जीव गेला तरी बेहत्तर, दडपशाही सहन करणार नाही, सोनिया गांधींच्या ईडी चौकशी विरोधात अमरावतीत निषेध आंदोलन

केंद्रातील मोदी सरकारची (Modi Government) दडपशाही सहन करणार नाही, प्रसंगी आमचा जीव गेला तरी बेहत्तर! सोनिया गांधींना कुणी हात लावला, तर आम्ही त्यांना माफ करणार नाही” असे ठणकावून सांगत काँग्रेस नेत्या तथा माजी मंत्री यशोमती ठाकूर (Yashomati Thakur) यांनी मोदी सरकारच्या दडपशाही विरोधात जोरदार घोषणा दिल्या. अमरावतीतही यशोमती ठाकूर यांच्या नेतृत्वात अमरावती जिल्हा काँग्रेसच्यावतीने अमरावती विभागीय कार्यालयावर निषेध मोर्चा काढून इर्विन चौकात आंदोलन करण्यात आले.

Follow Us:

Follow Us:

अमरावती : काँग्रेस अध्यक्षा सोनिया गांधी (Sonia Gandhi) यांना ईडीने चौकशीसाठी हजर राहण्याबाबत नोटीस (ED inquiry notice) दिल्यानंतर आज देशभरात काँग्रेस (Congress) आक्रमक झाली असून, सोनिया गांधी यांच्या समर्थनार्थ देशभरात काँग्रेस कार्यकर्ते रस्त्यावर उतरल्याचे पाहायला मिळाले. “केंद्रातील मोदी सरकारची (Modi Government) दडपशाही सहन करणार नाही, प्रसंगी आमचा जीव गेला तरी बेहत्तर! सोनिया गांधींना कुणी हात लावला, तर आम्ही त्यांना माफ करणार नाही” असे ठणकावून सांगत काँग्रेस नेत्या तथा माजी मंत्री यशोमती ठाकूर (Yashomati Thakur) यांनी मोदी सरकारच्या दडपशाही विरोधात जोरदार घोषणा दिल्या. अमरावतीतही यशोमती ठाकूर यांच्या नेतृत्वात अमरावती जिल्हा काँग्रेसच्यावतीने अमरावती विभागीय कार्यालयावर निषेध मोर्चा काढून इर्विन चौकात आंदोलन करण्यात आले. (Amravati Congress Andolan)

[read_also content=”‘शमशेरा’ सुसाट! ‘शमशेरा’च्या ॲडव्हान्स बुकिंगने केला ‘एवढ्या’ कोटींचा टप्पा पार https://www.navarashtra.com/movies/the-advance-booking-of-shamshera-has-crossed-the-crore-306543.html”]

दरम्यान, केंद्रातील मोदी सरकार ने जे काही चालवलं आहे, कित्येक राज्यांमध्ये EDच्या भरोशावर ऑपरेशन लोटस सुरू केलेलं आहे. आज आमच्या नेत्या सोनिया गांधी यांची प्रकृती ठीक नसताना, त्या रुग्णालयात उपचार घेत असताना त्यांना या निर्दयी माणसाने चौकशीला बोलावलं आहे, असा आसूड  ठाकूर यांनी मोदी विरोधात लगावला. काँग्रेस नेत्या सोनिया गांधी यांची ईडीमार्फत केली जाणारी चौकशी ही राजकीय द्वेषातून केली जात आहे. केंद्रीय तपास यंत्रणा या मोदी सरकारच्या कळसूत्री बाहुल्या झाल्या असून सरकारच्या इशाऱ्यावर त्या केवळ सरकार विरोधात आवाज उठविणाऱ्या, तसेच विरोधी पक्षांच्या नेत्यांवरच कारवाई करत आहेत. पण ही दडपशाही आम्ही सहन करणार नाही, ‘खूप झाली दडपशाही, देशात हवी लोकशाही’, ‘बंद करा बंद करा, तपास यंत्रणांचा गैरवापर बंद करा’ अशा आशयाचे फलक घेऊन हे आंदोलन करण्यात आले.

Web Title: Protests in amravati against sonia gandhi ed inquiry

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com