गुरुवार, 8 ऑक्टोबर 2026
मुलुंडमध्ये आगीचा भडका! पीएपी इमारत प्रकल्पाला भीषण आग, स्फोटाचा आवाज ऐकू आल्याने परिसरात खळबळ
प्राथमिक माहितीनुसार, मुलुंडमधील पीएपी इमारत प्रकल्पाच्या ठिकाणी अचानक आग लागली. या घटनेची माहिती मिळताच अग्निशमन दलाला पाचारण करण्यात आले. अग्निशमन दलाच्या गाड्या घटनास्थळी पोहोचल्या असून जवानांकडून आग विझवण्याचे काम सुरू आहे. या घटनेच्या सुमारास परिसरातील काही रहिवाशांना स्फोटासारखा मोठा आवाज ऐकू आला.
मलुंड पूर्वेतील टाटा कॉलनी परिसरात प्रकल्पग्रस्तांच्या पुनर्वसनासाठी पीएपी इमारतींचे बांधकाम सुरू आहे. अशा बांधकामस्थळी आग लागल्याने कामगारांची सुरक्षा, अग्निप्रतिबंधक उपाययोजना आणि बांधकाम साहित्याच्या साठवणुकीबाबत प्रश्न उपस्थित होत आहेत.
आग नेमकी कोणत्या भागात लागली, बांधकामासाठी वापरण्यात येणाऱ्या साहित्यामुळे आग पसरली का आणि घटनास्थळी किती कामगार उपस्थित होते, याबाबत तपासानंतरच स्पष्टता येणार आहे.
बातमी अपडेट होत आहे…
