Marathi Breaking news live updates मराठा समाजाला ओबीसी कोट्यातून तसेच सगेसोयऱ्यांना आरक्षण मिळावे, या मागणीसाठी मनोज जरांगे पाटील यांनी शुक्रवारी मुंबईतील आझाद मैदानात आंदोलनाला सुरुवात केली. त्यांच्या सोबत हजारो मराठा बांधव उपस्थित होते. मात्र, मुंबईत कालपासून सुरू असलेल्या संततधार पावसामुळे आंदोलकांना मोठ्या अडचणींना सामोरे जावे लागत आहे.
काल रात्रीपासून दक्षिण मुंबईत मुसळधार पाऊस सुरू असून आझाद मैदानात सर्वत्र चिखल साचला आहे. अनेक ठिकाणी पाण्याचे डबके तयार झाले आहेत. मुंबई महापालिकेने शुक्रवारी मैदानातील खड्ड्यांवर खडी व वाळू टाकून दुरुस्ती केली होती. परंतु सततच्या पावसामुळे ती वाहून गेली असून मैदानात पुन्हा चिखलाचे साम्राज्य निर्माण झाले आहे. अशा परिस्थितीत आंदोलक आज दुसऱ्या दिवशी आंदोलन कसे सुरू ठेवणार, याबाबत प्रश्नचिन्ह निर्माण झाले आहे.
30 Aug 2025 04:55 PM (IST)
संरक्षण मंत्री राजनाथ सिंह यांनी शनिवारी सांगितले की, भारताने संरक्षण क्षेत्रात स्वावलंबी असणे खूप महत्वाचे आहे आणि यासाठी देश कोणत्याही परदेशी पुरवठ्यावर अवलंबून राहू शकत नाही. अमेरिकेचे अध्यक्ष डोनाल्ड ट्रम्प यांनी भारतीय आयातीवर लादलेल्या ५० टक्के शुल्काचा संदर्भ देत सिंग म्हणाले की, कायमचा मित्र किंवा शत्रू नसतो. ते म्हणाले, ‘कोणीही कायमचा मित्र किंवा शत्रू नसतो, फक्त हितसंबंध कायम असतात. जागतिक स्तरावर, सध्या व्यापारासाठी युद्धासारखी परिस्थिती आहे.’ ते म्हणाले की, विकसित देश अधिकाधिक संरक्षणवादी होत आहेत, परंतु भारत आपल्या राष्ट्रीय हितांशी तडजोड करणार नाही.
30 Aug 2025 04:50 PM (IST)
मोखाडा त्र्यंबकेश्वर मार्गांवर निळमाती ते चिंचूतारा दरम्यान रस्त्यावर भला मोठा खड्डा पडलेला आहे. सदर खड्ड्याचा व्यास इतका मोठा आहे की त्याने संपूर्ण रस्ताच काबीज केलेला आहे. रस्त्याच्या दोन्ही बाजूला साईडपट्टीला जागाच नाही त्यामुळे या मार्गांवरून धावणाऱ्या वाहणांना खड्ड्यातूनच वाट काढावी लागत आहे. सदर ठिकाणी अरुंद रस्ता असल्यामुळे वाहणांना अक्षरशः तारेवरची कसरत करावी लागत आहे. पर्यायाने येथे अपघात होऊन जीवित हानी होण्याची दाट शक्यता आहे. मात्र तरीही सार्वजनिक बांधकाम उपविभाग त्याकडे सोईस्करपने दुर्लक्ष करत आहे.
30 Aug 2025 04:45 PM (IST)
विधान परिषदेच्या उपसभापती शिवसेना नेत्या नीलम गोऱ्हे यांनी घेतले दगडूशेठ गणपतीचे दर्शन घेतले आहे.
30 Aug 2025 04:40 PM (IST)
पत्रकार परिषदेत बोलताना पियुष गोयल म्हणाले, “भारत नेहमीच मुक्त व्यापार करारासाठी तयार आहे, पण आम्ही दबावाखाली कधीही निर्णय घेणार नाही. भारत अमेरिकेच्या करापुढे झुकणार नाही, उलट आम्ही नवीन बाजारपेठा काबीज करून निर्यातीला नवसंजीवनी देऊ. या वर्षी २०२४-२५ च्या आकड्यापेक्षा भारताची निर्यात अधिक होईल, याची मला खात्री आहे. गोयल यांनी संकेत दिला की केंद्र सरकार लवकरच निर्यातदारांना दिलासा देणाऱ्या नव्या धोरणात्मक घोषणा करणार आहे. “आमचे उद्दिष्ट स्वदेशी उत्पादन वाढवणे, जागतिक बाजारात भारताची मजबूत छाप निर्माण करणे आणि कोणत्याही देशाच्या दबावाखाली न येता आत्मनिर्भरतेच्या दिशेने वाटचाल करणे आहे,” असेही ते म्हणाले.
30 Aug 2025 04:35 PM (IST)
नांदेड जिल्ह्यात झालेल्या अतिवृष्टीमुळे अनेक भागात पूरस्थिती निर्माण झाली आहे. या पार्श्वभूमीवर पालकमंत्री अतुल सावे यांनी पूरग्रस्त भागाची पाहणी करून प्रशासनाला तात्काळ पंचनामे करण्याचे निर्देश दिले आहेत.
