Maharashtra Breaking News
13 Oct 2025 11:50 AM (IST)
संपूर्ण देशामध्ये अनेक मुलांचा मृत्यू करणाऱ्या कोल्ड्रिफ कफ सिरप मृत्यू झाला. या प्रकरणाच्या संदर्भात कांचीपुरम जिल्ह्यातील सुंगुवरचत्रम येथील श्रीसन फार्मा येथे ईडीने छापा टाकला आहे.
#WATCH | Tamil Nadu: ED raid underway at Sreesan Pharma in Sunguvarchatram, Kancheepuram district, in connection with the case of Coldrif cough syrup, which caused the death of several children. pic.twitter.com/8s24FgOcSA
— ANI (@ANI) October 13, 2025
13 Oct 2025 11:40 AM (IST)
उत्तर प्रदेशमधील नोएडा येथील अन्न सुरक्षा विभागाने ५५० किलो चीज नष्ट केले आहे. या बनावट चीजचा वास खूप वाईट होता. अशा चीजचा पुरवठा दररोज एनसीआरला केला जात असे. सध्या सणासुदीचे दिवस असल्यामुळे अन्न व सुरक्षा विभाग सतर्क झाला असून बनावट खाद्यपदार्थांपासून सुरक्षित राहण्याचे आवाहन केले जात आहे.
यूपी– नोएडा में फूड सेफ्टी विभाग ने 550 KG पनीर नष्ट कराया, इससे बदबू आ रही थी। ऐसा पनीर रोजाना NCR में सप्लाई होता था। pic.twitter.com/obbp25rQDt
— Sachin Gupta (@SachinGuptaUP) October 12, 2025
13 Oct 2025 11:25 AM (IST)
बॉलिवूडमध्ये दिवाळीपूर्वीच्या पार्ट्या सुरू झाल्या आहेत. प्रसिद्ध फॅशन डिझायनर मनीष मल्होत्राने काल दिवाळी पार्टीचे आयोजन केले होते, ज्यामध्ये अनेक बी-टाउन सेलिब्रिटी आकर्षक लूकमध्ये दिसले. बॉलिवूडमधील नवीन रोमँटिक कपल, तारा सुतारिया आणि वीर पहाडिया यांनी सर्वांचे लक्ष वेधून घेतले. त्यांचा व्हिडिओ सोशल मीडियावर व्हायरल होत आहे.
13 Oct 2025 11:20 AM (IST)
बिहारमध्ये अनेक दिवसांच्या चर्चे आणि विचारविनिमयानंतर, एनडीएने रविवारी (१२ ऑक्टोबर २०२५) जागावाटपाचा फॉर्म्युला जाहीर केला, तर विरोधी महाआघाडी अद्याप अनिर्णित आहे. नितीश कुमार यांचा पक्ष, जेडीयू आणि भाजप प्रत्येकी १०१ जागा लढवतील, तर ४० जागा चिराग पासवान, जीतन राम मांझी आणि उपेंद्र कुशवाह यांच्यासाठी राखीव ठेवण्यात आल्या आहेत. एनडीएचा भाग असलेले जेडीयू आणि भाजप समान संख्येने जागा लढवण्याची ही पहिलीच वेळ आहे. नामांकनाच्या पहिल्या टप्प्याच्या अंतिम मुदतीपूर्वी एक आठवड्यापेक्षा कमी वेळ शिल्लक असताना एनडीएमधील जागावाटपाची घोषणा करण्यात आली आहे.
13 Oct 2025 11:12 AM (IST)
मूळच्या भारतीय नसून भारताच्या समाजासाठी पूर्ण जीवन समाजकार्य करणाऱ्या भगिनी निवेदिता यांची आज पुण्यतिथी. भगिनी निवेदिता यांचे मूळ नाव मार्गारेट नोबल असे होते. या स्वामी विवेकानंदांच्या आयरिश शिष्या होत्या, ज्यांनी शिक्षण, समाजसेवा आणि भारतीय संस्कृतीच्या प्रचारासाठी आपले जीवन समर्पित केले. त्यांनी कोलकाता येथे मुलींसाठी शाळा उघडली आणि भारतीय स्वातंत्र्य चळवळीमध्येही योगदान दिले. २५ मार्च १८९८ रोजी स्वामी विवेकानंदांनी त्यांना ब्रह्मचर्य व्रताची दीक्षा दिली आणि ‘निवेदिता’ हे नाव दिले, ज्याचा अर्थ “देवाला समर्पित” असा होतो. स्वामी विवेकानंद यांच्या निधनानंतर त्या श्री अरबिंदो यांच्या संपर्कात आल्या आणि त्यांच्या सहकाऱ्यांपैकी एक बनल्या.
