Maharashtra Breaking News
Marathi Breaking news updates: “दिवाळी म्हणजे प्रकाशाचा आणि आनंदाचा सण. या सणात प्रत्येकजण आपले घर सजवतो, नवीन कपडे घेतो आणि प्रियजनांसाठी भेटवस्तू आणतो. पण मोठ्या शहरांमध्ये खरेदी करताना बजेट सांभाळणे ही एक आव्हानात्मक गोष्ट असते. अशा वेळी मुंबईतील काही पारंपरिक बाजारपेठा तुमची खिशावर भार न टाकता संपूर्ण दिवाळीची तयारी करून देतात. चला तर पाहूया, मुंबईतील त्या स्वस्त आणि लोकप्रिय बाजारपेठा जिथे दिवाळीच्या शॉपिंगचा आनंद आणि बचत दोन्ही मिळतात.
सविस्तर बातमीसाठी- Diwali 2025 : दिवाळी शॉपिंगसाठी सज्ज व्हा, हे आहेत मुंबईतील 5 स्वस्त मार्केट; हजारातच पूर्ण होईल संपूर्ण शॉपिंग
14 Oct 2025 06:40 PM (IST)
मुंबई, १४ ऑक्टोबर २०२५: मुंबईच्या जसलोक हॉस्पिटल आणि रिसर्च सेंटरने ब्रेस्ट कॅन्सरच्या उपचारात एक पथदर्शी पाऊल टाकत ‘व्रणरहित’ एंडोस्कोपिक स्किन अँड निपल-स्पेरिंग मास्टेक्टमी (E-NSM) यशस्वीरीत्या पार पाडली. या प्रक्रियेनंतर TiLoop मेशचा वापर करून इम्प्लान्ट-आधारित पुनर्बांधणीही करण्यात आली. भारतात अशा प्रकारची ही केवळ दुसरी आणि जसलोकमधील पहिली “स्कारलेस” मास्टेक्टमी असून, ती २७ वर्षीय अविवाहित महिलेवर यशस्वीरीत्या करण्यात आली.
14 Oct 2025 06:15 PM (IST)
पिंपरी: हिंजवडी आयटी पार्क परिसरात अवजड वाहनांमुळे वाढलेल्या अपघातांच्या पार्श्वभूमीवर पुणे महानगर प्रदेश विकास प्राधिकरणाने (पीएमआरडीए) निर्णायक पावले उचलली आहेत. परिसरात अवजड वाहनांच्या प्रवेशावर आता वेळेचे निर्बंध, चालकांची नशेची तपासणी आणि वाहतूक नियमांचे पालन या अटी बंधनकारक करण्यात आल्या आहेत. नियमांचे उल्लंघन करणाऱ्या बांधकाम व्यावसायिकांची कामे तात्पुरती थांबवण्यात येणार आहेत, असा इशारा पीएमआरडीएकडून देण्यात आला आहे.
14 Oct 2025 06:00 PM (IST)
भारत आणि वेस्ट इंडिज यांच्यात दोन सामन्यांची कसोटी मलिका खेळली गेली. या मालिकेतील दुसऱ्या सामन्यात भारताने वेस्ट इंडिजचा ७ विकेट्सने पराभव केला. भारताने या विजयसह वेस्ट इंडिजविरुद्ध २-० अशी मलिका जिंकली. वेस्ट इंडिजविरुद्धची मालिका २-० अशी जिंकून भारतीय संघाने कसोटी क्रिकेटमधील जागतिक विक्रमाची बरोबरी साधली आहे. भारताने वेस्ट इंडिजविरुद्ध १० व्यांदा कसोटी मालिका जिंकण्याची किमया साधली आहे. यासह, भारत कोणत्याही प्रतिस्पर्ध्याविरुद्ध सलग सर्वाधिक कसोटी मालिका जिंकण्याच्या यादीत संयुक्तपणे अव्वल स्थान पटकावले आहे.
14 Oct 2025 05:50 PM (IST)
सरकारने छोट्या गाड्यांवरील जीएसटी 28% वरून 18% पर्यंत कमी केला आहे, ज्यामुळे अनेक लोकप्रिय हॅचबॅक आणि एंट्री-लेव्हल कार अधिक परवडणाऱ्या झाल्या आहेत. आत जर तुम्ही सणासुदीच्या काळात कार खरेदी करण्याचा विचार करत असाल आणि तुमचे बजेट 5 लाखांपर्यंत असेल, तर या कार तुमच्यासाठी सर्वोत्तम असू शकतात. चला त्यांची किंमत, मायलेज आणि वैशिष्ट्ये जाणून घेऊया.