30 Aug 2025 04:30 PM (IST)
कर्जत दिशेकडे असलेल्या नेरळ जंक्शन रेल्वे स्थानकात फलाट एक वर स्थानकाच्या मध्यभागी सरकता जिना बसविला जात आहे.या सरकत्या जिन्याचे काम अगदी कासवगतीने सुरू असून स्थानकात एकही सरकता जिना उपलब्ध नसल्याने वयोवृद्ध प्रवासी यांचे हाल होत आहेत.दरम्यान नेरळ स्थानकात फलाट एक वर मुंबई दिशेकडे उभारण्यात आलेला सरकता जिना लोकार्पणाच्या प्रतीक्षेत असून रेल्वे प्रशासन कोणाची वाट पाहत आहे असा सवाल नेरळ प्रवासी संघटना यांनी उपस्थित केला आहे.
30 Aug 2025 04:25 PM (IST)
नवी मुंबईतील वाशी एक्झिबिशन येथे थांबलेल्या मराठा आंदोलकांसाठी सकल मराठा संस्थेतर्फे रोज अन्नधान्याची व्यवस्था करण्यात आली आहे. आंदोलकांची गैरसोय होऊ नये म्हणून टेम्पोभरून भाज्या आणि धान्य पुरवठा करून जेवणाची सोय केली जात आहे.
30 Aug 2025 04:20 PM (IST)
बुलढाणा जिल्ह्यातील सर्वसामान्य रुग्णांना एमआरआय तपासणीसाठी दिलासा मिळावा या अनुषंगाने बुलढाणा जिल्हा सामान्य रुग्णालयामध्ये जिल्ह्यातील एकमेव एमआरआय मशीन उपलब्ध झाली आहे, जिल्हा सामान्य रुग्णालयात स्वतंत्र इमारतीमध्ये अत्याधुनिक टेक्नॉलॉजीने सुसज्ज अशी एमआरआय मशीन गेल्या दोन महिन्यापासून कार्यान्वित करण्यात आली आहे, मात्र केवळ तांत्रिक अडचणी सांगत शासकीय प्रक्रियेत या मशीनचे लोकार्पण अडकले आहे.. आजही तपासणीसाठी मशीन पूर्णपणे सज्ज आहे, मात्र लोकार्पण झाले नसल्याने दररोज पाच ते दहा रुग्ण परत जात आहेत, याचा मोठा आर्थिक फटका देखील रुग्णांना बसत आहे.
30 Aug 2025 04:12 PM (IST)
मराठा आरक्षण हा महायुतीचा निर्णय असून तो शरद पवारांचा नाही, असे स्पष्टीकरण राष्ट्रवादी काँग्रेस पक्षाचे प्रदेशाध्यक्ष शशिकांत शिंदे यांनी दिले. आरक्षणाबाबत कुठलेही दुमत नसून मराठा समाजाला नोकरी व शिक्षणात संधी मिळाली पाहिजे, अशी भूमिका त्यांनी मांडली. सरकारने चर्चेसाठी विरोधकांना बोलवावे, आंदोलन दडपण्याऐवजी संवादातून तोडगा काढावा, असेही ते म्हणाले.
30 Aug 2025 04:01 PM (IST)
सर्बियाचा दिग्गज टेनिसपटू नोवाक जोकोविचने आपल्या खराब फॉर्मवर मात करत जोरदार मुसंडी मारली आहे. नोवाक जोकोविच सध्या यूएस ओपन २०२५ स्पर्धेत खेळत आहे. या दरम्यान, त्याने स्पर्धेच्या चौथ्या फेरीत धडक मारली आहे. या स्पर्धेत त्याने बिगर मानांकित ब्रिटिश खेळाडू कॅमेरॉन नारीचा ६-४, ६-७ (४), ६-२, ६-३ असा पराभव करून चौथ्या फेरीत दिमाखात प्रवेश केला आहे. या विजयासह नोवाक जोकोविचने टेनिसच्या जगात अजून एक मोठा भीम पराक्रम केला आहे. आता ३८ वर्षीय जोकोविच यूएस ओपनच्या शेवटच्या १६ मध्ये पोहोचणारा सर्वात वयस्कर खेळाडू ठरला आहे. यापूर्वी हा विक्रम जिमी कार्नेसच्या नावावर जमा होता. त्याने १९९१ मध्ये ही किमया साधली होती. जोकोविचने त्याचा १०२ वा विजय साकार केला आहे. तसेच त्याने प्रमुख स्पर्धांमध्ये सर्वाधिक हार्डकोर्ट विजयांसाठी रॉजर फेडररला देखील पिछाडीवर टाकले आहे. चार वेळा यूएस ओपन चॅम्पियन असणाऱ्या नोरीविरुद्धच्या त्याच्या प्रभावी रेकॉर्डला ७-० यापर्यंत पोहचवले.
वाचा सविस्तर
30 Aug 2025 03:50 PM (IST)
मोखाडा त्र्यंबकेश्वर मार्गांवर निळमाती ते चिंचूतारा दरम्यान रस्त्यावर भला मोठा खड्डा पडलेला आहे. सदर खड्ड्याचा व्यास इतका मोठा आहे की त्याने संपूर्ण रस्ताच काबीज केलेला आहे. रस्त्याच्या दोन्ही बाजूला साईडपट्टीला जागाच नाही त्यामुळे या मार्गांवरून धावणाऱ्या वाहणांना खड्ड्यातूनच वाट काढावी लागत आहे. सदर ठिकाणी अरुंद रस्ता असल्यामुळे वाहणांना अक्षरशः तारेवरची कसरत करावी लागत आहे. पर्यायाने येथे अपघात होऊन जीवित हानी होण्याची दाट शक्यता आहे. मात्र तरीही सार्वजनिक बांधकाम उपविभाग त्याकडे सोईस्करपने दुर्लक्ष करत आहे.