13 Oct 2025 11:10 AM (IST)
बिहारचे माजी मुख्यमंत्री आणि राष्ट्रीय जनता दलाचे अध्यक्ष लालू प्रसाद यादव यांच्यासाठी आजचा दिवस महत्त्वाचा मानला जात आहे. बिहार विधानसभा निवडणुकांच्या तोंडावर दिल्लीच्या विविध न्यायालयांमध्ये त्यांच्याविरुद्ध दाखल असलेल्या अनेक खटल्यांची सुनावणी आज (१३ ऑक्टोबर) होणार आहे. यापैकी काही प्रकरणांमध्ये त्यांना प्रत्यक्ष हजर राहावे लागणार आहे, तर काही प्रकरणांमध्ये त्यांच्या गैरहजेरीतही सुनावणी होऊ शकते.
13 Oct 2025 10:48 AM (IST)
सोनी मराठी वाहिनीवरील लोकप्रिय शो ‘महाराष्ट्राची हास्यजत्रा’ नेहमीच चर्चेत असते. या शोमधील अनेक व्यक्तिरेखा आजही प्रेक्षकांच्या मनात घर करून आहेत. त्यातील एक व्यक्तिरेखा म्हणजे ओंकार भोजने. ‘अगं अगं आई…’ असो किंवा ‘साइन कॉस थिटा’ ओंकारने अनेक भूमिकाकरून स्किट्समधून प्रेक्षकांचं मनोरंजन केलं आहे आणि त्यांच्या मनात घर केलं आहे. कोकण कोहिनूर ही ओळख त्याला हास्यजत्रेमुळे मिळाली. तसेच जेव्हा जेव्हा तो स्किट्समध्ये दिसला आहे तेव्हा ते गाजलं आहे.
13 Oct 2025 10:41 AM (IST)
भारतात जिओ, एअरटेल आणि व्हि या खाजगी टेलिकॉम कंपन्या आहेत. या कंपन्यांना टक्कर देण्यासाठी सरकारी टेलिकॉम कंपनी बीएसएनएल नेहमीच सज्ज असते. भारतातील स्मार्टफोन युजर्सची वाढती संख्या लक्षात घेता टेलिकॉम कंपन्या देखील आपले युजर्स वाढवण्यासाठी सतत प्रयत्न करत असतात. नवीन युजर्स आकर्षिक करण्यासाठी टेलिकॉम कंपन्या सतत नवीन रिचार्ज प्लॅन लाँच करत असतात. याशिवाय अनेक टेलिकॉम कंपन्या त्यांच्या युजर्ससाठी काही विशेष ऑफर्स देखील घेऊन येत असतात. यामुळे भारतातील टेलिकॉम कंपन्यांमध्ये सतत स्पर्धा सुरु असते. या स्पर्धेत 2025 मध्ये कोणत्या कंपनीने आघाडी घेतली आहे, जाणून घेऊ.
13 Oct 2025 10:33 AM (IST)
अफगाणिस्तानचा संघ हा बांग्लादेशविरुद्ध मालिका खेळत आहे. टी20 मध्ये बांग्लादेशने अफगाणिस्तानचा पराभव केला होता. तर एकदिवसीय मालिकेमध्ये बांग्लादेशला अफगाणिस्तानने पराभूत केले. पाकिस्तानने अफगाणिस्तानवर केलेल्या हवाई हल्ल्यानंतर, अफगाण सुरक्षा दलांनी ड्युरंड रेषेवर हल्ला केला आहे. तेथे गस्त सुरू आहे आणि अनेक पाकिस्तानी चौक्या ताब्यात घेतल्याच्या बातम्या येत आहेत. दरम्यान, अफगाणिस्तान क्रिकेट बोर्डाबाबत बातम्या येत आहेत.
13 Oct 2025 10:24 AM (IST)
सलमान खान आणि अरिजीत सिंग यांच्यातील भांडणाची चर्चा सर्वत्र पसरली होती आणि त्यांच्यात बोलणेही होत नव्हते. मिळालेल्या माहितीनुसार, सलमानच्या “बजरंगी भाईजान” आणि “सुल्तान” या चित्रपटांमधून गायकाची गाणी काढून टाकण्यात आली होती. २०१४ मध्ये सलमान खानने आयोजित केलेल्या एका पुरस्कार कार्यक्रमादरम्यान ही घटना घडली. त्याने विनोदाने अरिजीतला विचारले, “तू झोपला होता का?” अरिजीतने उत्तर दिले, “तुम्ही मला झोपवले,” ज्याला सलमानने अपमान म्हणून घेतले.
