Ravindra chavhan anil sole
Nagpur Graduate Election : महाराष्ट्र विधान परिषदेच्या पदवीधर आणि शिक्षक मतदारसंघाच्या पाच जागांसाठी निवडणूक प्रक्रिया सुरू आहे. राज्यभरात वेगवेगळ्या मतदारसंघातून उमेदवारीसाठी महायुती आणि महाविकास आघाडीमध्ये जागावाटपाच्या मुद्द्यावरून धुसफूस चालू असल्याचे चित्र पाहायला मिळत आहे. अश्यातच, नागपूर पदवीधर मतदारसंघात भाजपमध्येच अंतर्गत कलह पाहायला मिळत आहे. नागपूर पदवीधर मतदारसंघातून भाजपने माजी आमदार सुधाकर कोहळे यांना उमेदवारी दिली आहे. मात्र, पक्षाचे ज्येष्ठ नेते आउमेदवारी अर्ज दाखल करण्याची अंतिम तारीख 6 ऑक्टोबर 2026 आहे. नागपूर पदवीधर मतदारसंघातून भाजपने माजी आमदार सुधाकर कोहळे यांना उमेदवारी दिली आहे. मात्र, पक्षाचे ज्येष्ठ नेते आणि माजी आमदार अनिल सोले यांनी अपक्ष उमेदवारी अर्ज दाखल केल्याने भाजपसमोर नवा पेच निर्माण झाला आहे.
अनिल सोले यांची नाराजी दूर करण्यासाठी भाजप प्रदेशाध्यक्ष रवींद्र चव्हाण नागपुरात त्यांच्या घरी पोहोचले. सोले हे पक्षाचे ज्येष्ठ आणि निष्ठावंत कार्यकर्ते असून उमेदवारी न मिळाल्याने ते काहीसे नाराज असल्याचं चव्हाण यांनी सांगितलं. सोले यांच्या मनातील भावना जाणून घेण्यासाठी आपण त्यांच्या घरी आलो असल्याचं चव्हाण यांनी माध्यमांशी बोलताना स्पष्ट केलं. मात्र, चव्हाण घरी पोहोचले त्यावेळी अनिल सोले घरी नसल्याने दोन्ही नेत्यांची भेट होऊ शकली नाही.
पुढील दोन-तीन दिवसांत पक्षातील वरिष्ठ नेते सोले यांची भेट घेतील आणि त्यांची नाराजी दूर करण्याचा प्रयत्न केला जाईल, असं रवींद्र चव्हाण यांनी सांगितलं. सोले पक्षासोबतची निष्ठा कायम ठेवतील, असा विश्वासही त्यांनी व्यक्त केला.
Eknath Shinde : मोदींची भेट घेताच शिंदेंची मोठी घोषणा; मंगेश चिवटे पुण्यातून लढणार
दरम्यान, अनिल सोले यांनी आपली भूमिका स्पष्ट केली आहे. कार्यकर्ते, पाठीराखे आणि गेल्या 25 वर्षांपासून या मतदारसंघातील शिक्षकांनी उमेदवारी दाखल करण्याचा आग्रह केल्याने आपण अर्ज दाखल केल्याचं सोले यांनी सांगितलं. “माझा मतदारांवर पूर्ण विश्वास आहे. निवडणुकीला सामोरे जाण्याचा निर्धार आम्ही केला आहे,” असं त्यांनी म्हटलं.
तसंच मुख्यमंत्री देवेंद्र फडणवीस, केंद्रीय मंत्री नितीन गडकरी, चंद्रशेखर बावनकुळे आणि पक्षातील इतर नेत्यांना आपण गेल्या अनेक दिवसांपासून या निवडणुकीसंदर्भातील आपली भूमिका सांगितली असल्याचंही सोले यांनी स्पष्ट केलं.
“माघार घेण्याचा प्रश्न उद्भवत नाही. आमचा निर्णय झालेला आहे. मी उमेदवारी अर्ज दाखल केला आहे. मी निवडणूक लढवणार आहे,” अशी ठाम भूमिका अनिल सोले यांनी मांडली.
भाजपने नागपूर पदवीधर मतदारसंघासाठी सुधाकर कोहळे यांना अधिकृत उमेदवारी दिली आहे. काँग्रेसकडून विद्यमान आमदार अभिजीत वंजारी रिंगणात आहेत. त्यातच भाजपचे अनिल सोले अपक्ष म्हणून मैदानात उतरल्याने निवडणुकीचं समीकरण चर्चेत आलं आहे.
रवींद्र चव्हाण यांनी नागपूर पदवीधर मतदारसंघाची जागा भाजप जिंकेल, असा विश्वास व्यक्त केला आहे. दुसरीकडे, सोले यांनी माघार घेणार नसल्याचं स्पष्ट केलं आहे. त्यामुळे आता 9 ऑक्टोबरपर्यंत ते उमेदवारी कायम ठेवतात का, याकडे लक्ष लागलं आहे. उमेदवारी अर्ज मागे घेण्याची अंतिम तारीख 9 ऑक्टोबर असून मतदान 23 ऑक्टोबरला होणार आहे.
.png "Videos"){kind=small}