30 Aug 2025 03:40 PM (IST)
दिवसेंदिवस शहरात अंमली पदार्थांची तस्करी मोठ्या प्रमाणात होत आहे. काही दिवसांपूर्वीच गांजा, मेफेड्रोन, कोकेन, चरसनंतर आता पुन्हा एकदा अंमली पदार्थांची विक्री करण्याविरोधात पोलीसांनी मोठी कारवाई केली आहे. ठाण्यात हायब्रीड गांजाची तस्करी सुरु असल्याचा पर्दाफाश गुन्हे शाखेच्या अमली पदार्थ विरोधी पथकाने केला आहे. या अंमली पदार्थांची तस्करी करणाऱ्या आरोपीला पोलीसांनी ताब्यात घेतलं असून सुमित कुमावत (21) असे या तस्कराचे नाव असून तो मूळचा राजस्थानच्या जैसलमेरमधील रहिवासी आहे. त्याच्याकडून पोलिसांनी दोन कोटी 37 लाख 40 हजार रुपये किमतीचा दोन किलो 374 ग्राम विड्स म्हणजेच हायब्रीड गांजा जप्त केला आहे. या कारवाईमुळे सिंडिकेट चालवणाऱ्यांचे कंबरडे मोडले आहे.
30 Aug 2025 03:34 PM (IST)
‘कौन बनेगा करोडपती’ अर्थात केबीसी हा शो प्रेक्षकांच्या चांगलाच पसंतीस उतरला आहे. या शोमधून जिंकून अनेक लोक लखपती-करोडपती होत आहेत. पण, अशाच प्रकारे करोडपती झालेल्या आदित्य कुमार यांना मात्र याचा फटका बसल्याचे सांगण्यात आले आहे. केंद्रीय औद्योगिक सुरक्षा दलात (CISF) डेप्युटी कमांडंट असलेले आदित्य कुमार यांची गुजरातहून बांदीपोरा येथे बदली करण्यात आली.
30 Aug 2025 03:09 PM (IST)
जम्मू आणि काश्मीरच्या गुरेझ सेक्टरमध्ये सुरक्षा दलांना मोठे यश मिळाले आहे. दहशतवादी संघटनांमध्ये ‘ह्यूमन जीपीएस’ म्हणून ओळखल्या जाणाऱ्या बागू खान उर्फ ’समंदर चाचा’ एका चकमकीत ठार झाला. १९९५ पासून पीओकेमध्ये सक्रिय असलेल्या समंदर चाचाने आतापर्यंत १०० हून अधिक घुसखोरी केल्या होत्या. त्याच्या मृत्यूमुळे दहशतवादी नेटवर्कला मोठा धक्का बसला आहे. मिळालेल्या माहितीनुसार, समंदर चाचासोबत आणखी एक पाकिस्तानी घुसखोरही मारला गेला आहे.
30 Aug 2025 02:50 PM (IST)
साऊथ इंडस्ट्रीचा सुपरस्टार अल्लू अर्जुनच्या घरी शोककळा पसरली आहे. अभिनेत्याची आजी आणि तेलुगू इंडस्ट्रीचे दिग्गज अल्लू रामलिंगैया यांच्या पत्नी अल्लू कनक रत्नम यांचे निधन झाले आहे. अल्लू कनक रत्नम यांनी वयाच्या 94 व्या वर्षी अखेरचा श्वास घेतला. अभिनेत्याच्या आजीच्या निधनामुळे कुटुंबाला धक्का बसला आहे.
30 Aug 2025 02:13 PM (IST)
देशातील आघाडीच्या वाहन उत्पादकांपैकी एक असलेली टाटा मोटर्स अनेक सेगमेंटमध्ये वाहनं ऑफर करते. टाटाने अलीकडेच कमर्शियल व्हेईकल सेगमेंटमध्ये Tata Winger Plus लाँच केली आहे.पर्यटक आणि कर्मचाऱ्यांची वाहतूक आरामदायी व्हावी यासाठी कंपनीने हे वाहनं लाँच केले आहे. हे वाहन मोनोकोक चेसिसवर बनवले आहे जे त्याला उत्तम सुरक्षा आणि स्थिरता देते. Tata Winger Plus ची भारतातील एक्स-शोरूम किंमत 20.60 लाख रुपये ठेवण्यात आली आहे.
30 Aug 2025 01:55 PM (IST)
अमेरिकेचे राष्ट्राध्यक्ष डोनाल्ड ट्रम्प यांच्या कठोर टॅरिफ धोरणामुळे जागतिक राजकारणात नवे समीकरण तयार होत आहेत. भारतावर 50 टक्के कर लादल्यापासून या भू-राजनैतिक पटावर एकाच वेळी दोन वेगवेगळे गट निर्माण होऊ लागले आहेत. एकीकडे रशिया–भारत–चीन या त्रिकुटाचा प्रभाव दिसतोय, तर दुसरीकडे भारत, जपान आणि ऑस्ट्रेलिया अशी स्वतंत्र युती तयार होण्याची चिन्हे आहेत. या नव्या घडामोडी इंडो-पॅसिफिक प्रदेशातील सुरक्षेसाठी महत्त्वपूर्ण ठरण्याची शक्यता तज्ज्ञ वर्तुळात वर्तवली जात आहे.
