फोटो सौजन्य सोशल मिडिया
बारामती मध्ये शेतकऱ्यांसाठी योग्य रित्या पाण्याचे नियोजन नसल्याने तसेच कालवे आणि सिंचनाची योजना मिळत नसल्याने बारामतीमधील शेतकऱ्यांवर पुन्हा दुष्काळाचे सावट पाहण्यास मिळत आहे.
2026 मध्ये बारामतीत 124 .5 मिमी म्हणजे 24.31 टक्क्यांपर्यंत पाऊस झाला, यामुळे शेतकऱ्यांच्या खरीप हंगामाला फटका बसला, या मुळे बारामतीत 36 हजार 370 हेक्टर शेतीला मोठा फटका बसला आहे.
बारामतीमध्ये जिरायत पट्ट्यातील बाजरी पाण्याअभावी जळून गेली आहे. त्याच बरबरोबर कांदा करपून विहिरीं कोरड्या पडल्याआहेत,यात बारामतीतील ओढे, नाले , तलाव, बंधारे आणि नदीपात्रे सुध्दा कोरडे पडले आहे.सिंचनाचे पाणी जनावरांना मिळणारा चारा यांचा प्रश्न ऐरणीवर आला आहे.
यामध्ये बारामती तालुक्यातील काटेवाडी माळेगाव पणदरे वडगाव निंबळकर,लोणी भापकर, करंजे पूल मोरगाव सुपा उंडवडी क.प. आणि शिर्सुफळ येथील क्षेत्राला फटका बसला आहे…
बारामती तालुक्यात पाण्याचा प्रश्न पुन्हा गंभीर वळण घेत आहे. सरकारने दृष्काळ जाहिर करण्या पूर्वी पाण्याचा प्रश्न सोडावणे अधिक गरजेचे आहे. नीरा कऱ्हा प्रकल्पाकडे शेतकऱ्यांच्या अपेक्षा लागल्या असून जनाई शिरसाई पुरंदर योजना आणि नीरा डावा कालव्याच्या आवर्तनाचे वेळापत्र निर्णयात्मक ठरणार आहे.
यंदाच्या वर्षी अपेक्षा पेक्षा कमी पाऊस झाल्याने बारामतीकरांना दुष्काळाच्या जळा सोसाव्या लागत आहे. बारामतीमध्ये केवळ 24.31 टक्के पाऊस झाल्याने शहरात तीव्र पाणीटंचाई झाली. देऊळगाव रसाळ, सोनवडी सुपे कारखेल ,जळगाव सुपे आणि अंजनगाव या भागांना टॅंकरद्वारे पाणी पुरवठा सुरू आहे. सप्टेंबर महिन्यातचं अशीपरिस्थिती असल्याने नागरिक बेजार झाले आहेत.
Mumbai News: सचिन वाझेंच्या जामिनावर कोर्टाचा निर्णय; अँटिलिया प्रकरणातील साडेपाच वर्षांचा कारावास
.png "Videos"){kind=small}
