फोटो सौजन्य- pinterest
नारळी पौर्णिमेचा सण गुरुवार, 27 ऑगस्ट रोजी सर्वत्र उत्साहात साजरा केला जाणार आहे. मुंबई आणि नवी मुंबईतील कोळीवाड्यांमध्ये सणाची लगबग सुरू झाली आहे. समुद्राशी असलेले नाते आणि पिढ्यानपिढ्या जपलेली सागरी संस्कृती जपणाऱ्या कोळी समाजासाठी हा दिवस विशेष महत्त्वाचा मानला जातो. त्यामुळे सणाच्या आठवडाभर आधीपासूनच कोळीवाड्यांमध्ये उत्साहाचे वातावरण पाहायला मिळत आहे.
कोळी समाजाच्या सागरी जीवनाशी आणि संस्कृतीशी अटूट नाते सांगणारा नारळी पौर्णिमा उत्सव अन्य काही दिवसांवर येऊन ठेपला असून, मुंबईसह नवी मुंबईतील कोळीवाड्यात या उत्सवाची लगबग आतापासूनच सुरू झाली आहे. सणाच्या आठवडाभर आधीपासूनच कोळी बांधवांच्या उत्साहाला उधाण आले असून, संपूर्ण कोळीवाडा सणाच्या तयारीत मग्न झाला आहे. नारळी पौर्णिमा हा कोळी समाजासाठी केवळ धार्मिक सण नाही, तर समुद्राशी असलेले नाते, पूर्वजांनी परंपरा आणि आपल्या सागरी संस्कृतीचा अभिमान व्यक्त करणारा भावनिक सोहळा आहे.
या सणाची चाहूल लागताच कोळी बांधवांमध्ये एक वेगळाच उत्साह संचारतो. या सणांच्या पार्श्वभूमीवर कोळी बांधव आपल्या होड्यांना रंगरंगोटी करून त्यांना नवे रूप देत आहेत. कुठे होड्यांवर आकर्षक रंग चहकिले जात आहेत, तर कुठे त्यांच्या दुरुस्तीचे काम अंतिम टप्प्यात आले आहे.
यावेळी बंदरकिनारी रंगीबेरंगी पताका, झेंडे आणि फुलांच्या सजावटीने होड्या सजवल्या जात असून, समुद्रकिनाऱ्यावर एक वेगळेच चैतन्य पाहायला मिळत आहे.
तर, कोळीवाड्यात अनेक ठिकाणी कोळी गीतांच्या नृत्याचे सराव सुरू असून, लहानांपासून ज्येष्ठांपर्यंत प्रत्येकाच्या चेहऱ्यावर सणांचा एक वेगळा आनंद दिसून येत आहे. त्यामुळे अनेकांच्या मनात समुद्रदेवतेप्रती कृतज्ञता आणि आपल्या पूर्वजांच्या आठवणी दाटून येतात.
समुद्र आमचा सखा, होडी आमची सोबती आणि नारळी पौर्णिमा आमचा अभिमान या भावनेतून नारळ सोन्याचा, दिवाळे गावाचा हा उत्सव मोठ्या उत्साहात साजरा केला जाणार असून, यंदाही सिद्धी मित्र मंडळ, दिवाळे कोळीवाडा व ग्रामस्थ यांच्या पुढाकाराने नारळी पौर्णिमा उत्सवाचे आयोजन करण्यात आले आहे.
उत्सवाच्या निमित्ताने कोळी समाजाची पारंपरिक संस्कृती, सागरी जीवनशैली आणि पिढ्यानपिढ्या जपलेल्या परंपराचे दर्शन घडणार असल्याचे सिद्धी मित्र मंडळांच्या आयोजकांनी सांगितले.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
.png "Videos"){kind=small}