13 Oct 2025 10:17 AM (IST)
फ्री फायर मॅक्सने नेहमीप्रमाणे आज देखील त्यांच्या प्लेअर्ससाठी एक्सक्लुझिव्ह रिडीम कोड्स जारी केले आहेत. या कोड्सच्या मदतीने प्लेअर्स आकर्षक आणि उत्तम रिवॉर्ड्स जिंकू शकणार आहेत. पण यासाठी प्लेअर्सना कोड्स लवकरात लवकर रिडीम करावे लागणार आहे.
13 Oct 2025 10:06 AM (IST)
यशवंत को-ऑपरेटीव्ह बँकेत तब्बल ११२ कोटी १० लाख रुपयांचा आर्थिक घोटाळा झाल्याचे समोर आले असून, या प्रकरणाने सातारा जिल्ह्यात खळबळ उडाली आहे. या घोटाळ्याप्रकरणी शनिवारी रात्री कराड शहर पोलीस ठाण्यात ५० जणांवर गुन्हा दाखल करण्यात आला आहे. आरोप sheet मध्ये भाजप नेते आणि सहकार परिषदेचे माजी अध्यक्ष शेखर चरेगावकर, तसेच फलटणचे माजी आमदार दिवंगत कृष्णचंद्र भोईटे यांचा मुलगा नरेंद्र भोईटे यांची नावे समोर आली आहेत.
13 Oct 2025 09:59 AM (IST)
बिग बॉस १९ सुरू होऊन दीड महिना झाला आहे. या काळात प्रेक्षकांना त्यांचे आवडते स्पर्धक सापडले आहेत. सोशल मीडियावर दोन्ही गटांबद्दलच्या पोस्ट व्हायरल होत आहेत. काहींना अमालचा खेळ आवडतोय, तर काहींना अभिषेक बजाज आणि अशनूरची जोडी आवडली आहे. काही जण तान्या मित्तलच्या आलिशान जीवनशैलीचे कौतुक करत आहेत. त्याचबरोबर तिला सोशल मीडियावर ट्रोलही केले जात आहे. मात्र, या वीकेंड का वारमध्ये सलमान खानने तान्यासह अनेक स्पर्धकांना फटकारले. त्याने अनेकांना त्यांचा खेळ बदलण्याचा आणि योग्य मित्र निवडण्याचा सल्ला दिला. त्यामुळे या वीकेंड का वारनंतर स्पर्धकांचा खेळ बदलेल अशी अपेक्षा आहे.
13 Oct 2025 09:52 AM (IST)
अमेरिकेचे अध्यक्ष डोनाल्ड ट्रम्प यांनी चीनमधून आयात होणाऱ्या वस्तूंवर १००% अतिरिक्त कर लादण्याची घोषणा केली आहे. या घोषणेचा परिणाम शेअर बाजारावर होत असल्याचं पाहायला मिळत आहे. आज शेअर बाजारात सुरुवातीलाच घसरण होण्याची शक्यता आहे. जागतिक बाजारातील कमकुवत संकेत लक्षात घेता, आज सोमवारी भारतीय शेअर बाजारातील बेंचमार्क निर्देशांक, सेन्सेक्स आणि निफ्टी ५०, घसरणीसह उघडण्याची शक्यता आहे. गिफ्ट निफ्टीवरील ट्रेंड देखील भारतीय बेंचमार्क निर्देशांकासाठी गॅप-डाउन सुरुवात दर्शवितात. गिफ्ट निफ्टी २५,३२५ च्या आसपास व्यवहार करत होता, जो निफ्टी फ्युचर्सच्या मागील बंदपेक्षा जवळजवळ ८६ अंकांनी कमी होता.
