NCP foundation Day 2025 : काका-पुतणे पुन्हा आमने सामने; युतीची चर्चा असताना दोन राष्ट्रवादीचे दोन मेळावे

NCP 26th foundation Day : अजित पवार व शरद पवार यांच्यामध्ये युतीची चर्चा सुरु असल्याचे बोलले जात होते. मात्र आता दोन्ही नेत्यांनी वेगवेगळे मेळावे घेतले आहेत.

युतीची चर्चा सुरु असताना शरद पवार व अजित पवार यांचा वेगवेगळा वर्धापन दिन मेळावा सुरु झाला (फोटो - सोशल मीडिया)

Follow Us:

Follow Us:

पुणे : राज्यामध्ये लवकरच स्थानिक स्वराज्य संस्थांच्या निवडणूका होणार आहेत. याच पार्श्वभूमीवर राजकीय हालचालींना वेग आला आहे. नेत्यांचे दौरे वाढले असून भेटीगाठी देखील वाढल्या आहेत. राज्यामध्ये सध्या पवार आणि ठाकरे कुटुंब जोरदार चर्चेत आले आहे. अजित पवार आणि शरद पवार यांच्या दोन्ही राष्ट्रवादीचे मनोमिलन होण्याच्या चर्चा रंगल्या आहेत. मात्र आज (दि.10) राष्ट्रवादीचा वर्धापन दिन असून दोन राष्ट्रवादीचे दोन स्वतंत्र मेळावे पार पडत आहे.

आगामी निवडणुकीच्या पार्श्वभूमीवर अजित पवार यांची राष्ट्रवादी आणि शरद पवार यांची राष्ट्रवादी एकत्र येण्याची चर्चा रंगली आहे. दोन्ही नेत्यांच्या अनेक भेटी देखील झाल्या आहेत. तसेच पुण्यातील साखर संकुल येथे बंद दाराआड चर्चा झाली आहे. त्याचबरोबर युतीबाबत शरद पवार यांनी सूचक विधान केले होते. शरद पवार यांनी याबाबत निर्णय सुप्रिया सुळे यांना घेण्यास सांगितले होते. तसेच कौटुंबिक कार्यक्रमामध्ये दोन्ही नेत्यांनी जवळीक वाढल्यामुळे युतीच्या चर्चा रंगल्या होत्या. मात्र वर्धापन दिन असताना दोन्ही राष्ट्रवादी वेगवेगळे मेळावे पार पडत आहे.

राजकीय बातम्या वाचण्यासाठी क्लिक करा 

राष्ट्रवादी शरद पवार गटाचा वर्धापन दिन मेळावा पुण्यामध्ये पार पडत आहे. पुण्यातील बालगंधर्व रंगमंदिरामध्ये शरद पवार गटाचा मेळावा पार पडत आहे. शरद पवार हे कार्यकर्ते आणि पदाधिकाऱ्यांना मार्गदर्शन करणार आहेत. यामुळे समर्थकांची मोठी गर्दी पुण्यामध्ये दिसून येत आहे. तसेच शरद पवार यांची जिद्दीची मोठी फ्लेक्सबाजी करण्यात आली आहे. पुण्यातील या कार्यक्रमाला शरद पवार, खासदार सुप्रिया सुळे आणि प्रदेशाध्यक्ष जयंत पाटील यांच्यासह हजारो कार्यकर्ते उपस्थित आहेत.

अजित पवारांची भूमिका महत्त्वाची

तर राष्ट्रवादी अजित पवार गट देखील 26 वा राष्ट्रवादी वर्धापन दिन साजरा करत आहे. यानिमित्ताने अजित पवार यांचा देखील मेळावा पार पडणार आहे. पिंपरी चिंचवडमधील बालेवाडी येथे राष्ट्रवादी अजित पवार गटाचा मेळाव्याचे आयोदन करण्यात आले आहे. म्हाळुंगे येथील श्री शिवछत्रपती क्रीडा संकुल येथे हा कार्यक्रम आयोजित करण्यात आले आहे. अजित पवार यांच्या समर्थकांची बालेवाडी येथे मोठी गर्दी झाली आहे. यावेळी अजित पवार हे त्यांची भूमिका स्पष्ट करणार आहेत. त्यामुळे सर्व पदाधिकारी आणि कार्यकर्त्यांचे लक्ष अजित पवार यांच्या भूमिकेकडे लागले आहे.

महाराष्ट्रसंबंधित बातम्या वाचण्यासाठी क्लिक करा 

दोन्ही राष्ट्रवादी एकत्र येणार का?

राष्ट्रवादी काँग्रेसच्या वर्धापनदिन कार्यक्रमाच्यावेळी मी या निवडणुका स्वतंत्र लढायच्या की महायुती म्हणून याबाबत भूमिका मांडेन, अशी माहिती उपमुख्यमंत्री तथा राष्ट्रवादी काँग्रेसचे (अजित पवार गट) राष्ट्रीय अध्यक्ष अजित पवार यांनी पत्रकारांशी बोलताना दिली. वसंतदादा शुगर इन्स्टिट्यूट येथे आयोजित बैठकीनंतर पवार पत्रकारांशी बोलत होते. ते म्हणाले, ‘महायुती म्हणून आम्ही एकत्र आहोत. परंतु, अंतिम निर्णय नंतर घेणार आहे. दरम्यान, सध्या दोन्ही राष्ट्रवादी काँग्रेस एकत्र येणार याबाबत चर्चा आहे, यावर बोलताना पवार यांनी याबाबत प्रश्न विचारण्याचा अधिकार तुम्हाला आहे, पण त्याला उत्तर देण्याचा अधिकार माझा आहे, असे सांगून त्यावर अधिकचे भाष्य टाळले.

Web Title: Ncp 26th foundation day in pune ajit pawar sharad pawar live political news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com