Maratha Reservation: जरांगे पाटलांचे फडणवीसांबद्दल अपशब्द: राणेंचा धमकीवजा इशारा; म्हणाले, “ती वळवळणारी जीभ…”

Maharashtra Politics: मनोज जरांगे पाटील हे मराठा समाजाला आरक्षण मिळावे यासाठी आक्रमक झाले आहेत. 29 ऑगस्ट रोजी आरक्षणासाठी ते मुंबईत धडक देणार आहेत.

Maharashtra Politics: सध्या राज्यात मराठा आरक्षणाचा मुद्दा पुन्हा एकदा चर्चेत आला आहे. मनोज जरांगे पाटील हे मराठा समाजाला आरक्षण मिळावे यासाठी आक्रमक झाले आहेत. 29 ऑगस्ट रोजी आरक्षणासाठी ते मुंबईत धडक देणार आहेत. बीडमध्ये सभा घेत महायुती सरकारवर जोरदार निशाणा साधला आहे. मात्र यामध्ये अनेकदा जरांगे पाटील यांनी मुख्यमंत्री देवेंद्र फडणवीस यांच्यावर वैयक्तिक टीका केली आहे. यावरुन आता भाजप नेते देखील आक्रमक भूमिका घेतली आहे. मंत्री नितेश राणे यांनी मनोज जरांगे पाटलांना थेट इशाराच दिला आहे.

भाजप नेत्या व विधान परिषदेच्या आमदार चित्रा वाघ यांनी सोशल मीडियावर मराठा नेते मनोज जरांगे पाटील यांच्या व्हिडिओ देखील शेअर केल्या आहेत. या व्हिडिओमध्ये जरांगे पाटील हे देवेंद्र फडणवीस यांच्या आईच्या नावाचा उल्लेख करत त्यांचा अपमान करत आहेत. यावरुन चित्रा वाघ यांनी आक्रमक भूमिका घेतली आहे. दरम्यान आता याच मुद्यावरून मंत्री नितेश राणे देखील आक्रमक झाले आहेत.

काय म्हणाले मंत्री नितेश राणे? 

जे रक्ताने मराठे असतात, ते कधीच कोणाच्या आईबाबट अपशब्द वापरणार नाहीत. ज्या शिवरायांचा आपण आदर्श घेतो, त्या छत्रपती शिवाजी महाराजांनी नेहमीच प्रत्येक माता-भगिनीचा आदरच केलेला आहे. जरांगे पाटलांनी आरक्षणाची लढाई लढावी.

See more

pic.twitter.com/V0djIblksH — Nitesh Rane (@NiteshNRane) August 25, 2025

ती लढाई लढत असताना यांच्या फडणवीस साहेबांच्या आईबद्दल अपशब्द बोलण्याची हिम्मत करत असेल तर, ती वळवळणारी जीभ हातात काढून देण्याची सामर्थ्य आमच्यासारख्या 96 कुळी मराठ्यांमध्ये आहे, हे त्यांनी लक्षात ठेवावे.

अतिच झालं! मनोज जरांगे पाटलांनी आता केली हद्द, थेट मुख्यमंत्री देवेंद्र फडणवीसांच्या आईचा अपमान? पहा व्हिडिओ

तर शब्द मागे घेतो… – जरांगे पाटील 

मनोज जरांगे पाटील यांच्यावर भाजप नेत्यांनी जोरदार टीका करण्यास सुरुवात केली आहे. यानंतर जरांगे पाटील यांनी आपल्या बोलण्याचे स्पष्टीकरण दिले आहे. जरांगे पाटील म्हणाले की, “मी मुख्यमंत्री देवेंद्र फडणवीस यांच्या आईविषयी काही बोललोच नाही. मी त्यांच्या आईवर कुठे आणि केव्हा बोललो. परंतु बोलण्याच्या ओघातून माझ्या तोंडातून तसा काही शब्द गेला असेल तर तो मी माघारी घेईन, ज्या पोलिसांना सस्पेंड करायला पाहिजे होते, त्यांना तू मोठी पदं दिली. पोलिसांनी आमच्या आई-बहि‍णींना मारले तेव्हा त्या रक्ताच्या थारोळ्यात पडल्या होत्या. तुझी आई तुला प्रिय आहे तशी आम्हाला आमची आई प्रिय आहे. तू मराठ्यांना आरक्षण दे तुझ्या आईची पूजा करतो,” असे म्हणत जरांगे पाटील यांनी पुन्हा एकदा देवेंद्र फडणवीसांचा एकेरी उल्लेख केला आहे.