13 Oct 2025 09:47 AM (IST)
भारताच्या महिला संघाच्या विश्वचषकामध्ये सलग दोन विजयानंतर आता सलग दोन पराभवांना सामोरे जावे लागले आहे. यामुळे भारतीय महिला संघाचे सेमी फायनलचे चान्स हे कमी होत चालले आहे. कालचा सामन्यांमध्ये भारतीय संघाची कामगिरी चांगली राहिली पण गोलंदाजांनी निराश केले. हरमनप्रीत कौरच्या नेतृत्वाखालील टीम इंडियाला आयसीसी महिला क्रिकेट विश्वचषकात सलग दुसऱ्या पराभवाचा सामना करावा लागला आहे. रविवार, १२ ऑक्टोबर रोजी ऑस्ट्रेलियाकडून ३ विकेट्सने पराभव पत्करल्यानंतर, भारताचा उपांत्य फेरीत पोहोचण्याचा मार्ग अधिक कठीण झाला आहे.
13 Oct 2025 09:46 AM (IST)
शहरातील कायदा-सुव्यवस्थेच्या मुद्द्यावरून आणि नागरिकांना भेडसावणाऱ्या समस्यांवर सत्ताधारी पक्षातील आमदारांवरच थेट टीका करणारे शिंदे सेनेचे नेते रवींद्र धंगेकर यांना उपमुख्यमंत्री एकनाथ शिंदे यांनी ‘शांततेत घ्या’ असे स्पष्ट निर्देश दिल्याची माहिती समोर आली आहे. त्यामुळे आतापर्यंत जोरात धावणाऱ्या धंगेकरांच्या वक्तव्यांच्या गाडीला आता काहीसा ब्रेक लागण्याची चिन्हे दिसत आहेत.
13 Oct 2025 09:40 AM (IST)
पुण्याजवळील खडकवासला येथे राष्ट्रीय संरक्षण अकादमी (NDA) मध्ये एका १८ वर्षीय कॅडेटचा संशयास्पद मृत्यू झाल्याचे समोर आले आहे. मृत्य झालेल्या तरुणाचे नाव पहिला टर्म कॅडेट अंत्रीक्ष कुमार सिंग असे असून तो मूळचा लखनऊ, उत्तर प्रदेश येथील रहिवासी आहे. त्याचा मृतदेह शुक्रवारी पहाटे हॉस्टेलमधील आपल्या खोलीत मृतावस्थेत आढळला. या घटनेनंतर मृत कॅडेटच्या कुटुंबीयांनी थेट रॅगिंगचा आरोप केला आहे. यामुळे या प्रकरणाला आता गंभीर वळण मिळाले आहे. ही घटना अतिशय गंभीर असून संपूर्ण राष्ट्रीय संरक्षण अकादमीमध्ये याचे पडसाद उमटले आहेत.
13 Oct 2025 09:35 AM (IST)
“कांतारा चॅप्टर १” चित्रपटाने आता जगभर मोठा इतिहास रचला आहे. त्याच्या बजेटपेक्षा कितीतरी पटीने जास्त कमाई करून, या चित्रपटाने केवळ हिट किंवा सुपरहिटच नाही तर ब्लॉकबस्टरचा किताब मिळवला आहे. ऋषभ शेट्टीचा चित्रपट आता त्याच्या दुसऱ्या आठवड्यात धुमाकूळ घालत आहे. दुसऱ्या शनिवारी चित्रपटाच्या कमाईत ७३.०३ टक्क्यांनी वाढ झालेली दिसून आली आहे. रविवारीच्या कमाईत आणखी वाढ झाली. चित्रपटाने केवळ ४०० कोटी बॉक्स ऑफिसवर यश मिळवले नाही तर कन्नड चित्रपटातील सर्वात मोठ्या ब्लॉकबस्टरच्या यादीतही स्थान मिळवले आहे.
13 Oct 2025 09:30 AM (IST)
भारतात 13 ऑक्टोबर रोजी 24 कॅरेट सोन्याच्या प्रति ग्रॅमचा दर 12,507 रुपये, 22 कॅरेट सोन्याच्या प्रति ग्रॅमचा दर 11,464 रुपये आणि 18 कॅरेट सोन्याच्या प्रति ग्रॅमचा दर 9,380 रुपये आहे. भारतात 12 ऑक्टोबर रोजी 24 कॅरेट सोन्याच्या प्रति ग्रॅमचा दर 12,508 रुपये, 22 कॅरेट सोन्याच्या प्रति ग्रॅमचा दर 11,465 रुपये आणि 18 कॅरेट सोन्याच्या प्रति ग्रॅमचा दर 9,381 रुपये होता. आज सोन्याच्या वाढत्या दरांना अखेर ब्रेक लागला आहे.