14 Oct 2025 05:40 PM (IST)
आयसीसी चॅम्पियन्स ट्रॉफी २०२५ च्या समाप्तीनंतर मोठ्या कालावधीनंतर भारतीय संघाचा माजी कर्णधार विराट कोहली मोठ्या कालावधीनंतर भारतात परतला आहे. तो आता पुन्हा संघात सामील झाला आहे. स्पर्धेनंतर कोहलीने क्रिकेटमधून ब्रेक घेतला आणि इंग्लंडमध्ये कुटुंबासोबत दिवस घालवले. आता, ऑस्ट्रेलियाविरुद्धच्या तीन सामन्यांच्या एकदिवसीय मालिकेसाठी त्याच्या पुनरागमनाने भारतीय चाहते खूपच आनंदी असल्याचे दिसत आहे
14 Oct 2025 05:30 PM (IST)
14 Oct 2025 05:21 PM (IST)
14 Oct 2025 05:20 PM (IST)
बागेश्वर धामचे मुख्य पुजारी धीरेंद्र कृष्ण शास्त्री हे नेहमी चर्चेत असतात. पण आता त्यांनी वृंदावनमधील गुरु प्रेमानंद महाराज यांची भेट घेतली. धीरेंद्र कृष्ण शास्त्री यांनी अचानक वृंदावनात येत प्रेमानंद महाराजांची भेट घेतल्याने चर्चा रंगली आहे. त्यांची ही भेट कोणत्याही सार्वजनिक कार्यक्रमासाठी नव्हती, तर प्रेमानंद महाराजांशी वैयक्तिक भेटीसाठी होती. वृंदावनात पोहोचल्यानंतर, धीरेंद्र शास्त्री यांनी थेट आश्रमात जात प्रेमानंद महाराजांची भेट घेतली.
14 Oct 2025 05:10 PM (IST)
केरळ राज्यातील कोट्टायममध्ये जन्मलेले कन्नन गोपीनाथन त्यांच्या जीवन कथेसाठी विशेष प्रसिद्ध आहेत. सुरुवातीला इंजिनिअरिंग क्षेत्रात शिक्षण घेणारे कन्नन पत्नीच्या सांगण्यावरून कसे IAS होतात? काय आहे त्यांची संघर्ष कम प्रेमकथा जाणून घ्या. कन्नन गोपीनाथन यांनी इंजिनिअरिंगमध्ये स्वर्णपदक मिळवले. नंतर नोएडामधील फ्रीस्केल सेमीकंडक्टर कंपनीत VLSI डिझायनर म्हणून काम केले, तसेच NGO सुरू करून रस्त्यावर विक्री करणाऱ्या मुलांना शिक्षण दिले.
14 Oct 2025 05:03 PM (IST)
पश्चिम बंगालमधील दुर्गापूर येथील सामुहिक बलात्कार प्रकरणामुळे देशात पुन्हा एकदा खळबळ माजली आहे. ओडिशातील बालासोर येथील रहिवासी असलेली पीडिता गेल्या शुक्रवारी रात्री तिच्या मैत्रिणीसोबत कॉलेज कॅम्पसबाहेर उभी असताना पाच तरुणांनी तिचे अपहरण करून तिच्यावर लैंगिक अत्याचार केले. आरोपींनी तिला गप्प राहण्यासाठी पाच हजार रुपये देऊ केले. भीतीमुळे पीडितेने सुरुवातीला मारहाणीची तक्रार केली, परंतु पोलिस तपासादरम्यान सामूहिक बलात्काराचा खुलासा झाला. पण पीडितेवर उचपार करणाऱ्या डॉक्टरांना तिच्यासोबत घडलेल्या प्रकाराची अंगावर काटा आणणारी आपबीती सांगितली आहे.
14 Oct 2025 05:00 PM (IST)
राज्यासह देशात गावांस, शहरे रस्त्यांची नावे बदलण्यात येत आहे. परंतु काही धार्मिक कारणामुळे बदलत असल्याची टीका होत आहे.. अशातच आता सिंधुदुर्ग जिल्ह्यातील वाड्या आणि रस्त्यांची जातिवाचक नावे बदलण्याची मागणी अनुसूचित जाती “समाज संवाद जनता दरबारात” करण्यात आली होती. त्या मागणीला आता यश आले असून तब्बल 192 वस्त्या आणि 25 रस्त्यांची नावे बदलण्याचा निर्णय जिल्हा प्रशासनाने घेतला आहे. पालकमंत्री नितेश राणे यांच्या आदेशानंतर जिल्हाधिकारी तृप्ती धोडमिसे यांनी हा महत्वपूर्ण निर्णय घेतला आहे. तर या निर्णयामुळे या वाड्या आणि रस्त्यांना जातीवाचक नावा ऐवजी महापुरुष आणि लोकशाही मूल्यांवर नवी नावे मिळणार आहेत
14 Oct 2025 04:50 PM (IST)
