नाना पटोले यांच्या गाडीला भीषण अपघात, ट्रकने दिलेल्या धडकेत गाडीचे मोठे नुकसान

भंडाऱ्यामध्ये काल प्रचार करून घरी परत जात असताना काँग्रेसचे प्रदेशाध्यक्ष नाना पटोले यांच्या गाडीला भीषण अपघात झाला आहे. या अपघातामध्ये कोणतीही जीवितहानी झाली नाही. नाना पटोलेंच्या गाडीला ट्रकने मागून येऊन जोरदार धडक दिली.

Follow Us:

Follow Us:

भंडाऱ्यामध्ये काल प्रचार करून घरी परत जात असताना काँग्रेसचे प्रदेशाध्यक्ष नाना पटोले यांच्या गाडीला भीषण अपघात झाला आहे. या अपघातामध्ये कोणतीही जीवितहानी झाली नाही. नाना पटोलेंच्या गाडीला ट्रकने मागून येऊन जोरदार धडक दिली. यामध्ये नाना पटोले यांच्या गाडीचे मोठे नुकसान झाले आहे. अपघातामध्ये नाना पटोले हे थोडक्यात बचावले आहेत. भंडारा शहराच्या बाजूला असलेल्या भीलवाडा गावाजवळ ही घटना घडली. मंगळवारी नाना प्रचार पूर्ण करून रात्री गावी जाण्यासाठी निघाले होते. त्यावेळी मागून येणाऱ्या ट्रकने त्यांच्या गाडीला जोरदार धडक दिली.

नाना पटोलेंच्या गाडीला अपघात

विरोधी पक्षाच्या नेत्यांना संपवून भाजपाला निवडणूक जिंकायची आहे का? काल रात्री नाना पटोले भंडारा जिल्ह्याची प्रचार सभा संपवून गावी जाण्यासाठी निघाले होते. तेव्हा रात्रीच्या सुमारास कारदा गावाजवळ त्यांच्या गाडीला धक्का देऊन त्यांना चिरडण्याचा प्रयत्न करण्यात आला. त्यांच्या गाडीला मागून एका ट्रकने जोरदार धडक दिली. यामध्ये नाना पटोले यांच्या गाडीचे मोठे नुकसान झाले आहे. घडलेली ही घटना अत्यंत गंभीर असून घातपात करण्याचा डाव होता का? असा सवाल उपस्थित करण्यात आला आहे. घातपात करण्याचा डाव असल्याची शंका आहे. मात्र मायबाप जनतेच्या आशिर्वादाने नाना पटोले साहेबांना कोणतीही इजा झाली नसून ते सुखरूप आहेत.

काल नाना पटोले हे महाविकास आघाडीचे उमेदवार प्रशांत पडोळे यांचा प्रचार पूर्ण करून गावी जाण्यासाठी निघाले होते. त्यावेळी भिलेवाडा गावाजवळ त्यांच्या गाडीला एका ट्रकने जोरदार धडक दिली.ट्रकने जोरदार धडक दिल्याने भीषण अपघात घडला. नाना पटोले ज्या गाडीमध्ये बसून प्रवास करत होते, त्या गाडीच्या मागील भागाचा पूर्णपणे चुराडा झाला आहे. तर गाडीमध्ये असलेल्या इतर कोणालाही दुखापत झाली नाही. या घटनेचा पोलिसांकडून तपास केला जात आहे. चालकाचे ट्रक वरील नियंत्रण सुटल्याने हा अपघात झाल्याचे प्राथमिक तपासात सांगण्यात आले आहे.

अपघातावर अतुल लोंढेंनी दिली प्रतिक्रिया

नाना पटोले यांच्या गाडीला अपघात झाल्यानंतर अतुल लोंढे पाटील यांनी आपली प्रतिक्रिया दिली आहे. अतुल लोंढे म्हणाले, विरोधी पक्षाच्या नेत्यांना संपवून भाजपला निवडणूक जिंकायची आहे का? असा सवाल अतुल लोंढे यांनी उपस्थित केला आहे. नाना पटोले यांच्या अपघातावर अनेक शंका निर्माण होत आहेत. घडलेली ही घटना अत्यंत गंभीर असून घातपात करण्याचा डाव होता का? अशी शंका व्यक्त केली जात आहे.

Web Title: Nana patoles car met with a terrible accident the car was heavily damaged in a collision with a truck loksabha nrsk

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com