Mahayuti Cabinet expansion: महायुतीच्या नेत्यांना मंत्रिमंडळ विस्ताराचे वेध; कुणाला मिळणार संधी, कुणाची होणार गच्छंती?

आजपासून सुरू होणाऱ्या विधानसभेच्या तीन दिवसीय विशेष अधिवेशनात  विधानसभेच्या हंगामी अध्यक्षपदी निवड झालेले कालिदास कोळंबकर नवनिर्वाचित आमदारांना शपथ देतील.

Photo Credit- Social Media महायुतीच्या नेत्यांना मंत्रिमंडळ विस्ताराचे वेध

Follow Us:

Follow Us:

मुंबई : महाराष्ट्रात 5 डिसेंबरला महायुतीचे नवे सरकार सत्तेवर आले आहे. 23 नोव्हेंबरला निवडणुकांचे निकाल जाहीर झाल्यानंतर आता महायुतीच्या नेत्यांना मंत्रिमंडल विस्ताराचे वेध लागले आहे. तत्पुर्वी आजपासून (7 डिसेंबर) विधीमंडळाच्या विशेष अधिवेशनाला सुरूवात होत आहे. भाजपचे ज्येष्ठ नेते कालिदास कोळंबकर यांची हंगामी अध्यक्षपदी निवड करण्यात आली असून आज नवनिर्वाचित आमदारांना आज शपथ दिली जाईल.

दरम्यान मिळालेल्या माहितीनुसार, नवीन सरकारच्या मंत्रिमंडळ विस्तारात 30 ते 32 आमदार मंत्रीपदाची शपथ घेऊ शकतात. यामध्ये भाजपचे 15, शिवसेनेचे 8 आणि राष्ट्रवादीचे अजित पवार गटाचे 7 ते 9 आमदार मंत्रिपदाची शपथ घेऊ शकतात. भाजपला एकूण 21 मंत्रिपद मिळण्याची शक्यता आहे, तर शिंदे गटाच्या शिवसेनेला 12 आणि अजित पवारांच्या राष्ट्रवादीला 10 मंत्रिपदे मिळू शकतात.

Kumar Ketkar Criticized BJP: “भाजपकडून धार्मिक द्वेष पसरवण्यासह मतांचे ध्रुवीकरण’- कुमार केतकर

निवडणुकीत भाजपने अभुतपूर्व 132 जागां जिंकून सर्वात मोठा पक्ष होण्याचा मान मिळवला आहे. त्यामुळे यंदाच्या मंत्रिमंडळ विस्तारात भाजपकडे काही निवडक आणि महत्त्वाची खाती असतील.  यात गृह खाते, गृहमंत्री बांधकाम, सरकारी शिष्टाचार, ऊर्जा, कायदा व न्याय, ग्रामविकास, पाटबंधारे, महसूल, पर्यटन, कौशल्य विकास, आदिवासी आदी विभागांचा समावेश असल्याचेही स्पष्ट दिसते आहे. यासोबतच  सामान्य प्रशासन विभागही भाजप आपल्याजवळ ठेवू शकते, अशी माहिती आहे.

शिंदे गट- अजित पवार गटाला काय मिळणार?

उपमुख्यमंत्री एकनाथ शिंदे यांच्या शिवसेनेच्या वाट्याला  उत्पादन शुल्क, पर्यावरण, सामाजिक न्याय, नगरविकास, खाणकाम, आरोग्य, पाणीपुरवठा, उद्योग, शिक्षण आणि सार्वजनिक बांधकाम विभाग मिळण्याची शक्यता आहे. तर अजित पवार यांच्या राष्ट्रवादीला अन्न व पुरवठा, एफडीए, वित्त व नियोजन, महिला व बालविकास, क्रीडा व युवक कल्याण, कृषी व पुनर्वसन ही खाती मिळू शकतात.

थंडीमध्ये शरीरातील हाडे कटकट वाजतात? मग नियमित करा ‘या’ काळ्या दाण्यांचे सेवन, हाडं

किती मंत्री घेणार शपथ?

सध्या महायुतीतील सर्वात मोठा पक्ष असलेल्या भाजपकडून मुख्यमंत्र्यांसह 21 मंत्र्यांची शपथ घेण्याची शक्यता आहे. याशिवाय शिवसेनेचे 11 ते 12 आणि राष्ट्रवादीचे 9 ते 10 मंत्री शपथ घेण्याची शक्यता आहे. दरम्यान, एक-दोन दिवसांत शपथ घेणाऱ्या मंत्र्यांची संख्या आणि नावे निश्चित होतील, अशी माहिती  भाजपच्या एका ज्येष्ठ नेत्याने दिली आहे.

आजपासून सुरू होणाऱ्या विधानसभेच्या तीन दिवसीय विशेष अधिवेशनात  विधानसभेच्या हंगामी अध्यक्षपदी निवड झालेले कालिदास कोळंबकर नवनिर्वाचित आमदारांना शपथ देतील. विधानसभेच्या अध्यक्षांची निवड 9 डिसेंबर म्हणजेच सोमवारी होणार आहे, त्यानंतर नवीन सरकारला विश्वासदर्शक ठरावाला सामोरे जावे लागेल. राज्यपाल देखील दोन्ही सभागृहांच्या संयुक्त अधिवेशनाला संबोधित करतील. . यानंतर 16 डिसेंबरपासून महाराष्ट्र विधिमंडळाचे हिवाळी अधिवेशन नागपुरात सुरू होणार आहे.

Web Title: Mahayuti cabinet expansion latest news update nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com