM (IST)

Oppo A6s Pro ठरला गेमचेंजर! 5G सपोर्ट आणि 7000mAh बॅटरीसह केली दमदार एंट्री, असे आहेत कॅमेरा फीचर्स

टेक कंपनी ओप्पोने चीनमध्ये एका नव्या स्मार्टफोनसह पुन्हा एकदा धमाका केला आहे. कंपनीने चीनमध्ये Oppo A6s Pro या नावाने एक नवीन स्मार्टफोन लाँच केला आहे. स्मार्टफोनच्या अधिकृत लाँचिंगमध्ये कंपनीने डिव्हाईसच्या स्पेसिफिकेशन्सचा खुलासा केलेला नाही. मात्र डिव्हाईस अलीकडेच चायना टेलिकॉमच्या डेटाबेसमध्ये स्पॉट करण्यात आला होता. त्यामुळे या डिव्हाईसचे मुख्य स्पेसिफिकेशन्स आधीच समोर आले आहेत. Oppo A6s Pro मध्ये कोणते खास फीचर्स असणार आहेत आणि स्मार्टफोन किती व्हेरिअंटमध्ये लाँच करण्यात आला आहे, याबाबत जाणून घेऊया.

10 Apr 2026 11:30 AM (IST)

महाराष्ट्रात पुन्हा राजकीय भूकंप होणार, ८ खासदारांची ठाण्यात गुप्त बैठक? शिंदेंचे ‘ऑपरेशन टायगर’ सक्रिय

राज्याच्या राजकीय वर्तुळातून पुन्हा एकदा भुकंपाचे संकेत मिळत आहेत. उद्धव ठाकरेंच्या शिवसेनेचे खासदार फोडण्यासाठी उपमुख्यमंत्री एकनाथ शिंदे यांच्याकडून ‘ऑपरेशन टायगर’ अंतर्गत हालचाली वाढल्यची माहिती समोर आली आहे. त्यांतर्गत बुधवारी रात्री ठाण्यात एक गुप्त बैठक पार पडल्याची चर्चा राजकीय वर्तुळात सुरू आहे.

10 Apr 2026 11:25 AM (IST)

आली हो आली Royal Enfield ची Electric Bike आली! जाणून घ्या रेंज, फीचर्स आणि किंमत

भारतात इलेक्ट्रिक वाहनांचे वारे वेगाने वाहत आहे. आज रस्त्यावर इलेक्टिक वाहनांच्या मागणीत सुद्धा वाढ झाली आहे. हीच मागणी लक्षात घेत अनेक वाहन उत्पादक कंपन्यांनी मार्केटमध्ये उत्तम ई बाईक ऑफर केल्या आहेत. नुकतेच रॉयल एन्फिल्डने देखील त्यांची पहिली इलेक्टिक बाईक बाजारात आणली आहे.

10 Apr 2026 11:20 AM (IST)

गर्भपातानंतर का वाढते वजन? तज्ज्ञांनी केला खुलासा, कशी काळजी घ्यायची

एखाद्या महिलेला गर्भपातानंतर केवळ शारीरिकच नव्हे तर मानसिकदृष्ट्याही विविध आव्हानांना सामोरे जावे लागू शकते . या काळात अनेक महिला वजन वाढल्याची तक्रार करतात ज्यास हार्मोनल बदल, मानसिक तणाव आणि जीवनशैलीतील बदल कारणीभूत ठरतात.

गर्भधारणेदरम्यान शरीरात इस्ट्रोजेन (Estrogen) आणि प्रोजेस्टेरॉन (Progesterone) हे हार्मोन्स. मोठ्या प्रमाण प्रमाणात वाढतात. गर्भपातानंतर हे हार्मोन्स अचानक कमी होतात. या बदलामुळे शरीराचा मेटाबॉलिझम मंदावतो, भूक वाढते आणि शरीरात पाणी साठवून ठेवण्याची शक्यता वाढते आणि त्यामुळे वजन वाढू शकते. डॉ. केकिन गाला, स्त्रीरोग तज्ज्ञ, अपोलो स्पेक्ट्रा रूग्णालय मुंबई यांनी याबाबत अधिक माहिती दिली आहे.

