Ulhasnagar Crime News : उल्हासनगरमध्ये विदेशी पिस्तुलासह २३ वर्षीय तरुणाला अटक; विठ्ठलवाडी पोलिसांची कारवाई
साई सावंत, उल्हासनगर
Ulhasnagar Crime News : उल्हासनगरात एक धक्कादायक प्रकार उघडकीस आला आहे. विठ्ठलवाडी पोलिसांनी अवैध शस्त्र बाळगणाऱ्या एका तरुणाविरोधात कारवाई करत त्याला विदेशी बनावटीच्या पिस्तुलासह अटक केली आहे.
या घटनेनंतर स्थानिकांमध्ये काही काळा भितीचे वातावरण निर्माण झाले होते. दरम्यान, पोलिसांनी तातडीने कारवाई करत त्या तरुणाला ताब्यात घेतले आहे.
पोलिसांनी दिलेल्या माहितीनुसार, आरोपीची ओळख जॉन्सन रॉबर्ट अँथनी (वय 23, रा. सेंट्रल हॉस्पिटल परिसर, टेकबहादूर कॉलनीजवळ, उल्हासनगर-3) अशी झाली आहे. 20 नोव्हेंबर 2026 रोजी रात्री सुमारे 10:50 वाजण्याच्या सुमारास उल्हासनगर-4 येथील मानेरेगेट परिसरातील माधुरी बार अँड रेस्टॉरंटजवळ ही कारवाई करण्यात आली.
एका तरुणाकडे अवैध शस्त्र असल्याची माहिती पोलिसांना मिळाली होती. त्यानुसार पोलिसांच्या पथकाने सापळा रचून तपासणी केली असता आरोपीकडे विदेशी बनावटीचे पिस्तूल आढळून आले.
पोलिसांनी सांगितले की, ठाणे शहर पोलीस आयुक्तांनी जारी केलेल्या प्रतिबंधात्मक आदेशानुसार 16 नोव्हेंबर 2026 ते 30 नोव्हेंबर 2026 या कालावधीत ठाणे पोलीस आयुक्तालयाच्या हद्दीत घातक शस्त्रे, बंदुका, तलवारी, चाकू तसेच इतर शस्त्रे बाळगण्यास बंदी घालण्यात आली आहे. असे असतानाही आरोपीने कोणतीही परवानगी न घेता पिस्तूल बाळगून या आदेशाचे उल्लंघन केले.
या प्रकरणी विठ्ठलवाडी पोलीस ठाण्यात आरोपीविरोधात भारतीय शस्त्र अधिनियम कलम 3 व 25 तसेच महाराष्ट्र पोलीस अधिनियम कलम 37(1), 135 अन्वये गुन्हा दाखल करण्यात आला आहे.
Firing News: खंडणीसाठी बांधकाम व्यावसायिकाच्या कारवर गोळीबार! अवघ्या ८ तासांत गुन्ह्याचा उलगडा
ही कामगिरी वरिष्ठ पोलीस निरीक्षक चंद्रहार गोडसे आणि पोलीस निरीक्षक (गुन्हे) प्रशांत खरात यांच्या मार्गदर्शनाखाली पोलीस उपनिरीक्षक मिसाळ, पोलीस हवालदार सांगळे, पोलीस हवालदार दिलीप चव्हाण आणि पोलीस कॉन्स्टेबल गायकवाड यांच्या पथकाने यशस्वीरीत्या पार पाडली.
Ans: जॉन्सन रॉबर्ट अँथनी (वय 23) या तरुणाला विदेशी बनावटीच्या पिस्तुलासह अटक करण्यात आली.
Ans: विठ्ठलवाडी पोलीस ठाण्याच्या पथकाने ही कारवाई केली.
Ans: आरोपीकडून विदेशी बनावटीचे पिस्तूल आढळून आले.






