खवय्यांनो सावधान! गटाराशेजारी समोसे, स्वयंपाकासाठी अनफिल्टर्ड पाणी! मालाडमधील खाद्यपदार्थ विक्रेत्यावर FDA चा दणका
FDA च्या तपासणीदरम्यान सर्वाधिक गंभीर बाब म्हणजे अस्वच्छ गटार आणि साचलेल्या पाण्याजवळ समोसे साठवून ठेवल्याचे आढळून आले. खाद्यपदार्थ अशा अस्वच्छ परिसरात ठेवल्यामुळे दूषित होण्याचा धोका निर्माण होऊ शकतो. त्यामुळे ग्राहकांच्या आरोग्याच्या दृष्टीने या प्रकाराची FDA ने गंभीर दखल घेतली.
FDA चे आयुक्त तुकाराम मुंडे यांच्या अंतर्गत कोणकोणती कार्ये आणि विभाग येतात? सविस्तरपणे जाणून घ्या
तपासणीत आस्थापनात पिण्यासाठी तसेच खाद्यपदार्थ तयार करण्यासाठी फिल्टर न केलेल्या पाण्याचा वापर होत असल्याचेही निदर्शनास आले. खाद्यपदार्थ तयार करताना वापरण्यात येणाऱ्या पाण्याची गुणवत्ता आणि स्वच्छता ही अन्नसुरक्षेच्या दृष्टीने महत्त्वाची बाब आहे. त्यामुळे या त्रुटीचीही FDA कडून नोंद घेण्यात आली.
काही खाद्यपदार्थांच्या पॅकेजिंग आणि लेबलिंगमध्येही त्रुटी आढळल्याचे सांगण्यात आले आहे. काही वस्तूंवर आवश्यक लेबल, उत्पादनाशी संबंधित माहिती किंवा एक्सपायरी डेट उपलब्ध नसल्याचे तपासणीत समोर आले. अशा परिस्थितीत संबंधित खाद्यपदार्थ कधी तयार झाला, त्याची वापरण्याची अंतिम मुदत काय आहे किंवा तो ग्राहकांसाठी सुरक्षित आहे का, याबाबत प्रश्न उपस्थित होतात.
FDA च्या तपासणीत कर्मचाऱ्यांच्या आरोग्यविषयक नियमांच्या पालनातही मोठ्या त्रुटी आढळल्या. आस्थापनात अन्न हाताळणाऱ्या एकूण ३६ कर्मचाऱ्यांपैकी २६ कर्मचाऱ्यांकडे आवश्यक वैद्यकीय प्रमाणपत्र नसल्याचे निदर्शनास आले. अन्नपदार्थ तयार करणाऱ्या आणि ते हाताळणाऱ्या कर्मचाऱ्यांच्या आरोग्याची नियमित तपासणी करणे अन्नसुरक्षेच्या दृष्टीने महत्त्वाचे आहे.
तपासणीत आढळलेल्या या सर्व त्रुटींची गंभीर दखल घेत महाराष्ट्र FDA ने दिल्ली स्वीट अँड भेळपुरी हाऊसचा अन्न परवाना निलंबित करण्याची कारवाई केली. यासोबतच संबंधित आस्थापनाला पुढील आदेश मिळेपर्यंत खाद्यपदार्थांचे उत्पादन, साठवणूक, विक्री आणि वितरण पूर्णपणे थांबवण्याचे आदेश देण्यात आले आहेत.
या कारवाईमुळे हॉटेल, मिठाई दुकाने, फास्ट फूड सेंटर आणि इतर खाद्य आस्थापनांमधील स्वच्छतेचा मुद्दा पुन्हा चर्चेत आला आहे. ग्राहकांना दिले जाणारे अन्न सुरक्षित असणे, पिण्यायोग्य पाण्याचा वापर, योग्य पद्धतीने अन्नाची साठवणूक, कर्मचाऱ्यांची वैद्यकीय तपासणी आणि खाद्यपदार्थांवर आवश्यक लेबलिंग करणे या बाबींचे पालन करणे आवश्यक आहे. मालाडमधील या कारवाईत ‘गटाराशेजारी समोसे’ ही बाब विशेष गंभीर ठरली असून, खाद्यपदार्थ विक्रेत्यांनी अन्नसुरक्षा आणि स्वच्छतेच्या नियमांकडे दुर्लक्ष केल्यास कठोर कारवाई होऊ शकते, असा संदेश या कारवाईतून मिळत आहे.
‘तुम्ही स्वतःला देव समजता का?’ हायकोर्टाचा FDA ला सवाल; मुंबई क्रिकेट असोसिएशनला मोठा दिलासा
.png "Videos"){kind=small}
