म्हसवड येथे संत नामदेव महाराजांचा ६७६ वा संजीवन समाधी सोहळा उत्साहात संपन्न
म्हसवड : नामदेव शिंपी समाज, म्हसवड यांच्या वतीने श्री. संत शिरोमणी नामदेव महाराज यांचा ६७६ वा संजीवन समाधी सोहळा मोठ्या भक्तिभावाने व उत्साहपूर्ण वातावरणात संपन्न झाला.
यानिमीत्त सातारा जिल्हा नामदेव समाजोन्नती परिषदेचे अध्यक्ष इंजि. सुनील श्रीधर पोरे यांच्या नेतृत्वाखाली विविध धार्मिक व सामाजिक कार्यक्रमांचे आयोजन करण्यात आले होते.
सोहळ्याच्या प्रारंभी सकाळी अभिषेक, काकड आरती करण्यात आली. त्यानंतर नामदेव मंदिर, म्हसवड येथून संत नामदेव महाराजांच्या पालखीचे प्रस्थान झाले. म्हसवड शहरातील प्रमुख मार्गावरून पालखीची मिरवणूक काढण्यात आली. यावेळी एक सारखे पेहराव करून समाज बांधवांसह महिला भगिनी मोठ्या संख्येने सहभागी झाल्या. महिलांच्या वतीने कला आविष्काराचा विशेष कार्यक्रम सादर करण्यात आला.
जन्माष्टमीच्या पार्श्वभूमीवर UPSTDC कडून ‘कृष्ण लीला’ पर्यटन पॅकेज; मथुरा-वृंदावनसह ब्रजभूमीची सफर
दुपारी ह.भ.प. कीर्तनकार श्री. जगदीश महाराज पोरे यांचे सुश्राव्य कीर्तन झाले. संत नामदेव महाराजांचे जीवनकार्य, भक्ती, समाजप्रबोधन आणि समतेचा संदेश यावर त्यांनी प्रभावी विवेचन केले. कीर्तनानंतर महाप्रसादाचे आयोजन नामदेव चंदावले यांचे वतीने करण्यात आले होते.
या संपूर्ण कार्यक्रमाचे नियोजन सातारा जिल्हा नामदेव समाजोन्नती परिषदेचे अध्यक्ष इंजि. सुनील पोरे यांच्या मार्गदर्शनाखाली करण्यात आले. त्यांच्या नेतृत्वाखाली म्हसवडसह सातारा जिल्ह्यातील नामदेव शिंपी समाजामध्ये धार्मिक, सामाजिक व संघटनात्मक उपक्रमांना चालना मिळत असल्याचे यावेळी उपस्थित समाजबांधवांनी नमूद केले.
माळरान तुडवत रोहित पाटलांची सिंचन योजनांची पाहणी; पंपहाऊसपासून पाइपलाइनपर्यंत घेतला आढावा
कार्यक्रमाच्या यशस्वी आयोजनासाठी अध्यक्ष व कार्यकारी विश्वस्त मंडळातील सर्व पदाधिकारी, विश्वस्त तसेच नामदेव शिंपी समाज, शार्दुल फुटाणे विजय चंदवाले संदीप नामदास आदी म्हसवडचे समाजबांधव यांनी परिश्रम घेतले.
संत नामदेव महाराजांच्या जयघोषाने संपूर्ण परिसर भक्तिमय झाला होता. “संत नामदेव महाराजांचा विचार, समाजाच्या एकतेचा आधार” या भावनेने संजीवन समाधी सोहळ्याची सांगता करण्यात आली.
.png "Videos"){kind=small}
