मुंबईची ग्लोबल झेप! ‘वर्क फ्रॉम एनिव्हेअर’मध्ये लंडन-मियामीला टाकलं मागे

काम आणि पर्यटनाचा मेळ साधणाऱ्या ‘वर्केशन’साठी मुंबईने जागतिक पातळीवर दमदार एन्ट्री केली आहे. ‘वर्क फ्रॉम एनिव्हेअर इंडेक्स २०२६’मध्ये मुंबईला ७७ गुण मिळाले असून, लंडन आणि मियामीसारख्या शहरांना मागे टाकत मुंबईने आपली छाप उमटवली आहे.

• भारतातून केवळ मुंबईचा ‘वर्क फ्रॉम एनिव्हेअर इंडेक्स’मध्ये समावेश.
• मुंबईला ७७ गुण; को-वर्किंग स्पेस, हवामान आणि निवासाच्या बाबतीत चांगली कामगिरी.
• ५१% कर्मचाऱ्यांना ‘वर्क फ्रॉम एनिव्हेअर’ची सुविधा, तर ९०% जणांच्या मते यामुळे वर्क-लाईफ बॅलन्स सुधारला.

काम आणि पर्यटनाचा मेळ साधणाऱ्या ‘वर्केशन’साठी मुंबईने जागतिक पातळीवर आपली छाप उमटवली आहे. इंटरनॅशनल वर्कप्लेस ग्रुप (आयडब्ल्यूजी) च्या २०२६ ‘वर्क फ्रॉम एनीव्हेअर इंडेक्स’मध्ये मुंबईचा पहिल्यांदाच समावेश झाला असून, या यादीत स्थान मिळवणारे मुंबई हे भारतातील एकमेव शहर ठरले आहे. मुंबईला ७७ गुण मिळाले असून, शहराने लंडन आणि मियामीसारख्या शहरांनाही मागे टाकले आहे. पर्यटनाच्या ठिकाणी राहून कार्यालयीन काम करण्यायोग्य शहरांच्या आयडब्ल्यूजीच्या चौथ्या वार्षिक निर्देशांकात जगभरातील शहरांचे मूल्यमापन अशा ठिकाणांच्या दृष्टीने करण्यात आले आहे, जिथे व्यावसायिकांना प्रवास करतानाही दूरस्थ पद्धतीने काम करता येते.

Government Decision : मुख्यमंत्र्यांचा मंत्र्यांनाच दणका; ‘त्या’ 314 नियुक्त्याच केल्या रद्द

५१ टक्के कर्मचाऱ्यांना वर्क फ्रॉम एनिव्हेअरची सुविधा

हवामान, ब्रॉडबैंडचा वेग व गुणवत्ता, निवासाची उपलब्धता, वाहतूक खर्च, खाद्यसंस्कृती, स्थानिक संस्कृती तसेच को वर्किंग आणि फ्लेक्सिबल वर्कस्पेसची उपलब्धता या निकषांवर शहरांना गुण देण्यात आले. आयडब्ल्यूजीच्या स्वतंत्र सर्वेक्षणानुसार, सर्वेक्षणातील ५१ टक्के कर्मचाऱ्यांना त्यांच्या कंपन्यांकडून वर्क फ्रॉम एनीव्हेअरची सुविधा आधीच उपलब्ध आहे. ९० टक्के कर्मचाऱ्यांनी या सुविधेमुळे वर्क लाईफ बॅलन्स सुधारल्याचे, तर ८० टक्के कर्मचाऱ्यांनी उत्पादकता वाढल्याचे सांगितले. तसेच, ६२ टक्के कर्मचाऱ्यांनी अधिक चांगले वर्क फ्रॉम एनीव्हेअर धोरण मिळाल्यास नोकरी बदलण्याचा विचार करण्याची तयारी दर्शवली.

ब्रॉडबँडचा वेग आणि गुणवत्तेत मुंबई कमकुवत

को-वर्किंग आणि फ्लेक्सिबल ऑफिसची उपलब्धता, हवामान आणि निवासाच्या बाबतीत चांगली कामगिरी केली. मात्र, ब्रॉडबैंडचा वेग व गुणवत्ता, स्थानिक कार्यक्रमांची उपलब्धता आणि ‘हॅपिनेस इंडेक्स ‘मध्ये मुंबईची कामगिरी तुलनेने कमकुवत राहिली. जागतिक क्रमवारीत बैंकॉक १०६.५ गुणांसह पहिल्या, टोकियो ९६.५ गुणांसह दुसऱ्या आणि बार्सिलोना ९५.५ गुणांसह तिसऱ्या क्रमांकावर आहेत. पोलों आणि व्हॅन्कुव्हर यांनी पहिल्या पाचमध्ये स्थान मिळवले आहे.

Mumbai News: काँक्रिटच्या रस्त्यावर सरावाचे थर; मॅटची गरज वाढली! मातीचे मैदानच शहर आणि उपनगरातून झाले हद्दपार

व्यावसायिकांना मुंबईचे आकर्षण

घरून किंवा जगातील कोणत्याही ठिकाणाहून काम करण्याची संकल्पना वेगाने लोकप्रिय होत असताना, २०२६ च्या ‘वर्क फ्रॉम एनीव्हेअर इंडेक्स ‘मध्ये मुंबईचा समावेश भारतातील रिमोट वर्क आणि फ्लेक्सिबल ऑफिसच्या वाढत्या पायाभूत सुविधांचे संकेत मानला जात आहे. या निर्देशांकात मुंबईने ७७ गुण मिळवत लंडन आणि मियामीसारख्या जागतिक शहरांनाही मागे टाकले आहे. या यादीत मुंबईचा समावेश होणारे हे पहिलेच वर्ष आहे. कामाच्या ठिकाणासोबतच पर्यटन, संस्कृती आणि विश्रांतीचा अनुभव घेऊ इच्छिणाऱ्या व्यावसायिकांसाठी मुंबईचे आकर्षण वाढत असल्याचे या क्रमवारीतून स्पष्ट झाले आहे.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)