फोटो सौजन्य सोशल मीडिया
नगरपालिकेच्या दैनंदिन प्रशासकीय कामकाजासह शहरातील रस्ते, पाणीपुरवठा, स्वच्छता, पथदिवे आणि इतर नागरी सुविधांसाठी आर्थिक तरतूद आवश्यक असते. घरपट्टी आणि पाणीपट्टी हे पालिकेच्या उत्पन्नाचे महत्त्वाचे स्रोत आहेत. या करांची वसुली अपेक्षेपेक्षा कमी राहिल्यास उपलब्ध निधीवर मर्यादा येऊ शकतात. त्यामुळे नियोजित विकासकामांचे आर्थिक नियोजन करताना प्रशासनाला अडचणींचा सामना करावा लागू शकतो.
पालिकेने चालू आर्थिक वर्षासाठी घरपट्टीतून ४४ कोटी ६७ लाख रुपये, तर पाणीपट्टीतून चार कोटी आठ लाख रुपये उत्पन्न अपेक्षित धरले आहे. मात्र, आतापर्यंत घरपट्टीतून १७ कोटी १७ लाख रुपये आणि पाणीपट्टीतून अवघा एक कोटी रुपये जमा झाला आहे. एकूण उद्दिष्टाच्या तुलनेत वसुलीचे प्रमाण ३७.२७ टक्के इतके आहे. त्यामुळे निर्धारित उद्दिष्ट गाठण्यासाठी प्रशासनाला उर्वरित कालावधीत वसुलीचा वेग वाढवावा लागणार आहे.
कर वसुलीला गती देण्यासाठी पालिकेने थकबाकीदारांविरोधात कठोर भूमिका घेतली आहे. १६ ऑक्टोबरपासून थकीत करावर दरमहा दोन टक्के दंड आकारण्यास सुरुवात करण्यात आली आहे. आतापर्यंत दंडापोटी ८१ लाख ५७ हजार रुपये जमा झाले आहेत.
नागरिकांना कर भरण्यासाठी अडचण येऊ नये, यासाठी पालिकेचे कर भरणा केंद्र रविवारसह आठवड्यातील सातही दिवस सकाळी १० ते सायंकाळी ५ या वेळेत सुरू ठेवण्यात येणार आहे. मुख्याधिकारी विनोद जळक यांनी थकबाकीदारांनी वेळेत कर भरून पालिकेला सहकार्य करण्याचे आवाहन केले आहे. आता उर्वरित ३०.५८ कोटींचे उद्दिष्ट प्रशासन कितपत गाठते, याकडे लक्ष लागले आहे.
FDA News: महाराष्ट्रात औषध विक्रेत्यांवर FDA चा मोठा बडगा! दोन आठवड्यांत २९ परवाने रद्द, ७१ निलंबित
एकूण उद्दिष्ट : ४८.७५ कोटी रुपये
आतापर्यंतची वसुली : १८.१७ कोटी रुपये
वसुलीची टक्केवारी : ३७.२७ टक्के
उद्दिष्टपूर्तीसाठी बाकी : ३०.५८ कोटी रुपये
घरपट्टी वसुली : १७.१७ कोटी रुपये
पाणीपट्टी वसुली : १ कोटी रुपये
दंडापोटी जमा : ८१.५७ लाख रुपये
.png "Videos"){kind=small}