30 Aug 2025 01:50 PM (IST)
गोकुळ दूध संघाने स्थापनेपासून नेहमीच दूध उत्पादकांच्या हिताचे धोरण अवलंबले असून, त्यांचा विश्वास जपणे हेच आपले ध्येय राहिले आहे. दूध उत्पादकांच्या श्रमाला योग्य मोबदला मिळावा, दूध उत्पादकांना प्रोत्साहन मिळावे दूध संस्था व संस्था कर्मचारी सक्षम व्हावेत आणि दुग्ध व्यवसाय अधिक बळकट व्हावा, यासाठी गोकुळ सातत्याने नवे निर्णय घेत असतो. त्यात आता कंपनीने म्हैस-गायीचे दूध एक रुपयाने महागले आहे.दूध उत्पादकांना आर्थिक दिलासा देण्याच्या हेतूने संघाशी संलग्न म्हैस व गाय दूध उत्पादकांना दूध संकलन वाढवण्यास प्रोत्साहन मिळावे म्हणून संघाने दरवाढ केली आहे. सध्याचे म्हैस व गाय दूध खरेदी दरामध्ये प्रतिलिटर एक रुपये वाढ करण्याचा निर्णय घेतला असून, जिल्ह्यातील म्हैस दूध खरेदी दरामध्ये ६.० फॅट व ९.० एस.एन.एफसाठी प्रतिलिटर रुपये ५०.५० वरून रूपये ५१.५० करण्यात आला आहे.
30 Aug 2025 01:45 PM (IST)
अमेरिकेचे राष्ट्राध्यक्ष डोनाल्ड ट्रम्प यांना पुन्हा एकदा मोठ्या कायदेशीर संकटाचा सामना करावा लागत आहे. अमेरिकेच्या एका संघीय अपील न्यायालयाने अलीकडेच दिलेल्या निर्णयात ट्रम्प प्रशासनाने विविध देशांवर लादलेले बहुतेक आयात शुल्क कायद्यानुसार बेकायदेशीर असल्याचे स्पष्ट केले आहे. या निकालामुळे ट्रम्प यांच्या आर्थिक धोरणांना धक्का बसला असून, आगामी निवडणुकांच्या पार्श्वभूमीवर त्यांचे राजकीय समीकरण अधिक गुंतागुंतीचे होण्याची शक्यता आहे.
30 Aug 2025 01:35 PM (IST)
रिझर्व्ह बँकेच्या ताज्या बुलेटिननुसार, भारतातील महत्त्वाकांक्षी मध्यमवर्गीयांमध्ये, विशेषतः गुंतवणूकीचा एक मार्ग म्हणून म्युच्युअल फंड हे पारंपारिक बँक ठेवींना एक मजबूत पर्याय बनत आहेत. मार्च २०२४ रोजी संपलेल्या १० वर्षांच्या कालावधीत म्युच्युअल फंडांच्या व्यवस्थापनाखालील मालमत्ता (AUM) आणि एकूण बँक ठेवींचे प्रमाण दुप्पट झाले आहे, जे १० टक्क्यांवरून २३.८ टक्क्यांपर्यंत पोहोचले आहे, असे केंद्रीय बँकेने नमूद केले.सध्या, म्युच्युअल फंडांचा AUM बँक ठेवींच्या सुमारे एक तृतीयांश आहे. फ्रँकलिन टेम्पलटन फंडच्या अभ्यासातून असे दिसून आले आहे की मे २०२५ मध्ये निधीच्या व्यवस्थापनाखालील मालमत्ता ७२.२ लाख कोटी रुपये होती, जी २३१.७ लाख कोटी रुपयांच्या बँक ठेवींच्या सुमारे ३१.२ टक्के आहे.
30 Aug 2025 01:25 PM (IST)
दिल्ली प्रीमियर लीग म्हणजेच डीपीएल २०२५ चा एलिमिनेटर सामना दक्षिण दिल्ली आणि पश्चिम दिल्ली यांच्यात खेळला गेला. या सामन्यात धावांचा पाऊसच पडला नाही तर खेळाडूंमधील हाणामारीनेही सर्वांचे लक्ष वेधून घेतले. एकीकडे नितीश राणा आणि दिग्वेश राठी यांच्यात जोरदार वाद झाला. या दोघांचा वादाचा व्हिडिओ सध्या सोशल मिडियावर मोठ्या प्रमाणात व्हायरल होत आहे. या दोघांमध्ये कडाक्याचा वाद त्याचबरोबर शिवीगाळ देखील झाला होता त्यानंतर इतर मैदानामधील खेळाडू हे दोघांना रोखण्यासाठी आले होते
30 Aug 2025 01:15 PM (IST)
ओबीसीतून मराठा समाजाला आरक्षण मिळावे यासाठी मराठा आंदोलक मनोज जरंगे पाटील यांनी मुंबईतील आझाद मैदानावर आंदोलन सुरू केले आहे. मनोज जरांगेंच्या आंदोलनासाठी राज्यभरातील मराठा आंदोलक मुंबईत पोहोचले आहेत. मराठा आरक्षणाच्या मागणीसाठी आंदोलक कितीही दिवस मुंबईत राहण्यास तयार आहेत. आरक्षण मिळेपर्यंत ते मुंबई सोडणार नाहीत अशी भावना मराठा समाजाने व्यक्त केली आहे. राजकीय क्षेत्रासह आता मराठा आरक्षण आणि मनोज जरांगे पाटलांच्या उपोषणासंदर्भात मनोरंजनविश्वातून प्रतिक्रिया येऊ लागल्या आहेत. याचदरम्यान आता अभिनेता रितेश देशमुख यांनी मनोज जरांगे यांच्या आंदोलनाबाबत सोशल मीडिया प्लॅटफॉर्म एक्सवर पोस्ट केली आहे.