सध्या सणासुदीचे दिवस चालू आहे. तसेच सरकारने ही जीएसटी कमी केली आहे. त्यामुळे कार कंपन्याही बंपर सुट देत आहे. अश्यात तुम्ही नवीन कार घेण्याचा विचार करत असाल तरी ही बातमी तुमच्यासाठी खुप महत्वाची आहे. खर, तर अनेक जण कार घेण्याच्या उत्साहाच्या भरात अनेक महत्त्वाच्या बाबींकडे दुर्लक्ष होते. गाडीसोबतची सर्व कागदपत्रे बरोबर आणि पूर्ण आहेत की नाही, याची खात्री करणे अत्यंत आवश्यक आहे. योग्य कागदपत्रांशिवाय भविष्यात तुम्हाला कायदेशीर किंवा सेवा-संबंधित समस्यांना सामोरे जावे लागू शकते. तुम्ही नवीन गाडीची डिलिव्हरी घेण्यापूर्वी काळजीपूर्वक तपासणी करायच्या अत्यावश्यक कागदपत्रांची यादी खालीलप्रमाणे आहे:
14 Oct 2025 04:45 PM (IST)
राज्यातील स्थानिक स्वराज्य संस्थांच्या निवडणुकीपूर्वी विरोधी पक्षाने जोरदार तयारी सुरू केली आहे. गेल्या काही महिन्यांपासून काँग्रेस खासदार राहुल गांधी निवडणूक प्रक्रियेत फेरफार आणि घोळ होत असल्याचा आरोप करत आहेत. राहुल गांधी यांनी महाराष्ट्र विधानसभा निवडणूक प्रक्रियेवरही गंभीर आरोप केले होते. त्या या आरोपांच्या पार्श्वभूमीवर विरोधी महाविकास आघाडीच्या शिष्टमंडळाने आज राज्य निवडणूक आयोगाच्या अधिकाऱ्यांची बैठक घेतली. यावेळी मनसे अध्यक्ष राज ठाकरे, राष्ट्रवादीचे नेते जितेंद्र आव्हाड, जयंत पाटील, ठाकरे गटाचे खासदार संजय राऊत यांच्यासह अनेक नेत्यांनी निवडणूक आयोगाच्या कारभारावर थेट प्रश्न उपस्थित केले आहेत.
14 Oct 2025 04:35 PM (IST)
आशियाई बाजारातील संमिश्र कल दरम्यान, मंगळवारी (१४ ऑक्टोबर) जोरदार सुरुवात झाली असली तरी भारतीय शेअर बाजार घसरणीने बंद झाले. यासह, सलग तिसऱ्या व्यापार सत्रात बाजारात घसरण झाली. सार्वजनिक क्षेत्रातील बँक आणि धातूंच्या शेअर्समध्ये नफा बुकिंग झाल्यामुळे बाजार घसरला. टाटा मोटर्समधील घसरणीमुळेही बाजार खाली आला. देशांतर्गत कंपन्यांच्या तिमाही निकालांमध्ये गुंतवणूकदारांनी सावध भूमिका घेतली.
14 Oct 2025 04:20 PM (IST)
काही वर्षांपूर्वी बॉलिवूडच्या सर्वात मोठ्या स्टार्सच्या यादीत असलेल्या अभिनेत्यांपैकी एक विवेक ओबेरॉय. 2002 मध्ये बॉलिवूड मध्ये एन्ट्री केलेल्या विवेकने कधीकाळी शूटआउट ॲट लोखंडवाला, रक्तचरित्र, ओमकारा, नक्षा, ज़िला गाजियाबाद, मस्ती यासारखे गाजलेले आणि चर्चेत राहिलेले सिनेमे केले. फक्त बॉलिवूडच नव्हे तर, दाक्षिणात्य सिनेमांमध्ये सुद्धा विवेकने काम करून आपली छाप पडलीय. पण हल्ली विवेक सिनेमामध्ये फारसा काही दिसत नाही… विवेक हल्ली सिनेमांत नसतो, कॉन्ट्रोवर्सीमध्ये नसतो, चर्चेतही नसतो… म्हणून काही तो गायब झालाय असं नाही… फिल्म इंडस्ट्रीमधून तो दिसेनासा झाला असला तरी दुसरीकडे त्याने त्याचं साम्राज्य निर्माण केलंय…
14 Oct 2025 04:15 PM (IST)
भारतीय जनता पक्षाने (BJP) मंगळवारी (१४ ऑक्टोबर २०२५) बिहार निवडणुकीसाठी पहिली यादी जाहीर केली. यादीनुसार नंद किशोर यादव यांचे तिकीट रद्द करण्यात आले आहे. रत्नेश कुशवाह यांना पाटणा साहिबमधून निवडणूक लढवण्याची संधी देण्यात आली आहे. या यादीत एकूण ७१ उमेदवारांची यादी आहे. एनडीएमध्ये जागावाटप झाल्यानंतर, भाजपने १०१ जागा मिळवल्या आहेत. उर्वरित जागांसाठी उमेदवारांची घोषणा दुसऱ्या यादीत केली जाईल.