10 Apr 2026 11:16 AM (IST)

महाराष्ट्रात पुन्हा राजकीय भूकंप होणार, ८ खासदारांची ठाण्यात गुप्त बैठक? शिंदेंचे ‘ऑपरेशन टायगर’ सक्रिय

राज्याच्या राजकीय वर्तुळातून पुन्हा एकदा भुकंपाचे संकेत मिळत आहेत. उद्धव ठाकरेंच्या शिवसेनेचे खासदार फोडण्यासाठी उपमुख्यमंत्री एकनाथ शिंदे यांच्याकडून ‘ऑपरेशन टायगर’ अंतर्गत हालचाली वाढल्यची माहिती समोर आली आहे. त्यांतर्गत बुधवारी रात्री ठाण्यात एक गुप्त बैठक पार पडल्याची चर्चा राजकीय वर्तुळात सुरू आहे.

10 Apr 2026 11:13 AM (IST)

राष्ट्रवादीच्या विलीनीकरणाच्या चर्चेला पूर्णविराम; शरद पवारांच्या राष्ट्रवादीचा ‘हा’ प्लॅन अखेर समोर

राज्यात गेल्या काही दिवसांपासून चर्चेत असलेल्या राष्ट्रवादी काँग्रेसच्या दोन गटांच्या विलिनीकरणाच्या मुद्द्याला पूर्णविराम मिळाल्याचे संकेत दिसून आले. त्याऐवजी राष्ट्रवादी काँग्रेस शरदचंद्र पवार पक्ष संघटना बळकट करण्यावर भर देत असल्याचे चित्र आहे. तीन दिवसांपासून मुंबईत पक्षाच्या संघटनात्मक बैठकींचे सत्र सुरू होते.

10 Apr 2026 10:54 AM (IST)

‘आम्ही महासत्ता बनणार!’ मोजतबा खामेनींचे शस्त्रसंधीनंतरचे पहिलेच स्फोटक विधान

जागतिक राजकारणात आजचा दिवस (१० एप्रिल २०२६) अत्यंत निर्णायक मानला जात आहे. एकीकडे पाकिस्तानची राजधानी इस्लामाबादमध्ये अमेरिका आणि इराणमधील तणाव निवळण्यासाठी ‘शांतता चर्चा’ (Peace Talks) सुरू होत आहे, तर दुसरीकडे इराणचे सर्वोच्च नेते मोजतबा खामेनी यांनी दिलेल्या धमकीने या चर्चेच्या फलश्रुतीवर शंका निर्माण केली आहे. डोनाल्ड ट्रम्प यांनी युद्धविरामाची घोषणा केल्यानंतर पहिल्यांदाच खामेनी (Mojtaba Khamenei) जाहीरपणे दिसले आणि त्यांनी थेट अमेरिकेच्या उरात धडकी भरेल असे विधान केले.

10 Apr 2026 10:44 AM (IST)

30 वर्षांपासून पेट्रोकेमिकल क्षेत्रातील तज्ज्ञ Sanjay Khanna सांभाळणार BPCLचं नेतृत्व

फॉर्च्युन ग्लोबल ५००’ कंपनी आणि ‘महारत्न’ सार्वजनिक उपक्रम असलेल्या भारत पेट्रोलियम कॉर्पोरेशन लिमिटेडने आज जाहीर केले की, मंत्रिमंडळाच्या नियुक्ती समितीने सध्याचे संचालक  संजय खन्ना यांची कंपनीच्या अध्यक्ष आणि व्यवस्थापकीय संचालक पदावर नियुक्ती करण्यास मंजुरी दिली आहे. पेट्रोलियम आणि नैसर्गिक वायू मंत्रालयाच्या अंतर्गत असलेल्या शोध-सह-निवड समितीच्या शिफारशीनुसार मंत्रिमंडळाच्या नियुक्ती समितीने या नियुक्तीला मान्यता दिली आहे. खन्ना हे पदभार स्वीकारल्याच्या तारखेपासून ३१ मे २०२९ पर्यंत किंवा पुढील आदेश येईपर्यंत या पदावर कार्यरत राहतील. तेल शुद्धीकरण प्रकल्पांमधील कामकाज आणि प्रकल्प अंमलबजावणीचा दांडगा अनुभव असलेले श्री खन्ना हे मूल्यवर्धित उत्पादने, पेट्रोकेमिकल एकात्मीकरण, कार्यात्मक कार्यक्षमता आणि दीर्घकालीन ऊर्जा सुरक्षा यावर कंपनीचे धोरणात्मक लक्ष अधिक दृढ करतील, तसेच बदलत्या ऊर्जा क्षेत्रात शाश्वत वाढीसाठी कंपनीला दिशा देतील अशी अपेक्षा आहे.

