
Pandharpur Kartiki Plastic Free Wari
महाराष्ट्र प्रदूषण नियंत्रण मंडळाचे अध्यक्ष सिद्धेश कदम यांच्या संकल्पनेतून हा उपक्रम राबविण्यात येत आहे. या विशेष बसच्या माध्यमातून राज्यभरातील नागरिकांपर्यंत वसुंधरा संरक्षण, पर्यावरण संवर्धन आणि स्वच्छतेचा संदेश पोहोचविण्यात येणार आहे. ‘सिंगल यूज प्लास्टिकचा वापर टाळा’, ‘कापडी पिशव्यांचा वापर करा’, ‘निसर्ग वाचवा’ अशा संदेशांद्वारे नागरिकांना पर्यावरणपूरक जीवनशैलीचा अंगीकार करण्याचे आवाहन केले जाणार आहे.
कार्तिकी यात्रेत लाखो भाविक दाखल होत असल्याने प्लास्टिक कचरा, नदीपात्रातील अस्वच्छता आणि यात्रा परिसरातील प्रदूषण रोखण्याचे मोठे आव्हान असते. याच पार्श्वभूमीवर मंडळाने जनजागृतीसाठी पारंपरिक लोककलेचा आधार घेतला आहे. कीर्तन, भारूड आणि पोवाड्यांच्या माध्यमातून वारकरी व भाविकांना स्वच्छतेचे महत्त्व पटवून दिले जात आहे. भक्तीच्या सुरांतून पर्यावरण रक्षणाचा विचार रुजविण्याचा हा प्रयत्न आहे.
प्लास्टिकच्या पिशव्यांऐवजी कापडी पिशव्यांचा वापर, कचरा उघड्यावर न टाकणे, चंद्रभागा नदीचे पात्र स्वच्छ ठेवणे आणि यात्रा परिसरात स्वच्छतेचे नियम पाळणे, असा या मोहिमेचा संदेश आहे. पंढरीतून सुरू झालेला हा पर्यावरणाचा जागर राज्यभर पोहोचविण्याचा मंडळाचा प्रयत्न आहे.
यावेळी रोजगार हमी मंत्री भरत गोगावले, महाराष्ट्र प्रदूषण नियंत्रण मंडळाचे अध्यक्ष सिद्धेश कदम, आमदार राजू खरे, आमदार अभिजीत पाटील, नगराध्यक्षा डॉ. प्रणिता भालके, संजय भुसकुटे, माजी आमदार शहाजी पाटील, प्रांताधिकारी सचिन इथापे, तहसीलदार सचिन लंगुटे आदी उपस्थित होते.
Ans: महाराष्ट्र प्रदूषण नियंत्रण मंडळाने (MPCB) ही मोहीम सुरू केली.
Ans: उपमुख्यमंत्री एकनाथ शिंदे यांच्या हस्ते उद्घाटन झाले.
Ans: प्लास्टिक कचरा रोखणे आणि पंढरपूर स्वच्छ ठेवणे हा उद्देश आहे.