13 Oct 2025 09:24 AM (IST)
महिला एकदिवसीय विश्वचषकात रविवारी ऑस्ट्रेलियाने इतिहास रचला, एकदिवसीय इतिहासातील सर्वोच्च लक्ष्य गाठले. विशाखापट्टणममध्ये खेळल्या गेलेल्या सामन्यात भारताने ऑस्ट्रेलियासमोर ३३१ धावांचे लक्ष्य ठेवले होते, जे त्यांनी सात विकेट आणि एक षटक शिल्लक असताना पूर्ण केले. २०२४ मध्ये दक्षिण आफ्रिकेविरुद्ध ३०२ धावांचे लक्ष्य गाठून एकदिवसीय सामन्यात सर्वाधिक धावांचा पाठलाग करण्याचा विक्रम यापूर्वी श्रीलंकेच्या नावावर होता. ऑस्ट्रेलियाकडून कर्णधार एलिसा हिलीने १४२ धावांची स्फोटक खेळी करत आपला उत्तम फॉर्म कायम ठेवला, तर फोबी लिचफिल्ड (४०), एलिस पेरी (४७*) आणि अ‍ॅशले गार्डनर (४५) यांनी महत्त्वाचे योगदान दिले.
13 Oct 2025 09:15 AM (IST)
यशवंत को-ऑपरेटीव्ह बँकेत तब्बल ११२ कोटी १० लाख रुपयांचा आर्थिक घोटाळा झाल्याचे समोर आले असून, या प्रकरणाने सातारा जिल्ह्यात खळबळ उडाली आहे. या घोटाळ्याप्रकरणी शनिवारी रात्री कराड शहर पोलीस ठाण्यात ५० जणांवर गुन्हा दाखल करण्यात आला आहे. आरोप sheet मध्ये भाजप नेते आणि सहकार परिषदेचे माजी अध्यक्ष शेखर चरेगावकर, तसेच फलटणचे माजी आमदार दिवंगत कृष्णचंद्र भोईटे यांचा मुलगा नरेंद्र भोईटे यांची नावे समोर आली आहेत.
13 Oct 2025 09:13 AM (IST)
केंद्र सरकारच्या प्रधानमंत्री किसान सन्मान निधी (पीएम किसान) योजनेअंतर्गत देशभरातील शेतकऱ्यांना दरवर्षी तीन हप्त्यांमध्ये एकूण ६ हजार रुपयांची मदत दिली जाते. प्रत्येक हप्त्यात शेतकऱ्यांच्या खात्यात दोन हजार रुपये जमा केले जातात.आजपर्यंत या योजनेअंतर्गत २० हप्ते वितरित करण्यात आले असून, आता २१वा हप्ता लवकरच जारी होणार आहे. अद्याप केंद्र सरकारकडून या पुढील हप्त्याबाबत अधिकृत घोषणा झालेली नाही, मात्र ऑक्टोबर महिन्यात हा हप्ता जारी होण्याची शक्यता व्यक्त केली जात आहे. दरम्यान, योजनेच्या नियमानुसार काही शेतकऱ्यांना २१वा हप्ता मिळणार नाही. अपात्र ठरलेले, कागदपत्रांमध्ये त्रुटी असलेले किंवा ई-केवायसी प्रक्रिया पूर्ण न केलेले शेतकरी या हप्त्यापासून वंचित राहू शकतात. त्यामुळे शेतकऱ्यांनी लवकरात लवकर आवश्यक पडताळणी पूर्ण करावी, असे आवाहन कृषी विभागाकडून करण्यात आले आहे.
Marathi Breaking news live updates : पुण्याजवळील खडकवासला येथे राष्ट्रीय संरक्षण अकादमी (NDA) मध्ये एका १८ वर्षीय कॅडेटचा संशयास्पद मृत्यू झाल्याचे समोर आले आहे. मृत्य झालेल्या तरुणाचे नाव पहिला टर्म कॅडेट अंत्रीक्ष कुमार सिंग असे असून तो मूळचा लखनऊ, उत्तर प्रदेश येथील रहिवासी आहे. त्याचा मृतदेह शुक्रवारी पहाटे हॉस्टेलमधील आपल्या खोलीत मृतावस्थेत आढळला. या घटनेनंतर मृत कॅडेटच्या कुटुंबीयांनी थेट रॅगिंगचा आरोप केला आहे. यामुळे या प्रकरणाला आता गंभीर वळण मिळाले आहे. ही घटना अतिशय गंभीर असून संपूर्ण राष्ट्रीय संरक्षण अकादमीमध्ये याचे पडसाद उमटले आहेत.