14 Oct 2025 04:05 PM (IST)
राज्यामध्ये लवकरच स्थानिक स्वराज्य संस्थांच्या निवडणूका होणार आहेत. यासाठी भाजपसह सर्वच राजकीय पक्षांची जोरदार तयारी सुरु आहे. मुंबई महापालिकेच्या दृष्टीने राज ठाकरे आणि उद्धव ठाकरे बंधू एकत्रित येण्याची शक्यता आहे. ठाकरे बंधूंची युती हा राज्याच्या राजकारणात चर्चेचा विषय ठरला आहे. राज ठाकरे केवळ उद्धव ठाकरेंसोबत युती करणार की त्यांचे सूर महाविकास आघाडीसोबत जुळणार याची देखील उत्सुकता लागली आहे. दरम्यान, एका मुद्द्यावर राज हे महाविकास आघाडीसोबत आले असून त्यांनी निवडणूक आयोगाला भेटलेल्या सर्वपक्षीय शिष्टमंडळाच्या बैठकीला उपस्थिती लावली आहे.
14 Oct 2025 03:55 PM (IST)
ऑक्टोबर महिना सुरू झाला आहे आणि सकाळी आणि संध्याकाळी थंड वारे वाहू लागले आहेत. घरांमध्ये आता एसीची जागा पंखे घेऊ लागले आहेत, म्हणजेच हिवाळा आला आहे. या ऋतूचा परिणाम केवळ मानवांवरच नाही तर तुमच्या कार आणि बाईकच्या इंजिनवरही होतो.
14 Oct 2025 03:48 PM (IST)
IND vs WI: दिल्लीतील अरुण जेटली स्टेडियमवर वेस्ट इंडिज आणि भारत यांच्यात दूसरा कसोटी सामना खेळला गेला. या सामन्यात भारताने वेस्ट इंडिजवर ७ विकेट्सने विजय मिळवला आहे. या विजयासह भारताने दोन सामन्यांची मलिका २-० अशी जिंकली.
14 Oct 2025 03:38 PM (IST)
कर्नाटकचे मंत्री प्रियांक खर्गे यांनी मुख्यमंत्री सिद्धरामय्या यांना पत्र लिहून राष्ट्रीय स्वयंसेवक संघाच्या (आरएसएस) शासकीय व मान्यताप्राप्त शाळांमधील तसेच सार्वजनिक ठिकाणी होणाऱ्या कार्यक्रमांवर बंदी घालण्याची मागणी केली आहे.
14 Oct 2025 03:30 PM (IST)
बॉलीवूडची फिटनेस आयकॉन मलायका अरोरा तिच्या स्टाईल, डान्स आणि सौंदर्याने नेहमीच चाहत्यांना प्रभावित करते. नुकताच तिने सोशल मीडियावर ‘पॉइजन बेबी’ या गाण्यावर केलेल्या डान्स व्हिडीओने प्रेक्षकांचे लक्ष वेधले आहे.
14 Oct 2025 03:18 PM (IST)
कॉम्रेड गोविंद पानसरे हत्या प्रकरणात मुंबई हायकोर्टाने मोठा निर्णय दिला आहे. कॉम्रेड गोविंद पानसरे हत्या प्रकरणात मुंबई हायकोर्टाच्या कोल्हापूर सर्किट बेंचने १२ आरोपींची सुटका केली आहे.
14 Oct 2025 03:07 PM (IST)
नाशिक शहरातून एक धक्कादायक घटना समोर आली आहे. भरदिवसा एका युवकावर धारदार शस्त्राने थरारक हल्ला करण्यात आला असून या घटनेमुळे परिसरात खळबळ उडाली आहे. ही घटना पंचवटीतील गजानन चौक परिसरातील कोमटी गल्लीत सोमवारी (दि. 13 ऑक्टोबर) दुपारी घडली आहे.
14 Oct 2025 03:02 PM (IST)
गेल्या काही वर्षांपासून केंद्र सरकारने नक्षलवाद्यांच्या विरोधात मोठी मोहीम सुरू केली आहे. केंद्रीय गृहमंत्री अमित शहा यांनी देखील एकतर सरेंडर करा नाही तर सुरक्षा दलांच्या गोळीचे शिकार व्हा असा इशारा नक्षलवाद्यांना दिला आहे. दरम्यान महाराष्ट्र सरकार देखील गडचिरोली भागात मोठ्या प्रमाणात विकासकार्य करत आहे. तसेच त्या ठिकाणी त्यांनी नक्षलवाद्यांचा बीमोड केला आहे. दरम्यान आता तब्बल ६१ नक्षलवाद्यांनी आत्मसमर्पण केले आहे.
14 Oct 2025 02:55 PM (IST)
सेंट्रल बँक ऑफ इंडिया (Central Bank of India) ने फॅकल्टी, ऑफिस असिस्टंट, अटेंडंट आणि वॉचमन-कम-गार्डनर या पदांसाठी अर्ज मागवले आहेत. या भरतीसाठी उमेदवारांना centralbank.bank.in या बँकेच्या अधिकृत संकेतस्थळावरून अर्ज करावा लागेल. अर्जाची शेवटची तारीख 18 ऑक्टोबर 2025 आहे. ही भरती सेंट्रल बँक ऑफ इंडिया सोशल अपलिफ्टमेंट अँड ट्रेनिंग इन्स्टिट्यूट (CBI-SUAPS) अंतर्गत केली जात आहे.
