नाशिकच्या रात्रींमध्ये मुंबईचा नजारा, 'सूफी जीन ईद बाजार' ठरले राज्यातील दुसरे मोठे आकर्षण
नाशिक: रमजानच्या पवित्र महिन्याच्या सुरुवातीसोबतच संपूर्ण ‘जुने नाशिक’ परिसर दिव्यांच्या रोषणाईने उजळून निघाला आहे. शहराचा ऐतिहासिक ‘दूध बाजार’ परिसर सध्या ‘सूफी जीन बाजार’ या आपल्या नवीन ओळखीमुळे केवळ नाशिक जिल्ह्यातच नव्हे, तर संपूर्ण महाराष्ट्रात चर्चेचा विषय ठरला आहे. स्थानिक नगरसेवक सुफियान (सूफी) जीन आणि त्यांच्या टीमच्या उत्कृष्ट नियोजनामुळे या बाजाराला एखाद्या आंतरराष्ट्रीय मेळाव्याचे स्वरूप प्राप्त झाले आहे.
नुकत्याच झालेल्या एका व्यापारी सर्वेक्षणानुसार, महाराष्ट्रातील पहिल्या १० ईद बाजारांच्या यादीत नाशिकच्या ‘सूफी जीन बाजार’ला दुसरे स्थान मिळाले आहे. शहरासाठी ही अभिमानाची बाब असून, येथील व्यवस्था आणि गर्दी आता मुंबईच्या मोहम्मद अली रोडसारख्या प्रतिष्ठित बाजारांना टक्कर देत आहे. या बाजाराने मुंबईच्या मोहम्मद अली रोड वरील बाजारालाही सर्व्हेक्षणात मागे टाकले असून, भेंडी बाजार, माहीम, मिरारोड येथील रमजान बाजारही फिका पडला आहे. गेल्या पंधरा दिवसांपासून दररोज सुमारे २५ ते ३० हजार ग्राहक बाजाराला भेट देत असून, सेफ्टी पीनपासून ते लहान मुले वृद्धांना लागणाऱ्या सर्व वस्तू येथे विक्रीसाठी ठेवण्यात आले आहेत. या शिवाय खान-पानाची चंगळ वेगळीच.
बाजारात खरेदीसाठी उसळणाऱ्या गर्दीचे मुख्य कारण म्हणजे येथे मिळणारी विविधता आणि किफायतशीर दर, येथे उपलब्ध असलेल्या प्रमुख वस्तूमध्ये नवीन फॅशनची बरोबरी साधण्यात दुकानदारांनी कोणतीही कमतरत्ता ठेवलेली नाही. अत्तराचा घमघमाटापासून ते धरसामानाच्या सजावटीच्या वस्तुनी डोळे दिपवून टाकत आहेत.
सूर्य मावळताच या बाजाराचे खरे सौंदर्य उलगडते. आधुनिक एलईडी लाईट्स आणि रंगीबेरंगी सजावटीमुळे संपूर्ण परिसर दिवसासारखा चमकतो. या बाजाराचे सर्वात मोठे वैशिष्ट्य म्हणजे येथील ‘नाईट कल्चर’, इफ्तारनंतर सुरू होणारा हा बाजार पहाटे सहरीपर्यंत आपल्या पूर्ण वैभवात असतो.
नगरसेवक सूफी जीन यानी आयोजित केलेल्या या बाजारामुळे केवळ ग्राहकांनाच नव्हे, तर विक्रेत्यांनाही मोठे व्यासपीठ मिळाले आहे. येथे हजारो स्थानिक दुकानदार आपली दुकाने थाटतात, ज्यातून त्यांची वर्षभरातील सर्वात मोठी कमाई याच एका महिन्यात होते, नाशिक शहराव्यतिरिक्त मालेगाव, येवला, निफाड आणि सिन्नर यांसारख्या भागांतूनही हजारो लोक येथे खरेदीसाठी येत आहेत.
बाजारातील वाढती गादी लक्षात घेऊ स्वयंसेवक तैनात करण्यात आले आहेत, जे वाहतूक आणि सुरक्षा व्यवस्थेची काळजी घेतात. हा बाजार केवळ व्यापाराचे केंद्र नसून नाशिकच्या ‘गंगा-जमुनी’ संस्कृतीचे प्रतीक आहे, जिथे सर्व धर्म आणि वगचि लोक या उत्सवाचा आनंद घेण्यासाठी आणि खरेदीसाठी येतात, अशी माहिती आयोजक नगरसेवक सुफी जीन यांनी दिली.
.png "Videos"){kind=small}
