भरधाव दुचाकीच्या धडकेत एकाचा मृत्यू; दुचाकीचालकाला अटक

समोरून भरधाव आलेल्या दुचाकीस्वाराने दिलेल्या धडकेत गंभीर जखमी होऊन एका व्यक्तीचा उपचारापूर्वीच मृत्यू झाला. ही घटना बजाजनगर पोलिस ठाण्यांतर्गत घडली. वसंत पंजाबराव भुरसे (56) रा. आयचित मंदिर रोड, महाल, असे मृताचे नाव आहे.

Follow Us:

Follow Us:

नागपूर : समोरून भरधाव आलेल्या दुचाकीस्वाराने दिलेल्या धडकेत गंभीर जखमी होऊन एका व्यक्तीचा उपचारापूर्वीच मृत्यू झाला. ही घटना बजाजनगर पोलिस ठाण्यांतर्गत घडली. वसंत पंजाबराव भुरसे (वय 56, रा. आयचित मंदिर रोड, महाल) असे मृताचे नाव आहे.

पोलिसांनी वसंत यांचा पुतण्या सुयोग भुरसेच्या तक्रारीवरून गुन्ह नोंदवत आरोपी चालकाला अटक केली आहे. रितेश गजानन गजापुरे (वय 21, रा. मुंशी गल्ली, महाल) असे अटकेतील आरोपीचे नाव आहे.

रितेश हा मुळचा भंडारा जिल्ह्यातील साकोली येथील रहिवासी आहे. तो शिक्षणासाठी नागपुरात आला. महाल परिसरात भाड्याने खोली करून राहतो. शनिवारी दुपारी 1 वाजताच्या सुमारास वसंत त्यांच्या मोपेडने जात होते. बजाजनगरातील धरमपेठ महिला बँकेसमोर विरुद्ध दिशेने भरधाव आलेल्या दुचाकीने त्यांना जबर धडक दिली.

यात खाली पडून वसंत गंभीर जखमी झाले. रितेश हा सुद्धा किरकोळ जखमी झाला. वसंत यांना उपचारार्थ खासगी रुग्णालयात नेले असता डॉक्टरांनी तपासून मृत घोषित केले. या प्रकरणी बजाजनगर पोलिसांनी गुन्हा नोंदवून रितेशला अटक केली.

Web Title: One dies in collision with speeding bike nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com