10 Apr 2026 10:34 AM (IST)

“माझ्याकडे जगण्यासाठी फक्त ३-६ महिने उरले होते…”, मृत्यूच्या दाढेतून Yuvraj Singh

भारताचा दिग्गज माजी खेळाडू, युवराज सिंग (Yuvraj Singh) याची कहाणी येणाऱ्या अनेक पिढ्यांना वर्षानुवर्षे प्रेरणा देत राहील. २००७ च्या टी-२० विश्वचषक आणि २०११ च्या एकदिवसीय (ODI) विश्वचषकादरम्यान भारतासाठी उत्कृष्ट कामगिरी करणाऱ्या युवराज सिंगने, दीर्घकाळापर्यंत कर्करोगाशी लढा दिला. २०११ च्या विश्वचषकादरम्यान युवराज कर्करोगाने ग्रस्त होता; असे असूनही, त्याने ‘प्लेअर ऑफ द टूर्नामेंट’चा पुरस्कार पटकावला. डॉक्टरांनी आपल्याला जगण्यासाठी केवळ तीन ते सहा महिने उरले असल्याचे सांगितले होते, असा खुलासा युवराजने केला आहे.

10 Apr 2026 10:24 AM (IST)

नव्या इव्हेंटसाठी व्हा सज्ज! स्पिन करा आणि जिंका आकर्षक स्किन्स,

फ्री फायर मॅक्स प्लेअर्ससाठी एक खास ईव्हेंट सुरु झाला आहे. हा ईव्हेंट अशा प्लेअर्ससाठी आहे, ज्यांना गममध्ये स्किन्सचा वापर करायला आवडतं. हा नवा ईव्हेंट M1014 X VSK रिंग या नावाने सुरु झाला आहे. या नव्या ईव्हेंटमध्ये प्लेअर्सना अल्ट्रा प्रीमियम अंडर-सी रॅमपेज आणि डॉग अ‍ॅट हँड स्किन प्रमुख रिवॉर्ड्स स्वरुपात क्लेम करण्याची संधी मिळणार आहे. या स्किनच्या मदतीने बंदूकीला एक वेगळा लूक मिळणार आहे आणि तसेच यामुळे बंदूकीची पावर देखील वाढणार आहे. तसेच गेममध्ये शत्रूंना हरवल्यावर स्पेशल घोषणा देखील होणार आहे. याशिवाय प्लेअर्सना यूनिवर्सल रिंग टोकन देखील अनलॉक करण्याची संधी मिळणार आहे.

10 Apr 2026 09:30 AM (IST)

भोंदू अशोक खरातचा १६० GB डेटा आणि कोडवर्डमधून धक्कादायक खुलासे

नाशिक: भोंदूगिरी आणि अत्याचाराच्या आरोपाखाली अटकेत असलेल्या अशोक खरातच्या अडचणीत मोठी वाढ झाली आहे. तपास यंत्रणांनी खरातच्या काळ्या कारनाम्यांचे तब्बल १६० GB डिजिटल पुरावे गोळा केले असून, फॉरेन्सिक अहवाल सादर झाल्यानंतर तपासाला प्रचंड वेग आला आहे. एसआयटीने (SIT) एकूण ४ डिजिटल उपकरणांची तपासणी पूर्ण केली आहे. यामध्ये १६० GB डेटा आढळला असून, त्यातून खरातचे अनेक धक्कादायक व्यवहार आणि कृत्ये उघड होण्याची शक्यता आहे.

10 Apr 2026 09:25 AM (IST)

एकनाथ शिंदेंचे 'ऑपरेशन टायगर' सक्रिय

ठाणे: राज्यात पुन्हा एकदा मोठ्या राजकीय उलथापालथीचे संकेत मिळत आहेत. उद्धव ठाकरे गटाचे खासदार फोडण्यासाठी उपमुख्यमंत्री एकनाथ शिंदे यांनी 'ऑपरेशन टायगर' अंतर्गत हालचाली तीव्र केल्याची माहिती समोर आली असून, बुधवारी रात्री ठाण्यात एक गुप्त बैठक पार पडल्याची चर्चा राजकीय वर्तुळात रंगली आहे.सूत्रांच्या माहितीनुसार, ठाण्यात   एकनाथ शिंदे आणि ठाकरे गटाच्या काही खासदारांमध्ये गुप्त चर्चा झाली. 'ऑपरेशन टायगर' यशस्वी करण्यासाठी शिंदे पडद्यामागे वेगाने सूत्रे हलवत असल्याचे बोलले जात आहे.