14 Oct 2025 02:50 PM (IST)
रिअॅलिटी शो ‘राइज अॅन्ड फॉल’ आता अंतिम टप्प्यात पोहोचला आहे आणि फिनालेच्या अगदी आधीच प्रेक्षकांना आणि स्पर्धकांना एक धक्का बसला आहे. शोमध्ये एकाच वेळी दोन लोकप्रिय स्पर्धकांची एक्झिट झाली असून, कीकू शारदा आणि आदित्य नारायण यांना शोमधून बाहेरचा रस्ता दाखवण्यात आला आहे. गेल्या एपिसोडमध्ये एलिमिनेशनसाठी कीकू शारदा, आदित्य नारायण, आकृती नेगी आणि नयनदीप रक्षित हे नॉमिनेट झाले होते.
14 Oct 2025 02:45 PM (IST)
भारत आणि वेस्ट इंडिज यांच्यात दोन सामन्यांची कसोटी मालिका खेळली गेली. या मालिकेतील दुसरा सामना भारतीय संघाने आपल्या खिशात टाकला. दिल्लीतील अरुण जेटली स्टेडियमवर खेळल्या गेलेल्या दुसऱ्या सामन्यात भारतीय संघाने वेस्ट इंडिजचा ७ विकेट्सने धूळ चारली. दोन सामन्यांच्या कसोटी मालिकेत भारताने वेस्ट इंडिजचा २-० असा पराभव करून मलिका जिंकली.
14 Oct 2025 02:40 PM (IST)
कधीकाळी तालिबान सत्तेत आल्यावर पाकिस्तानच्या रस्त्यांवर मिठाई वाटली जात होती. आज तोच तालिबान पाकिस्तानचा सर्वात मोठा शत्रू बनला आहे. एकेकाळी ‘इस्लामी भावंड’ म्हणून ओळखले जाणारे दोन्ही देश आता एकमेकांचा नाश करण्यावर उतरले आहेत.2025 च्या ऑक्टोबरमध्ये अफगाणिस्तान आणि पाकिस्तान यांच्या सीमेवर झालेली चकमक आता पूर्ण युद्धात परिवर्तित होत आहे. पाकिस्तानने खोस्त आणि जलालाबाद परिसरात हवाई हल्ले केले, तर तालिबानने प्रत्युत्तरादाखल पाकिस्तानी चौक्यांवर हल्ले चढवले. दोन्ही देशांचे सैनिक मारले जात आहेत, आणि सीमारेषा ‘बारूदाच्या रेषा’ बनल्या आहेत.
14 Oct 2025 02:35 PM (IST)
दिल्ली कसोटीतील विजयासह, भारतीय संघाने वेस्ट इंडिजविरुद्धची मालिका २-० ने जिंकली आहे. या विजयासह, भारतीय संघाने जवळजवळ एक वर्षानंतर कसोटी मालिका जिंकली आहे. प्रभावी मालिका विजयानंतरही, भारतीय संघाचे मुख्य प्रशिक्षक गौतम गंभीर खूप संतापले. त्यांनी पत्रकार परिषदेदरम्यान माध्यमांवर टीका केली. ऑस्ट्रेलिया दौऱ्यासाठी संघ निवडीनंतर, माध्यमे आणि चाहते हर्षित राणाच्या जागेबद्दल गंभीर प्रश्न उपस्थित करत आहेत.
14 Oct 2025 02:30 PM (IST)
बिहार: बिहारमधून एक धक्कादायक घटना समोर आली आहे. नालंदा जिल्ह्यातील राजगीर पोलीस ठाण्याच्या हद्दीत कार्यरत असलेले एएसआय सुमन तिर्की यांनी मंगळवारी (दि. 14) सकाळी स्वतःवर गोळी झाडून आत्महत्या केली असल्याची माहिती समोर आली आहे. या घटनेमुळे संपूर्ण जिल्ह्यात खळबळ उडाली असून, पोलिस दल आणि स्थानिक नागरिकांमध्ये शोककळा पसरली आहे. घटनेची माहिती मिळताच पोलीस तातडीने घटनास्थळी दाखल झाले आहेत.
14 Oct 2025 02:25 PM (IST)
दिवाळी आणि धनत्रयोदशीचा उत्साह सुरू झाला आहे. कपडे, मिठाई, भेटवस्तू आणि सजावटीच्या वस्तूंची खरेदीही सुरू झाली आहे. धनत्रयोदशीसून हा सण सुरू होतो. या दिवशी लोक नवीन वस्तू खरेदी करतात किंवा गुंतवणूक सुरू करतात. जर तुम्हाला या धनतेरसला काय खरेदी करायचे किंवा कुठे गुंतवणूक करायची असा प्रश्न पडत असेल, तर आज आम्ही तुमच्यासाठी धनतेरसला गुंतवणूक सुरू करण्यासाठी काही पर्याय घेऊन आलो आहोत.
