कुठे मुसळधार, तर कुठे थेंबही नाही! महाराष्ट्रातील पावसाचे आकडे सांगतात भविष्यातील संकट
ऑक्टोबर महिन्यात महाराष्ट्रात सरासरी ७४ मिमी पाऊस अपेक्षित होता. मात्र, प्रत्यक्षात केवळ ३.६ मिमी पाऊस पडला. त्यामुळे राज्यात ९५ टक्के पावसाची तूट नोंदवण्यात आली आहे. विशेष म्हणजे, राज्यातील तब्बल १२ जिल्ह्यांमध्ये संपूर्ण ऑक्टोबर महिन्यात पावसाचा एक थेंबही पडला नाही. या जिल्ह्यांमध्ये पावसाची १०० टक्के तूट नोंदवण्यात आली आहे.
La Nina Effect: आता हे काय नवीन! तुफान पाऊस, वादळी वाऱ्यांची शक्यता; एल निनोनंतर ला निनाचे संकट
मुंबई शहर, धुळे, जळगाव, नंदुरबार, सोलापूर, बीड, छत्रपती संभाजीनगर, धाराशिव, हिंगोली, जालना, लातूर आणि परभणी या जिल्ह्यांमध्ये ऑक्टोबर महिन्यात शून्य पावसाची नोंद झाली आहे. मुंबई शहरात सरासरी ७३.५ मिमी पाऊस अपेक्षित होता. मात्र, प्रत्यक्षात पाऊस पडला नाही. मराठवाड्यातही ऑक्टोबर महिन्यात एकही मिलीमीटर पाऊस झालेला नसल्याचे समोर आले आहे.
विभाग अपेक्षित पाऊस प्रत्यक्ष पाऊस पावसाची तूट
मुंबई उपनगर ८१.२ मिमी १४.६ मिमी ८२%
मध्य महाराष्ट्र ७७.९ मिमी ४.१ मिमी ९५%
विदर्भ ५७.८ मिमी २.२ मिमी ९६%
कोकण-गोवा ११६.४ मिमी १९.१ मिमी ८४%
पालघर आणि रायगड जिल्ह्यांत ९६ टक्के, तर ठाणे जिल्ह्यात ८४ टक्के पावसाची तूट नोंदवण्यात आली आहे. त्यामुळे कोकण विभागातही पावसाचे प्रमाण अत्यंत कमी राहिले आहे.
ऑक्टोबर महिन्यात पावसाने दडी मारली असली, तरी नोव्हेंबरच्या सुरुवातीला राज्यातील काही भागांत पावसाने जोरदार हजेरी लावली. पुणे, अहिल्यानगर आणि सातारा जिल्ह्यांत मुसळधार पाऊस झाला. अचानक आलेल्या पावसामुळे काही ठिकाणी रस्ते जलमय झाले. अनेक ठिकाणी पाणी साचल्याने वाहतूक विस्कळीत झाली आणि नागरिकांची तारांबळ उडाली. उकाड्याने हैराण झालेल्या नागरिकांना मात्र या पावसामुळे काहीसा दिलासा मिळाला.
राज्यात काही ठिकाणी अवकाळी पाऊस पडत असला, तरी ऑक्टोबर महिन्यातील पावसाची मोठी तूट भरून निघालेली नाही. विशेषतः मराठवाडा आणि विदर्भातील अनेक भागांत पाण्याची कमतरता कायम आहे. शेतकरी, नागरिक आणि प्रशासनासाठी पाण्याचे नियोजन महत्त्वाचे ठरणार आहे. नोव्हेंबरमध्ये पुढील काळात किती पाऊस पडतो, यावर राज्यातील पाणीटंचाईची तीव्रता आणि शेतीची परिस्थिती अवलंबून राहणार आहे.
Weather Update: गणेशोत्सवाच्या पार्श्वभूमीवर महाराष्ट्रात पावसाचा जोर वाढणार; अनेक भागांत यलो अलर्ट
Ans: ऑक्टोबर महिन्यात महाराष्ट्रात सरासरीच्या तुलनेत ९५ टक्के कमी पाऊस पडला. राज्यात सरासरी ७४ मिमी पाऊस अपेक्षित असताना प्रत्यक्षात केवळ ३.६ मिमी पावसाची नोंद झाली.
Ans: मुंबई शहर, धुळे, जळगाव, नंदुरबार, सोलापूर, बीड, छत्रपती संभाजीनगर, धाराशिव, हिंगोली, जालना, लातूर आणि परभणी या १२ जिल्ह्यांमध्ये ऑक्टोबर महिन्यात पावसाचा एक थेंबही पडला नाही.
Ans: पुणे, अहिल्यानगर आणि सातारा जिल्ह्यांत नोव्हेंबरच्या सुरुवातीला जोरदार पाऊस झाला. काही ठिकाणी रस्त्यांवर पाणी साचले आणि वाहतूक विस्कळीत झाली. मात्र, राज्यातील अनेक भागांत पाणीटंचाईची चिंता कायम आहे.
.png "Videos"){kind=small}
