Vasai Virar Water Tax Hike : अपुरा पाणीपुरवठा अन् वाढीव पाणीपट्टी! महासभेत सत्ताधारी-विरोधक भिडले; भाजप आक्रमक

Vasai Virar Water Tax Hike : वसई-विरार शहरात अपुऱ्या पाणीपुरवठ्याची समस्या गंभीर झाली असताना, महापालिकेने केलेली पाणीपट्टी करवाढ मागे घेण्याच्या मागणीवरून महासभेत सत्ताधारी आणि विरोधकांमध्ये जोरदार खडाजंगी झाली.

• सत्ताधारी-विरोधकांत जोरदार खडाजंगी
• महासभेत भाजप आक्रमक
• अपुऱ्या पाणीपुरवठा तरीही वाढीव पाणीपट्टी

Vasai Virar Water Tax Hike : शहरातील अनेक भागांत पुरेसा पाणीपुरवठा होत नसताना महापालिकेने केलेली पाणीपट्टी करवाढ अन्यायकारक असल्याचा आरोप करत भाजप नगरसेवकांनी महासभेत तीव्र विरोध केला. एकीकडे नागरिकांना टँकरच्या पाण्यावर अवलंबून राहावे लागत आहे, तर दुसरीकडे वाढीव पाणीपट्टीचा आर्थिक भार सोसायट्या आणि नागरिकांवर टाकला जात असल्याने आधी नियमित पाणी द्या, त्यानंतरच करवाढीचा विचार करा, अशी आक्रमक भूमिका भाजपने घेतली. सोमवारी झालेल्या वसई-विरार महापालिकेच्या महासभेत पाणीप्रश्नावरून सत्ताधारी आणि विरोधकांमध्ये जोरदार खडाजंगी झाली. दावा केला जात प्रत्यक्षात अनेक भागांत अनियमित आणि अपुरा पुरवठा होत असल्याचे नगरसेवकांनी प्रशासनाच्या निदर्शनास आणून दिले. भाजप नगरसेवक हितेश जाधव यांनी नालासोपारा, कारगिल नगर परिसरातील अनेक सोसायट्या, झोपडपट्टी भागात नियमित पाणी मिळत नसल्याचा मुद्दा उपस्थित केला. ( Vasai Virar Water Tax Hike ) 

Vasai Road : ‘नागरिकांच्या जीवाशी खेळ खपवून घेणार नाही!’, आ. स्नेहा दुबेंच्या इशाऱ्यानंतर महापालिकेची धडक कारवाई

वेळपत्रक कोलमडले

वारंवार वीजपुरवठा खंडित होत असल्याने त्यातच ठिकाणी कमी पाणी सोडले जात असल्याच्या तक्रारीही सदस्यांनी केल्या. पाणी वितरणासाठी स्वतंत्र आणि शास्त्रशुद्ध आराखडा तयार करण्याची मागणी करण्यात आली. धुकटन आणि मासवन परिसरातून शहराला पाणीपुरवठा केला जातो. या भागातील वीज खंडित होण्याची समस्या गेल्या सात-आठ वर्षापासून कायम असल्याचे नगरसेवक पंकज देशमुख यांनी सांगितले, त्यामुळे या समस्येवर कायमस्वरूपी उपाययोजना करण्याची मागणी त्यांनी केली.

मार्च २०२७ पर्यंतचे उद्दिष्ट

दरम्यान, पाणीपुरवठ्यातील वीज ‘ट्रिपिंग ‘ची समस्या कमी करण्यासाठी महापालिकेने महावितरणला १ कोटी ३८ लाख रुपये माहिती विडीतील एक कलमीटरपेक्षा अधिक जलवाहिन्यांचे कोटिंग केल्याने ट्रिपिंगची समस्या सुमारे ८० टक्क्यांनी कमी झाल्याचा दावा करण्यात आला. ‘अमृत’ योजनेंतर्गत ४०० किलोमीटरपेक्षा अधिक जलवाहिन्या आणि नदीन पाण्याच्या टाक्यांची कामे सुरू असून, आतापर्यंत ६७ टक्के काम पूर्ण झाले आहे. मार्च २०२७ पर्यंत ही कामे पूर्ण करण्याचे उद्दिष्ट असल्याचे प्रशासनाने सांगितले.

व्यावसायिक, औद्योगिक जोडण्यांना मंजुरी नको

विरोधी पक्षनेते मनोज पाटील यांनी अपुरा पाणीपुरवठा आणि वाढीव पाणीपट्टीमुळे असल्याचे सांगितले. महापालिकेचे पाणी पुरेसे मिळत नसल्याने नागरिकाना टैंकर मागवावा लागती आणि त्याचवेळी वाढीव पाणीपट्टीही भरावी लागते, याकडे त्यानी लक्ष वेधले. सामान्य नागरिक आणि सोसायट्यांना पुरेसा पाणीपुरवठा होईपर्यंत व्यावसायिक व औद्योगिक पाणी जोडण्यांना मंजुरी देऊ नये, अशी मागणीही करण्यात आली.

हप्त्याची सुविधा उपलब्ध

महापौर अजीव पाटील यांनी नागरिकांना सुरळीत पाणीपुरवठा करण्यासाठी प्रशासन प्रयत्नशील असून घरपट्टी किंवा असेसमेंटच्या तांत्रिक कारणांमुळे कोणाचेही पाणी बंद केले जाणार नसल्याची ग्वाही महापौर अजीव पाटील यांनी दिली. वाढीव पाणीपट्टी भरण्यास अडचण असलेल्या सोसायट्वा व नागरिकांना हप्त्याची सुविधा देण्याची सूचना उपमहापौर मार्शल लोपिसे यांनी केली. मात्र पाणीपट्टी करवाढ मागे घेण्याच्या मागणीवर भाजप नगरसेवक ठाम राहिल्याने महासभेत पाणीप्रश्न चांगलाच तापला.

Vasai Virar News : महापालिकेचा मोठा निर्णय? निराधार महिलांच्या अनुदानात होणार वाढ; दरमहा मिळणार ‘इतके’ रुपये