14 Oct 2025 02:20 PM (IST)
सध्या राज्यात स्थानिक स्वराज्य संस्थांच्या निवडणुकांची तयारी सुरू झाली आहे. महाविकास आघाडी आणि महायुतीमधील सर्व पक्षांनी निवडणुकीच्या तयारीला सुरुवात केली आहे. आगामी काळात होणाऱ्या स्थानिक स्वराज्य संस्थांच्या निवडणुकांचे बिगुल वाजले आहे. दरम्यान भाजपने देखील कंबर कसली आहे. स्थानिक स्वराज्य संस्थांच्या निवडणुकांसाठी स्वतः मुख्यमंत्री फडणवीस यांनी बैठकांचे सत्र सुरू केले आहे. त्यातच पुण्यातील दौऱ्यात भिडे गुरुजी यांनी मुख्यमंत्री फडणवीस यांची भेट घेतली आहे.
14 Oct 2025 02:12 PM (IST)
सध्या राज्यात स्थानिक स्वराज्य संस्थांच्या निवडणुकांची तयारी सुरू झाली आहे. महाविकास आघाडी आणि महायुतीमधील सर्व पक्षांनी निवडणुकीच्या तयारीला सुरुवात केली आहे. आगामी काळात होणाऱ्या स्थानिक स्वराज्य संस्थांच्या निवडणुकांचे बिगुल वाजले आहे. दरम्यान भाजपने देखील कंबर कसली आहे. स्थानिक स्वराज्य संस्थांच्या निवडणुकांसाठी स्वतः मुख्यमंत्री फडणवीस यांनी बैठकांचे सत्र सुरू केले आहे. त्यातच पुण्यातील दौऱ्यात भिडे गुरुजी यांनी मुख्यमंत्री फडणवीस यांची भेट घेतली आहे.
14 Oct 2025 02:11 PM (IST)
स्मार्टफोन कंपनीने विवोने चीनमध्ये Vivo X300 सीरीज लाँच केली आहे. या स्मार्टफोनसोबतच कंपनीने हलके, दमदार आणि स्टायलिश असे Vivo TWS 5 ईअरबड्स देखील लाँच केले आहेत. या दोन गॅझेट्ससोबतच कंपनीने आणखी एक नवीन गॅझेट लाँच केलं आहे. हे गॅझेट म्हणजे नवं स्मार्टवॉच. कंपनीने चीनमध्ये स्मार्टफोन आणि ईअरबड्ससोबत नवीन स्मार्टवॉच देखील चीनमध्ये लाँच केलं आहे. हे नवीन स्मार्टवॉच Watch GT 2 या नावाने लाँच करण्यात आलं आहे.
14 Oct 2025 01:55 PM (IST)
सलमान खानने आयोजित केलेल्या रिअॅलिटी शोच्या १९ व्या सीझनला सुरुवात होऊन जवळजवळ सात आठवडे उलटले आहेत आणि गेल्या “वीकेंड का वार” मध्ये, मतांच्या अभावामुळे झीशान कादरीला घरातून बाहेर काढण्यात आले. “गँग्स ऑफ वासेपूर” सारखे चित्रपट लिहिणारे झीशान कादरी यांना घराचा मास्टरमाइंड म्हटले जात होते, परंतु राजकारणात घालवणे आणि खेळाचा आदर न करणे हे कदाचित त्याला महागात पडले असेल. घरात, झीशान तान्या, नीलम, शाहबाज, अमाल आणि अलीकडेच मालती चहर यांच्या जवळीक साधत होता. आता, घराबाहेर पडल्यानंतर, त्याने एका मुलाखतीत लोकप्रिय स्पर्धक तान्या मित्तलबद्दल उघडपणे बोलले आहे.
14 Oct 2025 01:50 PM (IST)
उत्तर प्रदेशात आयकर विभागाकडून मोठी कारवाई करण्यात आली. आयकर विभागाने संभल जिल्ह्यात मांस व्यापाऱ्यांच्या विविध ठिकाणी एकाच वेळी छापेमारीची कारवाई केली. आयकर विभागाची चार पथके या कारवाईत सहभागी झाली होती. छापे टाकण्यासाठी 100 हून अधिक अधिकारी आणि कर्मचारी 70 हून अधिक गाड्यांमध्ये आले.
14 Oct 2025 01:45 PM (IST)
गेल्या काही महिन्यांपासून मुख्यमंत्री देवेंद्र फडणवीस यांच्या सरकारकडून माजी मुख्यमंत्री एकनाथ शिंदे यांच्या कार्यकाळातील काही निर्णय रद्द केले जात आहेत. त्यामुळे देवेंद्र फडणवीस आणि एकनाथ शिंदेंनमधील नाराजीच्या चर्चा राजकीय वर्तुळात जोरदारपणे सुरू आहेत. असे असतानाच देवेंद्र फडणीसांनी एकनाथ शिंदे यांचा आणखी एक निर्णय रद्द केला आहे. त्यामुळे दोघांमध्ये पुन्हा नव्या वादाची ठिणगी पडण्याची शक्यता निर्माण झाली आहे.