10 Apr 2026 09:24 AM (IST)

CBSE दहावीच्या विद्यार्थ्यांसाठी महत्त्वाची बातमी, ‘या’ महिन्यात पुन्हा होणार परीक्षा

CBSE दहावीच्या पहिल्या टप्प्यातील (Phase 1) परीक्षा संपल्या आहेत आणि आता सर्वांचे लक्ष निकालावर लागले आहे. CBSE दहावी निकाल २०२६ एप्रिलच्या शेवटच्या आठवड्यात अपेक्षित आहे. पण तुम्हाला माहित आहे का, की खरा ‘जुगल’ तोच असतो जो निकाल जाहीर होण्यापूर्वीच आपली पुढची चाल तयार ठेवतो? जर वाटत असेल की पहिल्या टप्प्यातील एखादा पेपर तुमच्या अपेक्षेप्रमाणे नव्हता किंवा काही कारणास्तव तुम्ही तुमचे १००% देऊ शकला नाहीत, तर घाबरू नका. २०२६ पासून लागू होणारे नवीन CBSE धोरण, १५ मे ते १ जून दरम्यान आणखी एक उत्तम संधी देईल. सीबीएसई १०वीचा निकाल २०२६ ला अजून काही काळ बाकी आहे. पण ही स्वस्थ बसण्याची वेळ नाही; उलट, तुम्ही सीबीएसई १०वीच्या परीक्षेत दुसऱ्या संधीसाठी तयार आहात का, याचा विचार करण्याची ही वेळ आहे.

10 Apr 2026 09:18 AM (IST)

Dhurandhar 2 Box Office Collecion: 22व्या दिवशी ‘धुरंधर 2’ची गती मंदावली

आदित्य धरच्या ‘धुरंधर २’ या चित्रपटाच्या प्रदर्शनाला २२ दिवस झाले आहेत. या विलंबानंतरही, आर. माधवन आणि संजय दत्त यांचा हा चित्रपट बॉक्स ऑफिसवर आपली पकड कायम ठेवत आहे. अर्जुन रामपाल आणि रणवीर सिंग यांचा हा चित्रपट बॉक्स ऑफिसवर लक्षणीय कमाई करत आहे. मात्र, २२ व्या दिवशी ‘धुरंधर २’ ची गती अचानक थांबली आहे. प्रदर्शनाच्या २२ व्या दिवशी, या चित्रपटाने एकट्या भारतात १,०४८.४२ कोटींची कमाई केली आहे. भारतातील चित्रपटाची एकूण कमाई १,२५५.२३ कोटी असल्याचा अंदाज आहे. परदेशातील कमाई आतापर्यंत ४१०.०० कोटींवर पोहोचली आहे. एकूणच, ‘धुरंधर द रिव्हेंज’ चित्रपटाने जगभरात १,६६५.२३ कोटींची कमाई केली आहे. चित्रपटाने पहिल्या आठवड्यात ६७४.१७ कोटी कमावले, तर दुसऱ्या आठवड्यात त्याची कमाई घसरून २६३.६५ कोटी झाली. तिसऱ्या आठवड्यात ‘धुरंधर द रिव्हेंज’ने ११०.६० कोटी कमावले.

10 Apr 2026 09:15 AM (IST)

नाशिक: आयटी कंपनीत पोलिसांचे 'स्पेशल ऑपरेशन' 

नाशिक: शहरातील एका नामांकित मल्टिनॅशनल आयटी (IT) कंपनीत महिला कर्मचाऱ्यांचे लैंगिक शोषण आणि धर्मांतराच्या प्रयत्नाचा धक्कादायक प्रकार उघडकीस आला आहे. नाशिक पोलिसांनी अत्यंत गुप्ततेने आणि धाडसाने 'स्पेशल ऑपरेशन' राबवत या प्रकरणातील संशयित आरोपींच्या मुसक्या आवळल्या आहेत.

 प्रकरणाचे गांभीर्य ओळखून महिला वरिष्ठ पोलीस अधिकारी आणि सात महिला कर्मचाऱ्यांच्या पथकाने कंपनीत वेशांतर करून प्रवेश केला. संशयित आरोपी मीटिंगच्या नावाखाली महिलांशी अश्लील वर्तन करत असल्याची माहिती पोलिसांना मिळाली होती.वेशांतर केलेल्या महिला पोलिसांनी कंपनीत वावरताना आरोपींच्या हालचालींवर बारकाईने लक्ष ठेवले. मीटिंग दरम्यान होणारे अश्लील हावभाव आणि गैरवर्तन पोलिसांनी प्रत्यक्ष अनुभवले.