फोटो सौजन्य सोशल मीडिया
सोने चौदा महिन्यांतील नीचांकी पातळीवर पोहोचले असून सराफा बाजारात ग्राहकांची वर्दळ वाढू लागली आहे. मात्र, दरातील या घसरणीमुळे ग्राहक आनंदात असले तरी सराफा व्यावसायिकांसमोर जुन्या साठ्याच्या मूल्यांकनाचे नवे आव्हान उभे राहिले आहे.
देशांतर्गत सराफा बाजारात सोन्याच्या किमतीत मोठी घसरण नोंदवण्यात आली आहे. शुक्रवारी सलग पाचव्या दिवशी सोन्याचे दर कमी झाले. प्रति १० ग्रॅम सोन्याच्या किमतीत तब्बल ६,८०० रुपयांची घट होऊन भाव १,२४,५०० रुपयांवर आला. यापूर्वी हाच दर १,३१,३०० रुपये होता. सोन्याप्रमाणेच चांदीच्या दरातही मोठी घसरण झाली.
प्रति किलो चांदीचा भाव १०,५०० रुपयांनी कमी होऊन १,५५,१०० रुपयांवर आला. मागील सत्रात चांदी १,६५,६०० रुपये प्रति किलो होती. या घसरणीमुळे बाजारात खरेदीसाठी अनुकूल वातावरण निर्माण झाले आहे.
Nagpur News : अधिवेशनापूर्वी अवैध होर्डिंग्जवर मनपाचा बडगा; विशेष मोहीम राबवणार
सोन्याच्या दरातील घसरण ग्राहकांसाठी फायदेशीर ठरत असली तरी दागिने व्यावसायिकांसाठी ती चिंतेचा विषय बनली आहे. सराफा व्यापाऱ्यांकडे मोठ्या प्रमाणात सोन्याचा साठा असतो. हा साठा आधीच्या महाग दराने खरेदी केलेला असतो. मात्र, बाजारभाव अचानक कमी झाल्यामुळे जुन्या साठ्याचे मूल्य घटते.
त्यामुळे सध्याच्या कमी दरात दागिन्यांची विक्री करताना व्यावसायिकांच्या नफ्यावर परिणाम होण्याची शक्यता आहे. ग्राहकांची वाढती गर्दी आणि जुन्या मालाचे कमी झालेले मूल्य अशा दुहेरी परिस्थितीचा सामना सराफा बाजाराला करावा लागत आहे.
Nagpur News : ईडीकडून रेती माफियांची १६ कोटींची मालमत्ता जप्त; नागपूर-भंडाऱ्यात मोठी कारवाई
जानेवारी महिन्यात सोन्याने प्रति १० ग्रॅम १,८३,००० रुपयांचा विक्रमी टप्पा गाठला होता. मात्र, त्यानंतर आतापर्यंत सोन्याच्या दरात सुमारे ५८,५०० रुपयांची घसरण झाली आहे. सध्या सोने १.२४ लाख रुपयांच्या आसपास उपलब्ध आहे. दुसरीकडे, चांदीनेही जानेवारीमध्ये प्रति किलो ४,११,००० रुपयांचा विक्रमी भाव गाठला होता.
त्यानंतर अकरा महिन्यांत चांदी तब्बल २,५५,९०० रुपयांनी स्वस्त झाली आहे. सध्या चांदीचा भाव १,५५,१०० रुपयांवर आला आहे. त्यामुळे लग्नसराईत दागिने खरेदीचे नियोजन करणाऱ्या ग्राहकांना मोठा दिलासा मिळण्याची शक्यता आहे.