30 Aug 2025 01:10 PM (IST)
फडणवीस सरकारने मराठा आंदोलनाला एक दिवसाची मुदतवाढ दिली म्हणजे मेहरबाणीचं केली असं म्हणायला हवं, मराठी माणसं मोठ्या संख्यने आले आहेत. शांततेत आंदोलन करत आहे, हे बहुतेक सरकाराला पाहवत नाहीये. मुंबई हजारोंच्या संख्येने एकवटली आहे. त्याचा कोणाला त्रास होतोय का, काही धनिक भाजपचे समर्थक, त्यांचे धनी, भाजपला मदत करणारे व्यापारी, यांना या आंदोलनाचा त्रास होतोय का, यांना त्रास होत असेल त्यांमुळे सरकारने मराठा आंदोलनाला एक-एक दिवसाची मुदतवाढ दिली असावी, अशी टीका ठाकरे शिवसेनेचे खासदार संजय राऊत यांनी केली आहे.
30 Aug 2025 01:05 PM (IST)
सध्या मध्यपूर्वेत अस्थिरतेचे वातावरण आहे. येमेनच्या हुथी बंडखोरांसोबत इस्रायलच्या संघर्षाने विध्वंस घडत आहे. नुकतेच इस्रायलने २८ ऑगस्ट रोजी साना येथे हुथी बंडखोरांवर हल्ले केले होते. या हल्ल्यात हुथी विद्रोह्यांच्या पंतप्रधान अहमद अल-राहवी यांचा मृत्यू झाल्याची माहिती समोर आली आहे.तसेच हुथींचे संरक्षण मंत्री मोहम्मद अल-अती आणि चीफ ऑफ स्टाफ मोहम्मद अब्द अल-करी अल-घमारी यांनाही लक्ष्य करण्यात आले होते. मात्र अद्याप त्यांच्या मृत्यूची पुष्टी झालेली नाही.
30 Aug 2025 01:03 PM (IST)
जम्मूच्या रियासी जिल्ह्यातील माहोर भागात मोठा भूस्खलन झाला असून अनेक घरे वाहून गेली आहेत. सुमारे सात लोक बेपत्ता आहेत. त्याचवेळी, रामबन जिल्ह्यातील राजगड भागातही भूस्खलनामुळे मोठे नुकसान झाले असून येथे तीन जणांचा मृत्यू झाल्याची नोंद आहे आणि दोन जण बेपत्ता आहेत. प्रशासन आणि बचाव पथक सध्या मदत कार्यात व्यस्त आहेत. या दुर्घटनेत दोन घरे आणि एका शाळेचे नुकसान झाले आहे.
30 Aug 2025 01:00 PM (IST)
नागपूर शहरात एका शाळकरी मुलीची हत्या झाल्याचा धक्कादायक प्रकार समोर आला आहे. शाळेतून घरी जात असतांना तिच्यावर प्राणघातक हल्ला करण्यात आल्याची माहिती तपासातून समोर आली आहे. अजनी पोलीस ठाण्याच्या हद्दीतील गुलमोहर कॉलनीत हत्या झाली आहे. एकतर्फी प्रेमातून ही घटना घडल्याचा संशय पोलिसांना आहे. मृत मुलगी दहाव्या वर्गात शिक्षण घेत असल्याचे समोर आलं आहे. या घटनेने नागपूर शहर हादरलं आहे.
30 Aug 2025 12:58 PM (IST)
जगदीप धनखड यांनी राजस्थान विधानसभेत पेन्शनसाठी अर्ज केला आहे. अजमेर जिल्ह्यातील किशनगड मतदारसंघाचे आमदार असल्याने त्यांना राज्य विधानसभेतून मासिक पेन्शन मिळण्याचा अधिकार आहे. विधानसभा सचिवालयाने त्यांचा अर्ज मिळाल्याची पुष्टी केली आहे आणि नियमांनुसार प्रक्रिया सुरू आहे. धनखड सध्या ७४ वर्षांचे आहेत. राजस्थानच्या नियमांनुसार त्यांना दरमहा सुमारे ४२ हजार रुपये पेन्शन मिळण्याची शक्यता आहे.
30 Aug 2025 12:53 PM (IST)
मुख्यमंत्री देवेंद्र फडणवीस यांच्या घरी बाप्पाची आरती केल्यानंतर अमित शाह लालबागच्या राजाचे दर्शनासाटी पोहचले आहेत. अमित शाहा यांच्यासोबत त्यांच्या पत्नी आणि चिरंजीव जय शाह, देवेंद्र फडणवीस, उपमुख्यमंत्री एकनाथ शिंदे, आशिष शेलार, रवींद्र चव्हाण देखील उपस्थित आहेत.
30 Aug 2025 12:50 PM (IST)
धुळे- सोलापूर राष्ट्रीय महामार्गावरील बीडजवळील नमालगाव फाटा येथील उड्डाणपुलाजवळ भीषण अपघात झाल्याचे समोर आले आहे. या अपघातात चार जणांचा जागीच मृत्यू झाला आहे. तर दोन जण गंभीर जखमी झाल्याची घटना समोर आली आहे. ही घटना आज सकाळी आठच्या सुमारास झाली आहे.
