Mumbai Metro: प्रताप सरनाईक यांचा थेट आदेश; ‘या’ तारखांपर्यंत मेट्रो ९ आणि मेट्रो ४ मार्गिका सुरू करण्याचे दिले निर्देश

मेट्रो ९ मार्गिका १५ डिसेंबरपर्यंत आणि मेट्रो ४ मार्गिका ३१ डिसेंबर अखेर सुरू करावे, असे स्पष्ट निर्देश परिवहन मंत्री प्रताप सरनाईक यांनी (Pratap Sarnaik) संबंधित अधिकाऱ्यांना दिले.

• प्रवाशांना दिलासा!
• प्रताप सरनाईक यांचा थेट आदेश
• ‘या’ तारखांपर्यंत मेट्रो ९ आणि मेट्रो ४ मार्गिका सुरू करण्याचे निर्देश

मुंबई (६ ऑक्टोबर): ठाणे आणि मीरा-भाईंदर क्षेत्रातील रहिवाशांच्या दृष्टीने अत्यंत महत्त्वाचा विषय असलेल्या मेट्रो ९ मार्गिका १५ डिसेंबरपर्यंत आणि मेट्रो ४ मार्गिका ३१ डिसेंबर अखेर सुरू करावे, असे स्पष्ट निर्देश परिवहन मंत्री प्रताप सरनाईक यांनी (Pratap Sarnaik) संबंधित अधिकाऱ्यांना दिले. मुंबई महानगर क्षेत्र विकास प्राधिकरणाच्या (MMRDA) कार्यालयात आयोजित बैठकीत ते बोलत होते. या बैठकीला महानगर विकास प्राधिकरणाचे अतिरिक्त आयुक्त अश्विनीकुमार मुदगल, ठाणे महापालिका आयुक्त सौरभ राव, मिरा-भाईंदर महानगरपालिका आयुक्त राधा बिनोद शर्मा आणि इतर संबंधित अधिकारी उपस्थित होते.

घोडबंदर रस्ता आणि अंतर्गत रस्त्यांच्या कामाचा आढावा

मंत्री सरनाईक यांनी बैठकीत ठाणे व मिरा-भाईंदर महानगरपालिका क्षेत्रातील MMRDA च्या माध्यमातून सुरू असलेल्या विविध विकास कामांचा आढावा घेतला. सेवा रस्ता विलीनीकरण घोडबंदर मार्गाचा भाग असलेल्या कापुरबावडी ते गायमुख या १०.३२ किलोमीटर मार्गाचे सेवा रस्त्याचे कॉंक्रीटीकरण करून ते मुख्य रस्त्यामध्ये ३१ डिसेंबर अखेर विलीन करण्याचे काम पूर्ण करण्याच्या सूचना त्यांनी दिल्या.

See more

🗓️ ६ ऑक्टोबर २०२५ 📍 वांद्रे ठाणे व मिरा-भाईंदर म.न.पा. क्षेत्रातील विविध विकास कामाबाबत MMRDA अधिकाऱ्यांसमवेत बैठक घेण्यात आली. यावेळी खालील कामांबाबत आढावा घेण्यात आला. – ठाणे आणि मीरा-भाईंदर क्षेत्रातील रहिवाशांचा अत्यंत जिव्हाळ्याचा विषय असलेल्या मेट्रो ४ व ९ मार्गिकेची… pic.twitter.com/M2msM3X4eJ — Pratap Baburao Sarnaik (@PratapSarnaik) October 6, 2025

आता ॲप-आधारित वाहनाद्वारे प्रवाशांची होणारी लूट थांबणार, प्रताप सरनाईक यांनी दिला कारवाईचा इशारा

अंतर्गत रस्त्यांचे काँक्रिटीकरण

ठाणे व मिरा-भाईंदर महापालिका क्षेत्रातील अंतर्गत रस्त्यांची कामे तातडीने पूर्ण करण्याचे निर्देश दिले. विशेषतः मिरा-भाईंदर महापालिका हद्दीतील छत्रपती शिवाजी महाराज पुतळा ते महाराणा प्रताप पुतळा दरम्यानच्या रस्त्याचे काँक्रिटीकरण जलद गतीने करण्याचे निर्देश दिले.

मेट्रो पुलाखाली उद्याने विकसित करा

मेट्रोच्या पुलाचे काम सुरू असताना, त्याखालील मोकळ्या जागेवर भविष्यात अतिक्रमण होऊ नये यासाठी मंत्री सरनाईक यांनी महत्त्वाचा सल्ला दिला.

• नागपूर मॉडेल: नागपूर मेट्रो प्रकल्पाच्या धर्तीवर येथे सुशोभीकरण करून उद्याने विकसित करावीत.
• जाहिराती आणि देखभाल: या जागांची चांगली देखभाल व्हावी, यासाठी जाहिरातीच्या मोबदल्यात कायमस्वरूपी देखभाल करणाऱ्या संस्थांची नियुक्ती करावी, अशी सूचना मंत्री सरनाईक यांनी केली.

या बैठकीत डोंगरी व मोघरपाडा येथे होणाऱ्या कारशेड प्रकल्पाचाही आढावा घेण्यात आला. तसेच भविष्यात ठाणे व मिरा-भाईंदर शहरात होणाऱ्या मेट्रो स्थानकांना तेथील मूळ गावांची नावे द्यावीत, जेणेकरून त्या गावाची संस्कृती आणि परंपरा यांची ओळख निर्माण होईल, असे प्रतिपादन मंत्री सरनाईक यांनी यावेळी केले.

Mumbai: दहिसर-भाईंदर कोस्टल रोडचा मार्ग मोकळा; तीन वर्षांत प्रवास अर्ध्या तासावर; मंत्री प्रताप सरनाईक यांची माहिती