Palghar Accident : स्टोर रुमची भिंत कोसळली… अन् होत्याचं नव्हतं झालं, तिघांचा मृत्यू

Palghar Accident : विक्रमगड येथील एका रबर फॅक्टरीच्या स्टोअर रुमची भिंत कामगारांवर कोसळून यात तिघांचा मृत्यू झाला आहे. तिघेही स्थानिक असल्याची माहिती समोर येत असून पोलिसांनी या घटनेबाबत तपास सुरू केला आहे,

• पालघर जिल्ह्याच्या विक्रमगडमधील घटना
• जखमींना तातडीने रुग्णालयात नेले
• घटनेबाबत पोलिसांचा तपास सुरू

पालघर जिल्ह्यातील विक्रमगड स्थित गुरुवारी एका रबर कंपनीच्या स्टोअर रुमची भिंत कोसळून झालेल्या अपघातात (Palghar Accident) त्यात तिघांचा मृत्यू झाल्याची घटना घडली आहे. वाडा पोलीस क्षेत्रातील विक्रमगड रोड स्थित टीना रबर कंपनीत ही घटना घडली. सध्या पोलीस याबाबतचा पुढील तपास करत आहेत.

पोलिसांनी दिलेल्या माहितीनुसार, गुरुवारी सकाळी 10 वाजता हे कामगार नाश्ता करत होते. तेव्हा त्यांच्या बाजूला असलेली भिंत अचानक कोसळली. ज्यामुळे अनेक जण ढिगाऱ्याखाली दबले गेले. जवळ उपस्थित इतर लोकांनी तातडीने ढिगारा बाजूला सारण्याचा प्रयत्न केला, पण तोपर्यंत फार उशीर झाला होता. ढिगाऱ्याखाली दबून तिघांचा मृत्यू झाला.

मृतांमध्ये दोन महिलांचा समावेश

मृतांची ओळख पटली असून यात दोन महिलांचा समावेश आहे. मृतांमध्ये विक्रमगडच्या मोहा गावातील केशव वालकु गुनगुणा, विक्रमगडच्या वसूरीमधील मीरा जानू गवळी आणि वाडाच्या कोंब पोशेरी येथील रंजना दिलीप कोंब यांचा समावेश आहे.
अपघाताची माहिती मिळताच पोलीस तातडीने घटनास्थळी दाखल झाली. त्यांनी तीनही मृतदेह ताब्यात घेत ते शवविच्छेदनासाठी पाठवले असून या घटनेची त्यांनी नोंद केली आहे.

नागरिकांच्या आरोग्याचा प्रश्न ऐरणीवर! गढूळ-दूषित पाण्यावरून संताप; राष्ट्रवादी अन् शिंदे शिवसेनेचा प्रशासनाला अल्टिमेटम

मुंबई-पुणे एक्स्प्रेस वेवर बसला आग

याआधी गुरुवारी सकाळी पनवेल जवळ मुंबई-पुणे एक्स्प्रेस वेवर एका बसला अचानक आग लागल्याची घटना घडली आहे. बसमध्ये एकूण 14 प्रवाशी होते. सर्व प्रवाशी सुखरूप असून घटनेनंतर त्यांना दुसऱ्या बसमधून गंतव्य स्थानी रवाना करण्यात आले.
प्राथमिक माहितीनुसार, मुंबई-पुणे एक्स्प्रेस वेवर पुण्याच्या दिशेने जाणाऱ्या एका बसने अचानक पेट घेतला. आग लागल्याची घटना कळताच सर्व प्रवाशांना सुखरूप बसमधून उतरवण्यात आले. सोबतच चालकाने पोलीस व अग्निशमन दलाला तातडीने घटनेची माहिती कळवली.

Crime News: गणपती विसर्जनाला गालबोट ,मंडळ अध्यक्षाचा मृत्यू; विसर्जन मिरवणुकीत अचानक काय घडलं?

पनवेल महानगरपालिका व खोपोली नगर परिषदेच्या अग्निशमन दल घटनास्थळी दाखल होत त्यांनी काही मिनिटांत आगीवर नियंत्रण मिळवले. दरम्यान, ही आग एवढी भीषण होती की, संपूर्ण बस जळून खाक झाली आहे.