30 Aug 2025 12:40 PM (IST)
नाशिकमध्ये बैल पोळा सणाच्या दिवशी नांदूर नका येथे दोन गटात हाणामारी झाली होती. माजी नगरसेवक भाजप नेते उद्धव निमसे आणि धोत्रे या दोन गटात हाणामारी झाली होती. यात निमसे गटाने केलेल्या मारहाणीत गंभीर जखमी झालेल्या राहुल धोत्रेचा आज शुक्रवारी उपचारादरम्यान मृत्यू झाला आहे. यात हाणामारीचे व्हिडीओ देखील व्हायरल झाले होते.
30 Aug 2025 12:27 PM (IST)
सोलापूर जिल्ह्यातील सांगोला तालुक्यातून मोठी कारवाई करण्यात आली आहे. एका हॉटेलमध्ये सुरु असलेल्या 2.65 कोटी रुपयांच्या जुगार अड्ड्यावर पोलिसांनी धाड टाकली. या कारवाईत तब्बल 30 ते 35 जुगारींना रंगेहाथ पकडण्यात आले आहे. पोलिसांनी 16 लाख रुपयांची रोकड, 87 वाहने आणि 62 मोबाईल जप्त केले आहेत. ही कारवाई सांगोला तालुक्यातील मोठी कारवाई आहे. या कारवाईने खळबळ उडाली आहे.
30 Aug 2025 12:12 PM (IST)
मराठ्यांना अन्न, पाणी मिळू देत नाही, मुख्यमंत्र्यांनी मराठ्यांना वेठीस धरू नका, असा इशारा मनोज जरांगेंचा यांनी दिला. शांततेत आंदोलन करण्याचं आवाहन त्यांनी केले. महापालिकेचा रस्ता रिकामा करण्याचे आदेश त्यांनी यावेळी दिला.
30 Aug 2025 12:08 PM (IST)
अमित शाह मुंबई दौऱ्यावर असून त्यांनी आज सकाळी उपमुख्यमंत्री एकनाथ शिंदे यांच्यासोबत बैठक घेतली. या बैठकीत मराठा आरक्षण आणि महापालिका निवडणुकांच्या तयारीसंदर्भात चर्चा झाल्याची माहिती समोर आली आहे. या बैठकीत भाजपचे मुंबईचे अध्यक्ष अमित साटम हेदेखील उपस्थित असल्याचे सांगितले जात आहे.
30 Aug 2025 12:05 PM (IST)
गृहमंत्री अमित शाह मुख्यमंत्री फडणवीसांच्या शासकीय बंगल्यावर दाखल झाले असून त्यांच्या हस्ते फडणवीसांच्या घरातील गणपती बाप्पाची आरती कऱण्यात आली.
30 Aug 2025 11:57 AM (IST)
भाजप राष्ट्रीय अध्यक्ष जे पी नड्डा पुण्यात दाखल झाले आहेत. पुणे विमान तळावर केंद्रीय मंत्री मुरलीधर मोहोळ यांनी त्यांचे स्वागत केले. पुण्यातील प्रमुख गणेश मंडळाना नड्डा आज भेटी देणार आहेत. शहराध्यक्ष धीरज घाटे यांच्या गणपतींचे दर्शन घेणार आहे.
30 Aug 2025 11:35 AM (IST)
काल सायंकाळी खामगाव व परिसरात दीड तास मुसळधार पावसाने कहर केला. खामगाव शहरातील घाटपुरी नाका परिसरात नगर परिषदेने अनेक महिन्यांपासून नाली खोदून ठेवली आहे. मात्र त्याचं काम अपूर्ण सोडून ठेकेदार फरार झाला. यामुळे मात्र पावसाचे पाणी थेट दुकानांमध्ये शिरलं, काही दुकानांमध्ये तर दोन ते तीन फुटांपर्यंत पाणी शिरल्याने व्यावसायिकांचं लाखो रुपयांचे नुकसान झालं. यावेळी तात्काळ राष्ट्रवादीचे नेते दिलीप कुमार सानंदा यांनी पंप सेट बोलवून हे पाणी उपसून देण्यास मदत केली व व्यवसायिकांना धीर दिला. मात्र नगरपरिषद प्रशासनाचा कुणीही अधिकारी किंवा कर्मचारी या ठिकाणी न पोहोचल्याने व्यवसायिकांमध्ये मोठा रोष निर्माण झाला होता.
30 Aug 2025 11:24 AM (IST)
रोजच्या आहारात वापरला जाणारा टोमॅटो काही दिवसापूर्वी पन्नास रुपये किलोने विक्री होत होता यामुळे सामान्य कुटुंबियांच्या किचन मध्ये टोमॅटोचा वापर काही प्रमाणात घटले होते मात्र नंदुरबार बाजार समिती टोमॅटोची आवक वाढल्याने टोमॅटो किरकोळ बाजारात दहा रुपये किलोने विक्री होत आहे.या दरघसरणीचा सर्वाधिक फटका नंदुरबार तालुक्यातील शेतकऱ्यांना बसला आहे. शेतकऱ्यांनी टोमॅटो वर केलेला खर्च आणि वाहतुकीच्या खर्च देखील निघणं आता कठीण होत आहे.
