शुक्रवार, 16 ऑक्टोबर 2026
फोटो सौजन्य सोशल मीडिया
संकुलाच्या पायऱ्यांपासून भिंतीपर्यंत सर्वकाही जीर्ण दिसू लागले आहे. संकुलातील दुकानांच्या छतांतून पावसाचे पाणी टपकते. दुकानदारांना छतावरच प्लास्टिक अथवा अन्य उपाय करून काम भागवावे लागत आहे. अशा परिस्थितीत दुकानदारांच्या व्यवसायावरही परिणाम होत आहे.
‘नवराष्ट्र’शी बोलताना दुकानदारांनी या व्यावसायिक संकुलाच्या दुरवस्थेबाबत चिंता व्यक्त केली. दुकानदारांनी सांगितले की, या संकुलाचे बांधकाम वर्ष २००२ मध्ये झाले होते. यात सुमारे ११४ दुकाने आहेत. मागील १५ ते १७ वर्षांपासून इमारतीची देखभाल आणि रंगरंगोटी झालेली नाही. त्यामुळे तिची स्थितीही सातत्याने जीर्ण होत आहे.
बाहेरपासून आतपर्यंत इमारत झाली बेरंग नासुप्रच्या या व्यावसायिक संकुलाची पाहणी केल्यानंतर परिस्थिती धक्कादायक दिसून आली. बाहेरील परिसरापासून आतपर्यंत सर्वत्र इमारत बेरंग दिसली. भिंती वर्षानुवर्षे साफही करण्यात आलेल्या नसाव्यात, असे चित्र दिसून आले. ठिकठिकाणी धूळ आणि स्वच्छतेचा अभाव दिसून आला. अनेक ठिकाणी छत खराब झाल्याचे दिसले. पायऱ्यांचीही अशीच अवस्था पाहायला मिळाली.
Nagpur News : मेट्रो सिटीकडे वाटचाल ,ट्राफिक मात्र जुन्याच वाटेवर
इमारतीत पुरुष आणि महिलांसाठी शौचालयाचीही व्यवस्था करण्यात आली आहे .मात्र देखभालीअभावी त्याची अवस्थाही दयनीय झाली आहे.विशेषतःमहिलांच्या शौचालयाची स्थिती अत्यंत खराब दिसून आली. महिलांच्या शौचालयाला नेहमीच कुलूप लावलेले असते. महिला शौचालयाच्या दरवाजाचा खालचा भागही तुटलेला आहे. त्यामुळे महिलांनाही येथे जाण्यास अस्वस्थ वाटत असावे.
पावसाळ्याच्या दिवसांत व्यवसायाचाही वाट लागते.दुकानाच्या छतामधून पाणी टपकते. त्यामुळे मोठ्या त्रासाला सामोरे जावे लागते. छतावर प्लास्टिक लावून काम भागवावे लागत आहे. संकुलाच्या छतावरूनही पावसाचे पाणी खाली पडते. अनेक दुकानामध्ये पाणी साचते. सुमारे १५ वर्षांपासून इमारतीची रंगरंगोटीही करण्यात आलेली नाही. दुकानदार नासुप्रला नियमितपणे ग्राउंड टॅक्स देतात.
८ संकुलातील दुकाने ३० वर्षाच्या लीजवर देण्यात आली आहेत आणि दुकानदार नासुप्रला ग्राउंड टॅक्सचा भरणा करतात. दुकानदार असोसिएशनकडून आपल्या पातळीवरच स्वच्छता आणि मूलभूत व्यवस्थांची काळजी घेतली जात आहे, तर इमारतीच्या मुख्य ढाच्याच्या देखभालीची जबाबदारी नासुप्रची आहे.
असोसिएशनने नासुप्रला अर्ज देऊन या जुन्या इमारतीला पाडून नवीन कॉम्प्लेक्स बांधण्याची मागणी केली आहे; मात्र अनेक अर्ज देऊनही आतापर्यंत या दिशेने कोणतेही ठोस पाऊल उचलण्यात आलेले नाही. लवकरात लवकर याच्या नूतनीकरणाची आणि पुनर्बाधणीची प्रक्रिया सुरू होणे आवश्यक आहे.
