शुक्रवार, 23 ऑक्टोबर 2026
Pimpri-Chinchwad women police marriage
आज पुन्हा एकदा या बातमीबद्दल असं समजतंय की त्यांचं ३० ऑगस्टला होणारं लग्न मोडलं. लग्न कशासाठी मोडलं, हे अजून स्पष्ट झालं नसलं तरी घरच्यांचा याला विरोध होता, हे स्पष्ट होत आहे. या बातमीबद्दल अजूनही अस्पष्टता आहे, त्यामुळे ही बातमी खरी की खोटी, याबद्दल नवराष्ट्र खात्री देऊ शकत नाही.
LGBTQ+ समुदाय जुन महिन्यात Pride Month का साजरे करतात? यामागे दडलाय अतिशय विदारक इतिहास!
नक्की कोण आहेत या दोन महिला पोलीस? त्यांची ओळख कशी झाली आणि त्या लग्नापर्यंत कशा पोहोचल्या?
कहाणी फारच रंजक आहे. या दोघी पोलीस भरतीच्या वेळी एकत्र आल्याचं समजते. दोघींमध्ये चांगली मैत्री झाली आणि दोघी एकमेकींच्या प्रेमात पडल्या. म्हणतात ना, प्रेमाला ना वय असतं ना अजून काही. प्रेम कोणावर, कधीही, कसंही होऊ शकतं. त्याची खूप सारी उदाहरणं भारतामध्ये आहेत.
लग्नाला कुटुंबीयांचा विरोध असल्यामुळे त्यांनी वरिष्ठ अधिकाऱ्यांना भेटून या विवाहाला विरोध करावा, अशी विनंती केली आहे. दोन्ही पोलीस महिला सज्ञान आहेत, त्यामुळे कायद्याचा धाक दाखवून लग्न थांबवता येणार नाही. जर त्यांना लग्न करायचंच असेल तर ते खुशाल करू शकतात. पण या लग्नामुळे पुन्हा एकदा समलिंगी विवाहाला मान्यता द्यावी की नाही, याबद्दल चर्चा सुरू झाली आहे.
समाजात नाचक्की तर होणार नाही ना, या भीतीने कुटुंब वावरत आहे. कोण काय म्हणेल, या गोष्टी त्यांना नक्कीच भेडसावत आहेत. लग्नाचा दबाव आणि समाज, या दोन्हीमध्ये कुटुंब आणि या दोन पोलीस महिला अडकल्या आहेत.