14 Oct 2025 01:35 PM (IST)
पंढरपूर-आळंदी ते देहू या पालखी मार्गाचे गेल्या अनेक वर्षांपासून काम चालू आहे. मात्र, वाखरी ते पंढरपूर या अंतरामध्ये गेल्या दोन वर्षांपासून काम रखडले असल्याचे दिसून येत आहे. या रस्त्यावर पुणे-सातारा-मुंबई आणि अन्य ठिकाणी जाण्यासाठी वाहनांची गर्दी असते. मात्र, गेल्या दोन वर्षापासून वाखरी ते पंढरपूर या अंतरातील काम संथ गतीने चालू असल्यामुळे नागरिकांमधून नाराजी व्यक्त केली जात आहे.
14 Oct 2025 01:31 PM (IST)
सध्या सगळीकडे दिवाळीचा उत्साह पाहायला मिळत आहे. बाजरपेठा सजल्या आहेत. नवीन कपडे, आकाशकंदील घेण्यासाठी, पणत्या खरेदी करण्यासाठी बाजारपेठ फुलली आहे. नागरिकांची गर्दी बाजारात पाहायला मिळत आहे. दरम्यान बाहेरगावी राहणारे सुट्टी घेऊन घरी जाण्यासाठी आतुर आहेत. दरम्यान अशीच एक बातमी समोर आली आहे. एका कंपनीने आपल्या कर्मचाऱ्यांना दिवाळीची सुट्टी जाहीर केली आहे.
14 Oct 2025 01:25 PM (IST)
इस्त्रालय विरुद्ध हमासमधील विध्यंवस युद्ध थांबवण्यासाठी आंतरराष्ट्रीय स्तरावर जोरदार प्रयत्न सुरु आहेत. याच पार्श्वभूमीवर गाझा युद्धबंदी करार करण्यात आला आहे. सोमवार, १३ ऑक्टोबर २०२५ रोजी इजिप्तमधील अल-शेख रिसॉर्ट येथे गाझा युद्ध संपवण्यासाठी आंतरराष्ट्रीय शांतता परिषद आयोजित करण्यात आली होती. या परिषदेची संपूर्ण विश्वामद्ये जोरदार चर्चा झाली. मात्र ईटलीच्या पंतप्रधान जॉर्जिया मेलोनी या जोरदार चर्चेत आल्या आहेत.
14 Oct 2025 01:15 PM (IST)
अकलूज येथील माने पाटील परिवार हा मूळचा म्हसवड येथील असून माण तालुक्याशी त्यांची नाळ घट्ट आहे. आपल्या उद्योग व्यवसायाशी प्रामाणिक असणारे सुजयसिंह माने पाटील माळशिरस तालुक्यात भाजपासाठी देखील तितकेच प्रामाणिकपणे काम करीत आहेत. माळशिरस तालुक्यात माजी आमदार राम सातपुते यांच्या नेतृत्वाखाली आगामी काळात निवडणुका लढविल्या जातील, असे संकेत ग्रामविकास मंत्री तथा सोलापूर जिल्ह्याचे पालकमंत्री जयकुमार गोरे यांनी दिले.
14 Oct 2025 01:07 PM (IST)
भारत – वेस्ट इंडिज यांच्यामध्ये दोन सामन्यांची मालिका पार पडली या मालिकेमध्ये भारताच्या संघाने दोन्ही सामन्यांमध्ये विजय मिळवून मालिका जिंकली आहे. अनेक वर्षांपूर्वी, एमएस धोनीने भारतीय संघात एक परंपरा सुरू केली होती जिथे, मालिका जिंकल्यानंतर, तो संघाच्या नवीन खेळाडूला ट्रॉफी देत असे, खेळाडूने पदार्पण केले असो वा नसो. ही परंपरा विराट कोहलीपासून रोहित शर्मा ते सूर्यकुमार यादव आणि हार्दिक पंड्या अशा सलग कर्णधारांनी पुढे नेली आहे. तथापि, वेस्ट इंडिजविरुद्धच्या मालिकेत काहीतरी वेगळेच दिसून आले. चाहत्यांनी असा अंदाज लावण्यास सुरुवात केली की शुभमन गिलने एमएस धोनीची परंपरा मोडली आहे.
14 Oct 2025 12:54 PM (IST)
शेतकऱ्यांची सरसकट कर्जमाफी आणि सरसकट पंचनामे करावे, यासह मागणीसाठी सांगलीच्या तासगावमध्ये राष्ट्रवादी अजित पवार गटाचे नेते व माजी खासदार संजयकाका पाटील यांच्या नेतृत्वाखाली चक्काजाम आंदोलन करण्यात आले. तातडीने कर्जमाफी करावी आणि सरसकट पंचनामे करत, शेतकऱ्यांची वसुली थांबवावी, या मागणीसाठी राज्यव्यापी लढा उभारण्याचा इशारा दिला.
