CSMTवर ७५ दिवसांचा ब्लॉक; ८ मेल-एक्स्प्रेस गाड्यांचा प्रवास दादर-ठाण्यातच संपणार

छत्रपती शिवाजी महाराज टर्मिनसच्या पुनर्विकासाच्या कामामुळे रेल्वे प्रवाशांसाठी महत्त्वाचा बदल करण्यात आला आहे. १ ऑक्टोबर ते १५ डिसेंबरदरम्यान CSMTवर ७५ दिवसांचा ब्लॉक घेण्यात येणार असून, यामुळे काही मेल-एक्स्प्रेस गाड्यांच्या प्रवासावर परिणाम होणार आ

• CSMTचे प्लॅटफॉर्म १४ आणि १५ तब्बल ७५ दिवस बंद राहणार आहे
• सात मेल-एक्स्प्रेस गाड्यांचा प्रवास दादरमध्येच संपणार  आहे
• मंगळुरू-सीएसएमटी एक्स्प्रेस ठाण्यातच थांबणार तर यामुळे प्रवाशांना पुढील प्रवासाची व्यवस्था करावी लागणार आहे

छत्रपती शिवाजी महाराज टर्मिनसच्या (सीएसएमटी) पुनर्विकासाच्या कामासाठी प्लॅटफॉर्म क्रमांक १४ आणि १५ तसेच स्टेब्लिंग लाइन १५ वर ७५ दिवसांचा ट्रॅफिक आणि पॉवर ब्लॉक घेण्यात येणार आहे. १ ऑक्टोबर ते १५ डिसेंबर या कालावधीत हा ब्लॉक राहणार आहे. त्यामुळे सीएसएमटीकडे येणाऱ्या आठ मेल-एक्स्प्रेस गाड्यांचा प्रवास दादर किंवा ठाणे स्थानकातच संपविण्यात येणार आहे. या कालावधीत प्लॅटफॉर्म क्रमांक १४ आणि १५ तसेच स्टेब्लिंग लाइन १५ वर पायाभरणी आणि इतर आवश्यक कामे केली जाणार आहेत. काम पूर्ण होईपर्यंत या प्लॅटफॉर्मवरून रेल्वे वाहतूक बंद राहणार आहे. काम पूर्ण झाल्यानंतर हे प्लॅटफॉर्म रेल्वे वाहतुकीसाठी पुन्हा उपलब्ध करून देण्यात येतील.

Mumbai News : सातरस्ता BIT चाळ पुनर्विकासात नेमकं काय घडलं? 324 कुटुंबांचा प्रश्न ऐरणीवर, शिवसेनेने पालिकेत मांडला मुद्दा

दादर स्थानकामध्ये सात गाड्यांचा प्रवास संपणार

११००२ बल्लारशाह-सीएसएमटी नंदीग्राम एक्सप्रेस, १२८१० हावडा-सीएसएमटी एक्सप्रेस, १२११२ अमरावती-सीएसएमटी एक्स्प्रेस, ११०२० भुवनेश्वर-सीएसएमटी कोणार्क एक्स्प्रेस, २२१२० मडगाव-सीएसएमटी तेजस एक्स्प्रेस, २२१४४ बिदर-सीएसएमटी एक्स्प्रेस आणि २२१०८ लातूर-सीएसएमटी एक्स्प्रेस या सात गाठ्यांचा प्रवास दादर स्थानकातच संपविण्यात येणार आहे.

ठाण्यातून पुढील प्रवासाची व्यवस्था करावी लागणार

१२१३४ मंगळुरू-सीएसएमटी एक्स्प्रेसचा प्रवास ठाणे स्थानकातच संपविण्यात येणार आहे. त्यामुळे या गाडीने सीएसएमटीपर्यंत जाणाऱ्या प्रवाशांना ठाणे येथून पुढील प्रवासाची पर्यायी व्यवस्था करावी लागणार आहे.

Mumbai News: मुंबईतील कॉलराचा इतिहास उलगडणार! महानगरपालिकेचे दीडशे वर्षांपूर्वीचे ऐतिहासिक दस्तऐवज खुले

पुनर्विकासाच्या पुढील टप्ण्प्यासाठी ब्लॉक

आणि सीएसएमटी पुनर्विकासाच्या पहिल्या टप्यात यापूर्वी प्लॅटफॉर्म क्रमांक १६ आणि १७ वर ब्लॉक घेण्यात आला होता. आता पुढील कामांसाठी प्लॅटफॉर्म क्रमांक १४ आणि १५ वर ब्लॉक घेण्यात येत आहे. पायाभूत सुविधांचा विकास आधुनिकीकरणाच्या दृष्टीने हे काम आवश्यक असल्याचे मध्य रेल्वेने स्पष्ट केले आहे. ब्लॉकमुळे होणाऱ्या गैरसोयीबद्दल रेल्वे प्रशासनाने दिलगिरी व्यक्त केली असून, प्रवाशांनी त्यानुसार प्रवासाचे नियोजन करावे, असे आवाहन केले आहे.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)