30 Aug 2025 11:06 AM (IST)
ओबीसींची आरक्षण काढून आम्हाला नको,ओबीसीतून आम्हाला आरक्षण द्या, असे मनोज जरांगे म्हणाले. फडणवीसांना महाराष्ट्र अस्थिर करायचा आहे, आरक्षणाबाबत त्यांना राजकारण करायचे आहे, असा आरोप जरांगे यांनी केला.
30 Aug 2025 10:55 AM (IST)
धर्मेंद्र आणि हेमा मालिनी यांची लाडकी आणि बॉलिवूड अभिनेत्री ईशा देओल आणि तिचा एक्स पती भरत तख्तानी यांच्या घटस्फोटानंतर, अलीकडेच दोघांना एकत्र पाहिल्यानंतर पुन्हा ते एकत्र येत असल्याच्या वावड्या उठल्या होत्या. पण आता भरतच्या नवीन फोटोंनी सोशल मीडियावर खळबळ उडवून दिली आहे.
30 Aug 2025 10:50 AM (IST)
मराठा आरक्षणाच्या मागणीसाठी मनोज जरांगे पाटील यांच्याकडून आंदोलन करण्यात येत आहे. हे आंदोलन मुंबईतील आझाद मैदानावर केले जात आहे. या आंदोलनाच्या पार्श्वभूमीवर हजारो मराठा बांधव आझाद मैदानावर दाखल झाले आहे. हे आंदोलन सुरु असताना राज्य सरकारकडून आता शासन अध्यादेश काढण्यात आला. सरकारच्या या जीआरमुळे मराठा समाजाला कुणबी जात प्रमाणपत्र मिळणं सोपं होणार आहे.
30 Aug 2025 10:44 AM (IST)
30 ऑगस्ट रोजी दरवर्षी जगभरात आंतरराष्ट्रीय व्हेल शार्क दिन साजरा केला जातो. हा दिवस केवळ एका प्रजातीसाठी नव्हे, तर संपूर्ण सागरी परिसंस्थेसाठी महत्त्वाचा आहे. कारण व्हेल शार्क हे जगातील सर्वात मोठे मासे असून ते समुद्राच्या आरोग्यासाठी अपरिहार्य भूमिका बजावतात. पण दुर्दैवाने, गेल्या काही दशकांपासून या सौम्य राक्षसांची संख्या चिंताजनक गतीने घटत आहे. संशोधक पियर्स आणि नॉर्मन यांच्या अभ्यासानुसार, मागील ७५ वर्षांत व्हेल शार्कची लोकसंख्या ५० टक्क्यांहून अधिक घटली आहे. म्हणूनच त्यांना आंतरराष्ट्रीय युनियन फॉर कन्झर्वेशन ऑफ नेचर (IUCN) च्या रेड-लिस्टमध्ये “धोक्यातील प्रजाती” म्हणून वर्गीकृत केले गेले आहे.
30 Aug 2025 10:43 AM (IST)
AMRAVATI | मोठा गाजावाजा करून अमरावती विमानतळावरून अमरावती ते मुंबई विमान सेवा सुरू झाली होती. मात्र अमरावती - मुंबई तसेच हैदराबाद "एअर अलायन्स" विमानसेवा तांत्रिक कारणामुळे २१ ऑगस्टपासून ठप्प झाली आहे. ‘ऑपरेशनल इश्यू’ या कारणाखाली सेवा थांबवण्यात आली असली तरी मोठा तांत्रिक बिघाड झाल्याची माहिती पुढे आली आहे. एअर अलायन्सच्या ७२ एटीआर विमानाची युद्धस्तरावर दुरुस्ती सुरू असून १ किंवा १५ सप्टेंबरपासून सेवा पुन्हा सुरू होण्याची शक्यता वर्तवली जात आहे. काँग्रेस खासदार बळवंत वानखडे यांनी मात्र यावर टीका करत लवकर केंद्र सरकारकडे पाठपुरावा करत विमानसेवा लवकर सुरू करण्याची मागणी केली, तर लवकरच विमानसेवा सुरळीत होईल असा आश्वासन काल पालकमंत्री चंद्रशेखर बावनकुळे यांनी दिलं आहे.
30 Aug 2025 10:35 AM (IST)
नितीश राणाने केवळ वादळी शतकच केले नाही तर नॉकआउट सामन्यात संघाला शानदार विजय मिळवून दिला आणि दिल्ली प्रीमियर लीगच्या क्वार्टरफायनल २ मध्ये नेले. तो दिल्ली प्रीमियर लीगमध्ये वेस्ट दिल्ली लायन्स संघाचे नेतृत्व करत आहे. २९ सप्टेंबर रोजी दिल्ली प्रीमियर लीगचा एलिमिनेटर सामना साउथ दिल्ली सुपरस्टार्स आणि वेस्ट दिल्ली लायन्स यांच्यात झाला. ज्यामध्ये नितीश राणाच्या संघाने ७ विकेट्सने शानदार विजय मिळवला. नितीश हा विजयाचा हिरो होता. एलिमिनेटरमध्ये त्याने फक्त ५५ चेंडू खेळले आणि नाबाद १३४ धावा केल्या. ज्यामध्ये ८ चौकार आणि १५ वादळी षटकारांचा समावेश होता.
