शुक्रवार, 23 ऑक्टोबर 2026
Jalgaon Teacher Adjustment Row: (फोटो सौजन्य- सोशलमीडिया)
Jalgaon Teacher Adjustment Row: जळगाव जिल्ह्यात अतिरिक्त ठरलेल्या खासगी अल्पसंख्याक शाळांतील १३ शिक्षकांच्या जिल्हा परिषदेत करण्यात आलेल्या समायोजन प्रक्रियेवरून प्राथमिक शिक्षण विभागाच्या कामकाजावर प्रश्नचिन्ह निर्माण झाले आहे. सामान्य प्रशासन विभागाला बायपास करून परस्पर मुख्य कार्यकारी अधिकाऱ्यांच्या स्वाक्षऱ्या घेत प्रक्रिया पूर्ण केल्याची माहिती समोर आली आहे. Jalgaon News:
या प्रक्रियेदरम्यान आपण अनुपस्थित असल्याचा दावा सीईओ करिश्मा नायर यांनी यापूर्वीच केला आहे. त्यामुळे समायोजन नेमके कोणाच्या उपस्थितीत आणि कोणत्या प्रक्रियेनुसार झाले, हा प्रश्न उपस्थित होत आहे.
अतिरिक्त ठरलेल्या नगरपालिका शिक्षकांचे समायोजन नियमानुसार आणि आपल्या उपस्थितीत झाल्याचे सीईओ नायर यांनी स्पष्ट केले आहे. मात्र, खासगी अल्पसंख्याक शाळांतील १३ शिक्षकांच्या समायोजनाची फाईल सामान्य प्रशासन विभागातील कार्यालयीन अधीक्षक, प्रशासन अधिकारी आणि कनिष्ठ सहाय्यक यांच्याकडे पडताळणी व अभिप्रायासाठी आली नसल्याचे समजते. संबंधित विभागाची पडताळणी टाळून प्रक्रिया पूर्ण झाली असल्यास, त्यामागील कारणांचा खुलासा होणे आवश्यक आहे.
Jalgaon News: महिलांच्या हाताला बळ, स्वप्नांना नवी भरारी; ‘उमेद’कडून १ …
शासन धोरणानुसार अतिरिक्त शिक्षकांचे समायोजन करताना एकशिक्षकी आणि पेसा क्षेत्रातील शाळांना प्राधान्य देणे अपेक्षित असताना, सोयीच्या पदस्थापना दिल्याचा आरोप करण्यात आला आहे. तालुक्यातल्याच तालुक्यात पदस्थापना दिल्याने शिक्षक व सामाजिक संघटनांनी आक्षेप घेतला आहे. या प्रकरणात प्राथमिक शिक्षण विभागातील दोन कर्मचारी आणि अधिकाऱ्यांची नावे सोशल मीडियावर चर्चेत आली आहेत.
समायोजन प्रक्रियेत ३० लाख रुपयांचे कलेक्शन झाल्याचा दावा सोशल मीडियावरील व्हायरल पोस्टमधून करण्यात आला आहे. या दाव्यामुळे प्रकरणाचे गांभीर्य वाढले असून, त्याची सत्यता स्वतंत्र चौकशीतून तपासण्याची गरज आहे. मात्र, या आरोपांची अद्याप अधिकृत पुष्टी झालेली नाही.
Jalgaon News: ग्रामरोजगार सेवकांचा एल्गार! २४ महिन्यांचे थकीत …
समायोजन प्रक्रियेबाबत शिक्षक व सामाजिक संघटनांनी आक्रमक भूमिका घेतली आहे. शासनाच्या धोरणानुसार पदस्थापना झाल्या का, फाईलची पडताळणी का झाली नाही आणि सोशल मीडियावरील आर्थिक गैरव्यवहाराच्या दाव्यात तथ्य आहे का, याची उत्तरे प्रशासनाला द्यावी लागणार आहेत. लेखी तक्रार प्राप्त झाल्यानंतर समायोजन प्रक्रियेची चौकशी करण्यात येईल, असे सीईओ करिश्मा नायर यांनी स्पष्ट केले आहे.
Ans: खासगी अल्पसंख्याक शाळांतील अतिरिक्त ठरलेल्या १३ शिक्षकांच्या समायोजनावरून वाद निर्माण झाला आहे.
Ans: सोशल मीडियावरील व्हायरल पोस्टमध्ये समायोजन प्रक्रियेत ३० लाख रुपयांचे कलेक्शन झाल्याचा दावा करण्यात आला आहे. मात्र, या दाव्याला अद्याप अधिकृत पुष्टी मिळालेली नाही.
Ans: सीईओ करिश्मा नायर यांच्या म्हणण्यानुसार, लेखी तक्रार प्राप्त झाल्यानंतर समायोजन प्रक्रियेची चौकशी करण्यात येईल.