14 Oct 2025 12:45 PM (IST)
कुख्यात गुंड नीलेश घायवळने जबरदस्तीने एका व्यक्तीच्या आधारकार्डचा गैरवापर करून त्यांच्या नावावर मोबाईल सिमकार्ड घेतले. तसेच, वेगवेगळ्या बँकांमध्ये खाती उघडून मोठ्या प्रमाणावर आर्थिक व्यवहार केल्याचे पोलिस तपासात समोर आले आहे. या प्रकरणी संबंधित व्यक्तीने फिर्याद दिली आहे. त्यानुसार कोथरूड पोलिस ठाण्यात घायवळ विरोधात गुन्हा दाखल करण्यात आला आहे.
14 Oct 2025 12:35 PM (IST)
राज्यातील सर्व तलाठ्यांना आठवड्यातील चार दिवस कार्यालयात आणि एक दिवस मंडल अधिकाऱ्यांच्या कार्यालयात उपस्थित राहून काम करणे बंधनकारक आहे. नागरिकांची कामे जलद गतीने व्हावीत, तसेच सरकारच्या योजना पोहोचण्यासाठी हा निर्णय राज्य सरकारने घेतला आहे.
14 Oct 2025 12:25 PM (IST)
महापालिका निवडणुकीच्या तोंडावर अकोला येथे वंचित बहुजन आघाडीला मोठा झटका बसला आहे. पक्षाचे महापालिकेत 2012 आणि 2017 असे सलग दोनदा नगरसेवक असलेल्या बबलू जगताप यांनी भाजपमध्ये प्रवेश केला आहे. अमरावती येथे मुख्यमंत्री देवेंद्र फडणवीस, प्रदेशाध्यक्ष रविंद्र चव्हाण, महसूलमंत्री चंद्रशेखर बावनकुळे यांच्या प्रमुख उपस्थितीत भाजपच्या विभागीय मेळाव्यात हा प्रवेश झाला.
14 Oct 2025 12:15 PM (IST)
उपमुख्यमंत्री एकनाथ शिंदे आज दुपारी त्यांच्या साताऱ्यातील दरे गावी येणार आहेत. शिंदे हे उद्या साताऱ्यातील स्वर्गीय यशवंतराव चव्हाण बहुउद्देशीय सभागृहात जिल्ह्यातील कार्यकर्त्यांच्या मेळाव्याला ते उपस्थित राहणार आहेत. त्यानंतर होऊ घातलेल्या स्थानिक स्वराज्य संस्थांच्या निवडणुकीबाबत प्रमुख कार्यकर्त्यांसोबत त्यांची बैठक देखील होणार आहे. त्यानंतर ते पुन्हा संध्याकाळी त्याचा दरे गावी मुक्कामी जाणार आहेत.
14 Oct 2025 12:10 PM (IST)
सोलापूर महानगरपालिकेची अंतिम प्रभाग रचना जाहीर झाली आहे. 26 प्रभाग निश्चित करण्यात आले आहे. एकूण 102 नगरसेवकांची निवडून येणार आहे. 24 प्रभागांमधून 4 नगरसेवक,इतर 2 प्रभागांमधून 3 नगरसेवक निवडले जाणार आहेत. प्रारूप रचनेवर आलेल्या हरकती आणि सूचनांवर सुनावणी करण्यात आली आहे. 8 हरकती मान्य करण्यात आल्या असून 10 प्रभागांमध्ये फेरफार करण्यात आले आहे.
14 Oct 2025 12:02 PM (IST)
राष्ट्रवादी काँग्रेसचे ज्येष्ठ नेते छगन भुजबळ यांनी मुख्य निवडणूक आयोग चोक्कलिंगम यांची भेट घेतली. या भेटीचे कारण अद्याप समजू शकले नाही. महाविकास आघाडी आणि मनसेचे शिष्टमंडळ आज निवडणूक आयोगाची भेट घेणार आहे.
14 Oct 2025 12:00 PM (IST)
कोकणात एक मोठा आणि ऐतिहासिक निर्णय घेण्यात आला आहे. सिंधुदुर्ग जिल्ह्यात वाड्या आणि रस्त्यांची जातीवाचक नावे बदलण्याबाबतचा मोठा निर्णय घेण्यात आला असून आता या रस्त्यांना महापुरुष आणि लोकशाही मूल्यांशी संबंधित नवी नावे देण्यात आली आहे. रस्त्यांची जातीवाचक नावं बदलणारा सिंधुदुर्ग हा महाराष्ट्रातील पहिला जिल्हा ठरला आहे. सिंधुदुर्गमधील एकूण 192 वस्त्या तसेच 25 रस्त्यांची नावे बदण्यात आली आहेत. पालकमंत्री नितेश राणे यांच्या आदेशानंतर जिल्हाधिकारी तृप्ती धोडमिसे यांनी हा महत्वपूर्ण निर्णय घेतला आहे.
