म्हसवड–शिंगणापूर मार्गावर अपघाताचा थरार! दोन कारची समोरासमोर धडक, सहा जखमी; धोकादायक वळण पुन्हा चर्चेत
या अपघातात वरकुटे येथील बनवस्तीवरील महेश तानाजी चव्हाण (वय २८), त्यांची आई सुनंदा तानाजी चव्हाण (वय ४७), पत्नी सायली महेश चव्हाण (वय २४) आणि गौरी दादा जाधव (वय २२) हे जखमी झाले आहेत. तर पिलीव येथील कारमधील समाधान खरात हेही जखमी झाले असून सहाव्या जखमी व्यक्तीचे नाव अद्याप समजू शकलेले नाही. अपघातग्रस्त वाहनांचे क्रमांक MH 45 AZ 4052 आणि MH 04 LY 5388 असे आहेत.
विशेष म्हणजे, म्हसवड–शिंगणापूर रस्त्यावरील भवानी टेक परिसरात असलेले छोटे वळण आणि टेकडी यामुळे समोरून येणारे वाहन वेळेत दिसत नसल्याचे सांगण्यात येत आहे. रस्त्याच्या सदोष रचनेमुळेच हा अपघात घडल्याचा आरोप स्थानिकांकडून करण्यात येत आहे. यापूर्वी म्हसवड–मायणी रस्त्यावरील वडजल येथेही अशाच प्रकारचा अपघात घडला होता. त्यामुळे या धोकादायक ठिकाणांची सार्वजनिक बांधकाम विभागाने तातडीने पाहणी करून आवश्यक उपाययोजना कराव्यात, अशी मागणी होत आहे.
अपघातानंतर तरी प्रशासन जागे होणार का? असा सवाल उपस्थित होत असून भवानी टेक येथील धोकादायक वळणावर सूचना फलक, वेगमर्यादा फलक आणि आवश्यक रस्ता सुरक्षा उपाययोजना तातडीने करण्यात याव्यात, अशी मागणी नागरिकांमधून पुढे येत आहे. भविष्यात मोठी जीवितहानी होण्यापूर्वी संबंधित विभागाने या गंभीर समस्येकडे लक्ष देण्याची गरज व्यक्त होत आहे.
Maharashtra FDA Raid : अस्वच्छता आणि नियमभंग भोवला; मुंबईतील दहा आस्थापनांचे परवाने निलंबित
.png "Videos"){kind=small}