30 Aug 2025 10:23 AM (IST)
राज्यात स्थानिक स्वराज्य संस्था आणि महानगरपालिकांच्या निवडणुकांची तयारी सुरू झाली आहे. निवडणुका तोंडावर असतानाच मराठा आरक्षणाचे नेते मनोज जरांगे यांनी कालपासून मुंबईतील आझाद मैदानात आमरण उपोषण सुरू केलं आहे. त्यामुळे राज्य सरकारची डोकेदुखी चांगलीच वाढली आहे. एकीकडे मनोज जरांगे यांच्या उपोषण सुरू असताना काल रात्री केंद्रीय गृहमंत्री अमित शाह मुंबई दाखल झाले. मुंबई महानगरपालिका म्हणजेच बीएमसी आणि राज्यातील इतर संस्थांच्या निवडणुकांच्या तयारीच्या पार्श्वभूमीवर, केंद्रीय गृहमंत्री अमित शहा शुक्रवारी दोन दिवसांच्या मुंबई दौऱ्यावर आले.
30 Aug 2025 10:15 AM (IST)
गेल्या काही दिवसांपासून गुन्हेगारीच्या घटनांमध्ये वाढ होताना दिसत आहे. त्यात किरकोळ कारणावरून खून, खुनाचा प्रयत्न यांसारखे गुन्हे घडत आहेत. असे असताना आता गुजरातच्या कच्छ जिल्ह्यात प्रेमसंबंध तोडल्याने संतप्त झालेल्या एका तरुणाने आपल्या एक्स गर्लफ्रेंडचा चाकूने गळा चिरून हत्या केली. या धक्कादायक घटनेनंतर पोलिसांनी आरोपी प्रियकराला अटक केली.
30 Aug 2025 10:05 AM (IST)
मनोज जरांगे-पाटील यांनी मराठा आरक्षणाच्या मागणीसाठी सुरू असलेल्या आंदोलनादरम्यान, महाराष्ट्राचे उपमुख्यमंत्री देवेंद्र फडणवीस यांनी विरोधी नेत्यांवर जोरदार हल्लाबोल केला आहे. कोणाचेही नाव न घेता, मुख्यमंत्री देवेंद्र फडणवीस म्हणाले की, काही राजकीय पक्ष आंदोलन करणाऱ्या जरांगे-पाटील यांच्या खांद्यावर बंदूक ठेवून त्यांचे स्वार्थ पूर्ण करण्याचा प्रयत्न करत आहेत, परंतु ते यशस्वी होणार नाहीत.
30 Aug 2025 09:55 AM (IST)
धुळे- सोलापूर राष्ट्रीय महामार्गावरील बीडजवळील नमालगाव फाटा येथील उड्डाणपुलाजवळ भीषण अपघात झाल्याचे समोर आले आहे. या अपघातात चार जणांचा जागीच मृत्यू झाला आहे. तर दोन जण गंभीर जखमी झाल्याची घटना समोर आली आहे. ही घटना आज सकाळी आठच्या सुमारास झाली आहे.
30 Aug 2025 09:45 AM (IST)
जंगलात शिकारीचा थरार दिसणे काही नवीन गोष्ट नाही. इथे जगायचं असेल तर शिकार ही करावी लागणारच. जंगलाचा राजा म्हणून सिंहाची ओळख आहे तर पाण्याचा राक्षस म्हणून मगरीला संबोधले जाते आता हे दोन शिकारी जेव्हा आमने-सामने येतात तेव्हा दृश्य थरारकतेने भरलेले असतेच. पण सध्याच्या व्हिडिओमध्ये मात्र चार सिंहांनी मात्र शिकारीचा चांगलाच डाव रचल्याचे दिसून आले. एकट्या चिमुकल्या मगरीला पाहून सिंहांचा कळप त्याला जंगलात घेरतात आणि मगरीच्या पिल्लाला चावून चावून त्याचा फडशा पडून टाकतात. मगरीचं पिल्लू स्वतःला सिंहाच्या विळख्यातून सोडवण्याचा खूप प्रयत्न करतो पण अखेर त्याचा शेवट लिहिलेलाच असतो… चला काय घडलं ते सविस्तर जाणून घेऊया.
30 Aug 2025 09:35 AM (IST)
नागपूर शहरात एका शाळकरी मुलीची हत्या झाल्याचा धक्कादायक प्रकार समोर आला आहे. शाळेतून घरी जात असतांना तिच्यावर प्राणघातक हल्ला करण्यात आल्याची माहिती तपासातून समोर आली आहे. अजनी पोलीस ठाण्याच्या हद्दीतील गुलमोहर कॉलनीत हत्या झाली आहे. एकतर्फी प्रेमातून ही घटना घडल्याचा संशय पोलिसांना आहे. मृत मुलगी दहाव्या वर्गात शिक्षण घेत असल्याचे समोर आलं आहे. या घटनेने नागपूर शहर हादरलं आहे.
30 Aug 2025 09:25 AM (IST)
अफगाणिस्तान, पाकिस्तान आणि यूएई यांच्यामध्ये ट्राय सिरीज खेळवली जात आहे. या मालिकेमध्ये ७ सामने खेळवले जाणार आहे. यामध्ये पहिले ६ सामन्यामध्ये जो संघ जास्त सामने जिंकले त्या संघांना फायनलचा सामना खेळण्याची संधी मिळणार आहे. ट्राय सिरिजमधील पहिल्या टी-२० सामन्यात पाकिस्तानने उत्कृष्ट गोलंदाजीच्या जोरावर शानदार विजय मिळवला. युएईच्या शारजाह येथे खेळल्या गेलेल्या सामन्यात पाकिस्तानने अफगाणिस्तानचा ३९ धावांनी पराभव केला. वेगवान गोलंदाज हरिस रौफने घातक गोलंदाजी केली.
.png "Videos"){kind=small}
