फोटो सौजन्य सोशल मीडिया
मात्र, सकाळच्या पावसानंतर दाटलेले ढग आणि धुक्यामुळे हवाई कसरतींचा रंग फिका पडला. सारंग आणि सूर्यकिरण पथकाने प्रात्यक्षिके सादर केली. मात्र, आकाशगंगा पथकाचे पॅराग्लायडिंग होऊ शकले नाही. सुखोई-३० एमकेआय या लढाऊ विमानानेही नियोजित ३ ऐवजी केवळ एकच फ्लायपास्ट केला. वायुसेनानगर येथील मॅटेनन्स कमांड परिसरात एअर शोची रंगीत तालीम आयोजित केली होती.
सुरक्षेच्या कारणास्तव या परिसरात केवळ निमंत्रितांनाच प्रवेश दिला होता. त्यामुळे सर्वसामान्य नागरिकांना बाहेरूनच हवाई कसरती पाहण्याची संधी होती. यापूर्वीच्या अनुभवामुळे अमरावती मार्ग, फुटाळा तलाव, दाभा आणि काचीमेट परिसरात सकाळपासूनच नागरिकांची गर्दी झाली होती. अनेक पालक मुलांना घेऊन आले होते. रस्त्यांच्या कडेला वाहनांच्या रांगा लागल्या होत्या, तर प्रत्येकाची नजर आकाशाकडे लागली होती.
Nagpur News : लग्नसराईत सोने-चांदीचे भाव ‘धडाम; परिणाम लग्नसराईतील खरेदीवर
हवाई कसरती पाहण्यासाठी फुटाळा तलाव परिसरात पोहोचलेल्या नागरिकांना पोलिस बंदोबस्ताचाही सामना करावा लागला. बिरसा मुंडा चौकातूनच बैरिकेडिंग करून रस्ता बंद करण्यात आला होता, नागपूर विद्यापीठाच्या कॅम्पस चौकाकडून येणा-या मार्गावरही निबंध होते. दाभा मार्गावर काही नागरिकांना पुढे जाण्याची परवानगी देण्यात आली, तर अनेकांना रोखण्यात आले. कुटुंबीयांसह दूरवरून आलेल्या नागरिकांना आकाशातील कसरती न पाहताच परतावे लागले.
काही वर्षांपूर्वी नागपुरातील सोनेगाव वायुसेना तळावर एअर शोचे आयोजन केले जात होते. त्यावेळी निमंत्रितांना प्रवेश असला, तरी बाहेरील परिसरातून सर्वसामान्य नागरिकांना हवाई कसरती पाहता येत होत्या. विविध लढाऊ विमाने, हेलिकॉप्टर आणि अन्य विमानांचे प्रदर्शनही भरविले जात होते. मात्र, आता एअर शो केवळ निमंत्रितांपुरता मर्यादित राहिल्याने सर्वसामान्य नागरिकांना त्यापासून वंचित राहावे लागत आहे. त्यामुळे पूर्वीप्रमाणे सोनेगाव वायुसेना तळावर सर्वांसाठी खुल्या एअर शोचे आयोजन करावे, अशी मागणी नागरिकांकडून होत आहे.
शनिवारी अनेक पालक मुलांना घेऊन एअर शोची रंगीत तालीम पाहण्यासाठी पोहोचले होते. विमानांचा आवाज ऐकताच नागरिकांच्या नजरा आकाशाकडे वळत होत्या. मात्र, हवामानामुळे अपेक्षित प्रात्यक्षिके पाहता न आल्याने अनेकांची निराशा झाली.
Nagpur News : अधिवेशनापूर्वी अवैध होर्डिंग्जवर मनपाचा बडगा; विशेष मोहीम राबवणार
शनिवारी सकाळी झालेल्या पावसानंतर आकाशात ढग दाटून आले होते. धुक्यामुळे दृश्यमानता आणि प्रकाशावरही परिणाम झाला. याचा फटका हवाई प्रात्यक्षिकांना बसला. सारंग हेलिकॉप्टर प्रदर्शन पथक आणि सूर्यकिरण एरोबॅटिक पथकाने आकाशात कसरती सादर केल्या. मात्र, प्रतिकूल हवामानामुळे त्यांच्या प्रदर्शनावरही मर्यादा आल्या.
हवाई कसरती पाहण्यासाठी फुटाळा तलाव परिसरात पोहोचलेल्या नागरिकांना पोलिस बंदोबस्ताचाही सामना करावा लागला. बिरसा मुंडा चौकातूनच बॅरिकेडिंग करून रस्ता बंद करण्यात आला होता. नागपूर विद्यापीठाच्या कॅम्पस चौकाकडून येणाऱ्या मार्गावरही निर्बंध होते. दाभा मार्गावर काही नागरिकांना पुढे जाण्याची परवानगी देण्यात आली, तर अनेकांना रोखण्यात आले. कुटुंबीयांसह दूरवरून आलेल्या नागरिकांना आकाशातील कसरती न पाहताच परतावे लागले.






