मंगळवार, 10 नोव्हेंबर 2026
सुनील तटकरेंच्या विधानाने राष्ट्रवादीच्या राजकारणात पुन्हा खळबळ! (Photo - X)
NCP Merger : राष्ट्रवादी काँग्रेसच्या दोन्ही गटांच्या विलिनीकरणाचा मुद्दा सध्या राज्याच्या राजकारणात चांगलाच चर्चेत आहे. राष्ट्रवादीचे प्रदेशाध्यक्ष सुनील तटकरे यांनी याबाबत केलेल्या वक्तव्यानंतर राजकीय वर्तुळात चर्चांना उधाण आलं आहे. त्यातच आता तटकरे पुण्यात दाखल झाले असून ते उपमुख्यमंत्री आणि राष्ट्रवादीच्या राष्ट्रीय अध्यक्षा सुनेत्रा पवार यांची भेट घेणार आहेत. त्यामुळे या भेटीत नेमकी काय चर्चा होणार, याकडे राजकीय वर्तुळाचं लक्ष लागलं आहे.
सुनील तटकरे यांनी पुण्यातील विद्या प्रतिष्ठान येथे अजित पवार यांच्या स्मृतीस्थळाचं दर्शन घेतलं. त्यानंतर माध्यमांशी संवाद साधताना त्यांनी सुनेत्रा पवार यांच्या भेटीची माहिती दिली. ‘मी आईंना भेटणार आहे. त्यामुळे स्वाभाविकच वहिनींची भेट होणार आहे. कालच फोन करून पुण्याला येत असल्याचं त्यांना सांगितलं होतं,’ असं तटकरे म्हणाले.
विलिनीकरणाच्या चर्चेबाबत विचारलं असता तटकरे यांनी सावध भूमिका घेतली. आज आपण अजित पवार यांच्या पवित्र स्मृतीस्थळावर आहोत. त्यामुळे इथे राजकीय वक्तव्य करणं योग्य ठरणार नाही, असं त्यांनी स्पष्ट केलं. मात्र, ‘विलिनीकरणाचा निर्णय सुनेत्रा वहिनी घेतील. शरद पवार साहेब सहा दशकांपासून राजकारणात आहेत. त्यामुळे विलिनीकरणाचा निर्णय घ्यायचा की नाही, हा त्यांचाही निर्णय असेल,’ असं सूचक विधान त्यांनी केलं.
राष्ट्रवादी काँग्रेसचे एकत्रीकरण भाजपसाठी ठरणार फायद्याचे? पण काँग्रेससमोर असू शकेल राजकीय आव्हान
सध्या विलिनीकरणाचा मुद्दाच समोर नाही. मी भावनाप्रधान आहे. आज मला यावर काही बोलता येणार नाही. वहिनींशी चर्चा केल्यानंतर योग्यवेळी भूमिका मांडेन, असंही तटकरे यांनी सांगितलं. त्यामुळे त्यांच्या या वक्तव्याची राजकीय वर्तुळात चर्चा सुरू झाली आहे.
दरम्यान, राज्याच्या मंत्रिमंडळातील अर्थखात्याबाबतही सुनील तटकरे यांनी आपली भूमिका स्पष्ट केली. राष्ट्रवादी काँग्रेसला अर्थखातं मिळालंच पाहिजे, असं ते ठामपणे म्हणाले. अजित पवार यांनी राज्याला विक्रमी 21 अर्थसंकल्प दिले. राज्याच्या विकासात त्यांचं मोठं योगदान आहे. मलाही 2010 मध्ये अर्थसंकल्प सादर करण्याची संधी मिळाली होती, अशी आठवण त्यांनी सांगितली.
दिवाळीनिमित्त आपण खेडेगावात होतो. त्यामुळे अलीकडच्या राजकीय घडामोडींची आपल्याला फारशी माहिती नाही, असंही त्यांनी स्पष्ट केलं. आता सुनेत्रा पवार आणि सुनील तटकरे यांच्या भेटीत काय चर्चा होते आणि विलिनीकरणाबाबत काही नवी भूमिका समोर येते का, हे पाहणं महत्त्वाचं ठरणार आहे.
NCP Merger : ‘एवढं रवंथ गायी – म्हशीही करत नाहीत,’ दोन्ही राष्ट्रवादींच्या विलिनीकरणावर राऊत भडकले!
Ans: सुनील तटकरे पुण्यातील विद्या प्रतिष्ठान येथे अजित पवार यांच्या स्मृतीस्थळाचं दर्शन घेण्यासाठी आले आहेत. त्यानंतर ते सुनेत्रा पवार यांची भेट घेणार असल्याचं त्यांनी स्पष्ट केलं आहे.
Ans: राष्ट्रवादीच्या विलिनीकरणाचा निर्णय सुनेत्रा पवार घेतील, असं सुनील तटकरे म्हणाले. शरद पवार हेही सहा दशकांपासून राजकारणात असल्याने त्यांचा निर्णय महत्त्वाचा असेल, असं त्यांनी स्पष्ट केलं.
Ans: राष्ट्रवादी काँग्रेसला राज्याचं अर्थखातं मिळालंच पाहिजे, अशी ठाम भूमिका सुनील तटकरे यांनी मांडली. अजित पवार यांनी राज्याला 21 अर्थसंकल्प दिले असून राज्याच्या विकासात त्यांचं मोठं योगदान असल्याचं ते म्हणाले.
